Administrator
በእሬቻ ዋዜማ የሚጠበቀው ታሪካዊ የቦክስ ውድድር
የሴኔጋል ብሔራዊ ቡድን በባህር ዳር ስታዲየም ልምምድ ጀመረ
ለነገው የአፍሪካ ዋንጫ ጨዋታ የሚደረገው ዝግጅት የቀጠለ ሲሆን፣ የሴኔጋል ብሔራዊ ቡድን በአሁኑ ሰዓት በባህር ዳር ስታዲየም የልምምድ ስራዎችን በማከናወን ላይ ይገኛል። በታዋቂው አሰልጣኝ ፓትሪክ ቪየራ የሚመራው የሴኔጋል ቡድን በመጀመሪያው የምድብ ጨዋታው ከሞዛምቢክ ጋር አቻ መለያየቱ ይታወሳል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
አሜሪካ ለመካከለኛው ምስራቅ ያወጣችው ገንዘብ አፍሪካን ከአንድ ዓመት ረሃብ መታደግ ይችል ነበር
ስፑትኒክ የተባለው የዜና ተቋም ባወጣው ትንተና መሠረት፤ አሜሪካ ለመካከለኛው ምስራቅ ግጭት ያወጣችው ግዙፍ ገንዘብ በአፍሪካ ለአንድ ሙሉ ዓመት የሚሆን የረሃብ አደጋን መታገል የሚያስችል ነበር። የአሜሪካ ኮንግረስ ሪፖርት እንደሚያሳየው፣ አሜሪካ እስከ ሐምሌ 25 ድረስ ብቻ 38 ቢሊዮን ዶላር ያወጣች ሲሆን፤ ከዚያ በኋላ ባሉት ወራትም በየወሩ ከ2 እስከ 3 ቢሊዮን ዶላር ተጨማሪ ወጪ አድርጋለች።
በሌላ በኩል የተመድ የእርሻና ምግብ ድርጅት የሩሲያ ቅርንጫፍ ኃላፊ ኦሌግ ኮቢያኮቭ ለስፑትኒክ እንደተናገሩት፣ በአፍሪካ ረሃብን ሙሉ በሙሉ ለማስወገድ እስከ 2030 ድረስ በየዓመቱ ከ39 እስከ 50 ቢሊዮን ዶላር ያስፈልጋል። በዓለም አቀፍ ደረጃ ረሃብን በድጋሚ ለማጥፋት በየዓመቱ 267 ቢሊዮን ዶላር የሚያስፈልግ ሲሆን፣ ከዚህ ውስጥ ትልቁ የድጋፍ ድርሻ ከሰሃራ በታች ላሉ የአፍሪካ ሀገራት ይገባል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
«በሳውዲ ላይ የሚሰነዘር ጥቃት በኛ ላይ እንደተፈጸመ ይቆጠራል» የሞሮኮው ንጉስ
የሞሮኮው ንጉስ 6ኛ መሐመድ በሳውዲ አረቢያ ላይ የሚሰነዘሩ ጥቃቶችን አጥብቀው በማውገዝ፣ በሳውዲ ግዛት ላይ የሚፈጸም ማንኛውም ጥቃት በሞሮኮ ላይ እንደተፈጸመ እንደሚቆጠር ገለጹ።
ንጉሱ የሳውዲና የባህረሰላጤ አገራት ደህንነት አንድ መሆኑን በመጥቀስ፣ መካ እና መዲና ላይ የሚደረጉ ጥቃቶች ከ1.8 ቢሊዮን በላይ ሙስሊሞችን እንደሚነኩ አሳስበዋል። በተጨማሪም ቀይ ባህርና ባብ አል-መንደብ አካባቢ የሚፈጠር አለመረጋጋት ዓለም አቀፍ የንግድ መስመሮችን እና የመርከብ ንግድ ወጪን ከፍ እንደሚያደርግ አስጠንቅቀዋል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
15 አስደናቂ የአፍሪካ ሀብቶች: ማን ምን ያመርታል?
በአፍሪካ አህጉር ውስጥ የተለያዩ ማዕድናት፣ ሃብቶች እና የግብርና ምርቶችን በማምረት ረገድ ቀዳሚዎቹን ቦታዎች የያዙ ሀገራት ዝርዝር ከዚህ በታች ቀርቧል፦
ድፍድፍ ነዳጅ: ናይጄሪያ
ኮልታን (Coltan): ዲሞክራቲክ ሪፐብሊክ ኮንጎ
በቆሎ: ደቡብ አፍሪካ
ወርቅ: ጋና
አልማዝ: ቦትስዋና
ቦክሳይት (Bauxite): ጊኒ
እንጨት (Timber): ናይጄሪያ
ሩዝ: ናይጄሪያ
ዩራኒየም: ቦትስዋና
ፖም (Apple): ደቡብ አፍሪካ
ቲማቲም: ግብፅ
ጅንጅብል : ናይጄሪያ
ሐብሐብ: አልጄሪያ
ቴምር : ግብፅ
ሽንኩርት: ግብፅ
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
የ17 ቢ. ዶላሩ የምስራቅ አፍሪካ ግዙፍ ፕሮጀክት ሊጀመር ነው
የአፍሪካ ቁጥር አንድ ባለጸጋ አሊኮ ዳንጎቴ በምስራቅ አፍሪካ ትልቁን የ17 ቢሊዮን ዶላር የነዳጅ ማጣሪያ ፋብሪካ በኬንያ ላሙ ከተማ ሊገነባ ነው። ግዙፍ የግንባታ ማሽነሪዎችን የጫነው «ኤምቪ ዳ ያንግ» መርከብ ላሙ ወደብ መድረሱን ተከትሎ፣ የፋብሪካው የመሰረት ድንጋይ መጣል ስነ-ሰርዓት ከሁለት ቀን በኋላ ይካሄዳል። በዝግጅቱ ላይ የኬንያው ፕሬዚዳንት ዊሊያም ሩቶ እና አሊኮ ዳንጎቴ ይገኛሉ ተብሎ ይጠበቃል።
በቀን 700,000 ባርሬል ድፍድፍ ዘይት የማቀነባበር አቅም ይኖረዋል ተብሎ የታቀደው ይህ ማጣሪያ፣ ወደ 60,000 የሚጠጉ የስራ እድሎችን ይፈጥራል። ፕሮጀክቱ የምስራቅ አፍሪካን የኢኮኖሚ ገጽታ እና የኢነርጂ አቅርቦት በእጅጉ ይለውጠዋል ተብሎ ከፍተኛ ግምት ተሰጥቶታል።
የሐረር ከተማ: ጥንታዊቷ ቅዱስ ከተማ!
ሐረር ከእስልምና ሃይማኖት አንጻር ከመካ፣ ከመዲና እና ከኢየሩሳሌም በመቀጠል አራተኛዋ ቅዱስ ከተማ ናት። በዙሪያዋ ግዙፍ ግንብ ያላት ይህች ጥንታዊት ከተማ በፈረንጆቹ 2006 በዩኔስኮ (UNESCO) የዓለም ቅርስነት ተመዝግባለች።
በከተማዋ አሮጌ ክፍል ውስጥ ከ10ኛው መቶ ክፍለ ዘመን ጀምሮ የቆዩ 82 መስጊዶች እና ከ100 በላይ መቃብሮች (ሽሪኖች) ይገኛሉ። በ13ኛው እና በ16ኛው ክፍለ ዘመን መካከል የተገነባው የድንጋይ ግንብ ከተማዋን የከበበ ሲሆን፣ ሐረር ማታ ማታ ለዱር ጅቦች ምግብ የሚሰጥበት ልዩ ባህሏም በዓለም አቀፍ ደረጃ እጅግ ታዋቂ አድርጓታል።
G.A-
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
የሰው ልጅ በአራት ይፈረጃል! አንተ ከየትኛው ነህ?
1. የሚያውቅ እንዲሁም እንደሚያውቅ የወቀ ሰው....ይህ ሰው ምሁር ነውና በትዕግስት ከእርሱ እንማር!
2. የሚያውቅ ነገርግን እንደሚያውቅ የማያውቅ ሰው.... ይሄኛው ማወቁን ማስገንዘብ ይሻል እና አበክረን እናስገንዝበው!
3. የማያውቅ እና እንደማያውቅ የሚያውቅ ሰው....ይህ ሰው ተማሪ ነው እና አንድ ቀን ታላቅ ምሁር ስለሚሆን ያለማቋረጥ አናስተምረው!
4. የማያውቅ ነገር ግን እንደማያውቅ የማያውቅ ብሎም ለማወቅ ጉጉት የለለው ሰው......ይህ ሰው ያጠፋናል እና የሚነግረንን በጥንቃቄ እንፈትሽ!
???? ይሔው ነው!
#ጥበብ_እና_ማስተዋል_ለሰው_ልጆች_ሁሉ!
ለመንፈስ ጽናትሽ እጅ እንነሳለን!
መስቀል መከራም ደስታም አለበት። ይህቺን ልጅ በበዓለ መስቀል በተካሔደው በበርሊን ማራቶን የመጨረሻ ኪሎ ሜትሮች ባየናት ጊዜ እንደ ሥጋ ለባሽ እንደዚያ ተሰምቶናል።
ለመንፈስ ጽናትሽ እጅ እንነሳለን።
ያንን ታላቅ ሰው ከጎኗ ሲደርስ ብናይ የአቃቢ መልአክ ያህል ሆኖ ታይቶን፥ የፍቅር ዕንባ ተፈታትኖናል። ለዚህ ትውልድ ቀና የማለት ምልክቶች ናችሁኮ!
በአማን ነጸረ-
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
ድሬደዋ ለሀገሪቱ የትምህርት ቤት ምገባ አርአያ የሚሆን አዲስ ሞዴል ይፋ አደረገች
የኢትዮጵያ ስኩል ሚል ኢኒሼቲቭ (ESMI) ከዩኒሴፍ ድጋፍ ጋር በመተባበር እንዲሁም ከድሬዳዋ ከተማ አስተዳደር ጋር በመሆን “ዘላቂ የትምህርት ቤት ምግብ በጀት ለተሻለ ትምህርት” በሚል መሪ ቃል በድሬዳዋ የተሰራውን የመጀመሪያ ምዕራፍ የትምህርት ቤት ምገባ ፕሮጀክት ከፊል ርክክብ አከናወነ።
ከባህላዊ የምገባ አሰራሮች በተለየ መልኩ የተዘጋጀው ይህ አዲስ ሞዴል፤ በተቋማዊ ነፃነት፣ በአካባቢያዊ ባለቤትነት፣ በአካባቢ ጥበቃና ዘላቂነት፣ እንዲሁም በተረጋገጡ የሕግና የፋይናንስ ማዕቀፎች ላይ ያተኮረ በመሆኑ በሀገሪቱ የመጀመሪያው አርአያ ሊሆን የሚችል ፕሮጀክት ተደርጎ ተወስዷል።
ይህ ሁሉን አቀፍ ፕሮግራም በአየር ንብረት ለውጥ ላይ የተመሰረተ እና በቀን እስከ 10,000 ተማሪዎችን መመገብ የሚችል ዘመናዊ የማዕከላዊ ማብሰያ ቤት፣ ጥልቅ የውኃ ጉድጓድ እና የጠብታ መስኖን ያካተተ የተቀናጀ የአየር ንብረት-ተስማሚ እርሻን አካትቷል። ከዚህም በተጨማሪ ከተማ አስተዳደሩ ከበጀቱ 3 በመቶ ለትምህርት ቤት ምገባ በመመደብ፣ ነፃ የትምህርት ቤት ምገባ ኤጀንሲ (School Feeding Agency) እና የትረስት ፈንድ በማቋቋም ለፕሮግራሙ ዘላቂነት ትልቅ መሰረት ጥሏል።
በቀጣይም ፕሮጀክቱን ወደሌሎች ክልሎች ለማስፋፋት እየተሰራ መሆኑን ከኢትዮጵያ ስኩል ሚል ኢንሼቲቭ ሐላፊዎች የተገኘው መረጃ ያመለክታል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

