Administrator

Administrator

ጠቅላይ ሚኒስትር ዐቢይ አሕመድ እንደተናገሩት፤ ኢትዮጵያ ከሰሃራ በታች በአፍሪካ አቻ የማይገኝለትን እና እጅግ ዘመናዊ የሆኑ የጦር ቴክኖሎጂዎችን በመታጠቅ ታሪካዊ የመከላከያ አቅም ገንብታለች። ከሩሲያ መንግሥት ጋር በተደረገ ስትራቴጂካዊ ስምምነት መሠረት፣ በጠቅላይ ሚኒስትሩ ጥያቄ እና በሩሲያው ፕሬዝዳንት ቭላድሚር ፑቲን ድጋፍ አውሮፕላኖቹ ከታቀደላቸው ጊዜ ቀደም ብለው እንዲደርሱ ተደርጓል።
በዚህም መሠረት ኢትዮጵያ የመጀመሪያውን ዙር 12 የሱ-35 (Su-35) እጅግ ዘመናዊ የጦር ጄቶች መረከቧ ተገልጿል። እነዚህ አውሮፕላኖች የጠላት የሚሳይል ጥቃቶችን ከሩቅ ርቀት በመለየት የማክሸፍ እና የጠላት አውሮፕላኖችን የመደምሰስ ከፍተኛ ብቃት አላቸው። ከዚህ በተጨማሪም ኢትዮጵያ 4 የኤስ-400 (S-400) የአየር መከላከያ ሥርዓት ባትሪዎችን እንደምትረከብና እነዚህም የሀገሪቱን የአየር ክልል ከማንኛውም ሥጋት ሙሉ በሙሉ ለመጠበቅ እንደሚያስችሉ ተመላክቷል።
130 ሚሊዮን ሕዝብ ያላት ኢትዮጵያ ለልጆቿ አስተማማኝ ሀገር ለማውረስ ጠንካራ መከላከያ ሊኖራት እንደሚገባ የገለጹት ጠቅላይ ሚኒስትሩ፤ በቂ ዝግጅት ያለው ሀገር በቀላሉ እንደማይደፈር እና ጦርነትንም ማስቀረት እንደሚቻል አጽንኦት ሰጥተዋል። ይህ አቅም የኢትዮጵያን የአየር የበላይነት ለማረጋገጥና ሀገርን ከማንኛውም ሥጋት ለመጠበቅ ትልቅ ሚና አለው።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
ሚደሮክ ኢንቨስትመንት ግሩፕ ኢትዮጵያ እ.ኤ.አ. በ2027 ለምታስተናግደው 32ኛው የተባበሩት መንግስታት የአየር ንብረት ለውጥ ጉባኤ (COP32) በሆቴልና ቱሪዝም ዘርፍ ከፍተኛ ሥራዎችን እየሠራ ይገኛል። በአዲስ አበባ ቦሌ መንገድ ሚሊኒየም አዳራሽ አጠገብ "ሞክሲ ባይ ማርዮት"፣ በሳርቤት አካባቢ "ፎር ፓይንትስ ባይ ሸራተን" እንዲሁም ከአፍሪካ ሕብረት አጠገብ "ዌስቲን አዲስ" ሆቴሎች ግንባታ በልዩ ትኩረት እየተከናወኑ ናቸው።
ግሩፑ ከአዲስ አበባ ውጭ ባሉ ከተሞችም ሥራውን አጠናክሮ የቀጠለ ሲሆን፤ በጅማ እና በሃዋሳ የ"ፎር ፓይንትስ ባይ ሸራተን" ሆቴሎች እየተገነቡ ይገኛሉ፤ በባሕር ዳርም የ"ፎር ፓይንትስ ባይ ሸራተን" እና የ"ፕሮቲያ ባይ ማርዮት" ሆቴሎች የቅድመ ዝግጅት ሥራዎች ተጠናቀዋል።
ይህ ሰፊ የሆቴል ልማት ኢትዮጵያ ዓለም አቀፍ እንግዶችን በድምቀትና በብቃት ለማስተናገድ ያላትን አቅም ከፍ የሚያደርግ ሲሆን፤ ለብዙ ወጣቶች የሥራ ዕድል በመፍጠር እና የሀገሪቱን ቱሪዝም በማሳደግ ረገድ ትልቅ ሚና ይጫወታል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
ጠቅላይ ሚኒስትር አብይ አህመድ "የመደመር" መጽሐፋቸው ወደ ሩሲያኛ ተተርጉሞ መመረቁንና በምረቃውም ላይ በአካል በመገኘታቸው ትልቅ ደስታና ኩራት እንደተሰማቸው ገለጹ። መጽሐፉ ከዚህ ቀደም በእንግሊዝኛ፣ በቻይንኛ እና በአረብኛ መታተሙ ይታወሳል፤ አሁን ደግሞ በሩሲያኛ መዘጋጀቱ የኢትዮጵያ ሐሳብና ፍልስፍና ድንበር ተሻግሮ ለብዙኃን እንዲደርስ ትልቅ ዕድል ይፈጥራል ብለዋል።
ሩሲያ ለብዙ ኢትዮጵያውያን የትምህርት ቦታ እንደነበረች ሁሉ፣ አሁን የኢትዮጵያ ሐሳብ ለሩሲያ አንባቢያን መድረሱ የዕውቀት ልውውጡን ሙሉ እንደሚያደርገው ጠቅላይ ሚኒስትሩ ተናግረዋል። በተጨማሪም መጽሐፉ እንዲዘጋጅና እንዲተረጎም ከፍተኛ ጥረት ላደረጉት የሩሲያ ቱዴይ (RT) ባለሙያዎችና አመራሮች ምስጋናቸውን አቅርበዋል።
ይህ እርምጃ የኢትዮጵያን ባህልና እውቀት ለዓለም ለማስተዋወቅ እንዲሁም በሕዝቦች መካከል ጠንካራ የሐሳብ ድልድይ ለመገንባት ከፍተኛ ጠቀሜታ እንዳለው ተገልጿል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
የመቐለ ከተማ ሕዝብ ከዚህ ቀደም ከቀሩት የኢትዮጵያ ክልሎች በተለየ መልኩ ሳያገኘው የቆየውን የ"መሶብ" የአንድ ማዕከል ዲጂታል የመንግሥት አገልግሎት በከተማዋ ለመጀመር ዝግጅቶች መጠናቀቃቸው ተገለጸ።
በፌዴራል መንግሥት በተሰየመው የትግራይ ጊዜያዊ ባለአደራ አስተዳደር አማካኝነት ወደ ሥራ የገባው ይህ ማዕከል፤ ተገልጋዮች የተለያዩ መንግሥታዊ አገልግሎቶችን በአንድ ቦታ በዲጂታል ቴክኖሎጂ በቀላሉና በፍጥነት እንዲያገኙ የሚያስችል ነው። ለዚህም አቶ ስምኦን ተስፋማርያም የማዕከሉ ዋና ሥራ አስፈጻሚ ሆነው መሾማቸው ታውቋል።
የዚህ ማዕከል መጀመር ዜጎች በመንግሥት መሥሪያ ቤቶች ለመስተናገድ የሚያወጡትን አላስፈላጊ ወጪና ጉዞ በከፍተኛ ሁኔታ የሚቀንስ መሆኑ ተገልጿል። በተለይም አቶ ስምኦን ተስፋማርያም ባላቸው ዲጂታላዊ ክህሎትና ሰፊ የሥራ ተሞክሮ ማዕከሉን በብቃት በማስተዳደር አገልግሎቱን ተደራሽ እና ቀልጣፋ ለማድረግ ትልቅ ሚና ይኖራቸዋል ተብሎ ይጠበቃል።
Tigray Television-
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
በአፍሪካ የሰብዓዊ መብቶች ወደፊት እንዴት መመራት እንዳለባቸው እና ሕዝብን ማዕከል ያደረጉ መፍትሔዎችን ለመቀየስ ያለመ ሁለተኛው የቀጣናው የምክክር መድረክ በአዲስ አበባ፣ በአፍሪካ ኢኮኖሚክ ኮሚሽን አዳራሽ እየተካሄደ ነው።
"በአፍሪካ የሰብዓዊ መብቶችን የወደፊት ዕጣ ፈንታ እንደገና መቃኘት" በሚል መሪ ቃል የተዘጋጀው ይህ ጉባኤ፤ ከተባበሩት መንግስታት የሰብዓዊ መብቶች ከፍተኛ ኮሚሽነር ጽሕፈት ቤት (OHCHR)፣ ከአፍሪካ ብሔራዊ የሰብዓዊ መብቶች ተቋማት መረብ (NANHRI) እና ከሌሎች አጋር ድርጅቶች ጋር በመተባበር የተዘጋጀ ሲሆን፣ በምስራቅ አፍሪካ ቀጣና ያሉ የሰብዓዊ መብቶች ሁኔታዎችንና ዘላቂ መፍትሔዎችን እየመረመረ ይገኛል።
በመክፈቻውዕለት ዲሞክራሲያዊ አስተዳደርና ተጠያቂነት ለአፍሪካ ኢኮኖሚያዊ ለውጥና ሰላም መሠረት መሆናቸው ተመላክቷል። ይሁን እንጂ በአሁኑ ወቅት የሲቪክ ምህዳሩ እየጠበበ፣ ነጻነቶች እየተገደቡ እና የተቋማት ነጻነት እየተዳከመ መምጣቱ ከፍተኛ ሥጋት እንደፈጠረ ተገልጿል። ይህንን ችግር ለመቅረፍም ዜጎች፣ መንግስታት፣ የፓርላማ አባላትና የግል ባለሃብቶች መብትንና ፍትሕን በማጠናከር የሕዝቦችን ንቁ ተሳትፎ ማረጋገጥ እንዳለባቸው ጥሪ ቀርቧል።
የኢኮኖሚ ዕድገት በወረቀት ላይ ብቻ ሳይሆን በሕዝቦች የዕለት ተለት ሕይወት ላይ የሚታይ ለውጥ ማምጣት እንዳለበት የተሰመረበት ሲሆን፤ የሜጋ መሰረተ ልማት ግንባታዎች ከተፈጥሮ አካባቢ ዘላቂነት እና ከነባር ማህበረሰቦች መብት ጋር ሊጣጣሙ ይገባል ተብሏል። የሰብዓዊ መብት መርሆዎችም በቀላል ቋንቋ፣ በማህበረሰብ ተሳትፎ እና በባህል አማካይነት ለሕዝብ መድረስ እንዳለባቸው የተገለጸ ሲሆን፣ ለሁለት ቀናት ሲካሄድ የቆየው ይህ ታሪካዊ የምክክር መድረክ በነገው ዕለት ይጠናቀቃል ተብሎ ይጠበቃል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
ውስብሰብ ያለ ነገር ግን እጅግ ጠንካራ አደረጃጀት የነበረው አንድ የማፊያ ቡድን ነበር አሉ አዲስ አበባ ውስጥ። መዋቅሩ እስከ መንግሥት ኃላፊዎች የተዘረጋና ለብዙ ዓመታት ፈርጥሞ የቆየ እንደነበር ነው የተገለጸው።
ለራሱም ሆነ ለሌሎች ተቀጥሮ የፈለገውን የውንብድና ሥራ ይሰራ የነበረ 'የሚፍፈራ ተቋም' እንደነበር ይነገራል። እናም በአንዱ ቀን በድንገት አንድም የዚህ 'ተቋም' አባል የት እንደገባ ማወቅ ሳይቻል ቀረ። ሁሉም ብን ብለው ጠፉ። ሰንሰለቱ ተበጣጠሰ ሳይሆን ተነነ።
በኋላ እንደተሰማው በመንግሥት በኩል ጉዳዩ በሚመለከተው ክፍል ዘለግ ላለ ጊዜ ስውር ክትትል ተደርጎ በአንድ ምሽት ሁሉም ልቅም ተደርገው ተወስደው ኖሯል። የት እንደተወሰዱ የወቅቱ operation ባለቤት ነው የሚያውቀው። ይህን ከሰማን አንድ 20 ዓመት ጠግቶታል።
እና ምን ማለት ነው? መሬትም ባንክም ታንክም የያዘ አካል ውንብድናን ማሸነፍ /ማክሸፍ ሊያቅተው አይችልም። የአርሲ እና የወለጋ ወገኖቻችን ተደጋጋሚ ግ^ድያ ከክልሉ መንግሥት አቅም በላይ በፍጹም ሊሆን አይችልም።
የፈለገውን operation ተጠቅሞ መከላከልም መቆጣጠርም ይችላል። 'አቅም የለኝም' ካለ 'የፌዴራል መንግሥት ጣልቃ ይግባልኝ' ማለት ይችላል። ይሄ ህገ-መንግሥቱ ላይ የተቀመጠ ነገር ነው። እኔ አይደለሁም ያልኩት።
አንድ ግብር እየሰበሰበ ነገር ግን ሥራውን ያልሰራ የመንግሥት አካል ተቀምጦ እያለ በሃይማኖት ሥም ጥ'ቃት እየደረሰ እንደሆነ ለማስመሰል እየተሞከረ ያለው ነገር ደስ አይልም።
7ዳይ በሃይማኖት ሥም ሊደበቅ አይችልም። የሚሳካ ባይሆንም ለፖለቲካዊ ትርፍ ሲባል በሙስሊሞችና ክርስትያኖች መካከል ቅራኔ ለመፍጠር የሚተጋ ከሁሉም ሃይማኖቶች በኩል 'ወመኔ' ስለማይጠፋ በአስተውሎት መጓዝ ይጠቅማል። ሥራውን ቸል ያለ አካል አለ! አራት ነጥብ!
© ሐዉለት አሕመድ (ፒኤችዲ)
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

የአዲስ አበባ ንግድ ቢሮ ከውኃ አቅራቢዎች ማህበር ጋር በመዲናችን የታሸጉ ውኃዎች በተመጣጣኝ ዋጋ ለህብረተሰቡ እንዲቀርቡ ስምምነት ላይ ደረሰ። በጥሬ ዕቃ አቅርቦት ላይ የነበረው የደላላ ጣልቃ ገብነትና የዋጋ ግሽበት ፈታኝ መሆኑ በመድረኩ የተነሳ ሲሆን፣ ከምርት እስከ ቸርቻሪ ያለው የዋጋ ሰንሰለት ግልጽ እንዲሆን ጥናት ቀርቦ ውይይት ተደርጎበታል።

በመጨረሻም ፋብሪካዎች ለአከፋፋዮችና ለቸርቻሪዎች የሚሸጡበትን ትክክለኛ ዋጋ በራሳቸው ወስነው፣ በማህበራቸው በኩል ለአዲስ አበባ ንግድ ቢሮ በአጭር ጊዜ ውስጥ ለማሳወቅ የጋራ መግባባት ላይ ተደርሷል። ይህ ውሳኔ የታሸጉ ውኃዎችን የዋጋ ንረት በማረጋጋት ህብረተሰቡ በተመጣጣኝ ዋጋ እንዲጠቀም ከፍተኛ አስተዋጽኦ ያበረክታል ተብሎ ይጠበቃል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

መካንነት አብዛኛውን ጊዜ በሴቶች ላይ ብቻ የሚከሰት ችግር ተደርጎ የሚወሰድ ቢሆንም፣ ከጠቅላላው የመካንነት ችግር እስከ 18 በመቶ የሚሆነውን ድርሻ የሚይዙት ወንዶች መሆናቸውን ጥናቶች ያሳያሉ። ሁለት ጥንዶች ምንም አይነት የእርግዝና መከላከያ ሳይጠቀሙ ከአንድ ዓመት በላይ በሆነ ጊዜ ውስጥ እርግዝና ካልተፈጠረ የመካንነት ችግር ተብሎ እንደሚገለጽ የሚታወቅ ሲሆን፣ የወንዶች መካንነት በዋናነት ከዘር ፍሬ (ስፐርም) ምርት ብዛት፣ ጥራት እና እንቅስቃሴ ሂደት ጋር የተያያዘ መሆኑን የህክምና ባለሙያዎች ያስረዳሉ።

ጠቅላላ ሀኪም ዶክተር ዙቤይዳ ሁሴን እንደገለፁት ከሆነ፣ የወንድ የዘር ፍሬ ጤናማ እና ጥራት ያለው ስፐርም ማምረት የሚችለው ከሰውነት መደበኛ ሙቀት በቀዘቀዘ አካባቢ ነው። ላፕቶፕን እግር ወይም ጭን ላይ አድርጎ መጠቀም የወንድ ዘር ፍሬ የሚፈልገውን መደበኛ ሙቀት የሚጨምር በመሆኑ፤ የስፐርምን ብዛት፣ የመንቀሳቀስ ብቃት እና ቅርፅ ስለሚጎዳ የወንዶችን የመውለድ አቅም በመቀነስ ለመካንነት ሊያጋልጣቸው እንደሚችል ዶክተር ዙቤይዳ አስገንዝበዋል። በመሆኑም ላፕቶፕን ሁልጊዜም በጠረጴዛ ወይም በሌላ ጠፍጣፋ ነገር ላይ አስቀምጦ መጠቀም እንደሚገባ ተጠቁሟል።

ከዚህ በተጨማሪም የሆርሞን መዛባት፣ በግብረ ሥጋ ግንኙነት የሚተላለፉ ኢንፌክሽኖች፣ ከመጠን በላይ አልኮል መጠጣት፣ ሲጋራ ማጨስ፣ ከመጠን ያለፈ ውፍረት እንዲሁም የሚያጣብቁ የውስጥ ሱሪዎችን ማዘውተር ወንዶችን ለመካንነት ከሚያጋልጡ ሌሎች ዋና ዋና ምክንያቶች መካከል ተጠቃሽ መሆናቸውን የህክምና ባለሙያዎች አፅንኦት ሰጥተው አሳስበዋል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAd

  የኢፌዴሪ የመከላከያ ሚኒስትር አቶ መሐመድ እድሪስ በኢትዮጵያ ከተባበሩት አረብ ኤምሬቶች አምባሳደር አብደላ ሀሰን አልሻምሲ ጋር በሁለትዮሽ ወታደራዊ እና ልማታዊ ትብብሮች ዙሪያ ውጤታማ ውይይት አካሂደዋል።

በውይይቱም አቶ መሐመድ እድሪስ ሁለቱ ሀገራት በጋራ እየሠሩባቸው ያሉትን የወታደራዊ መስኮች ያነሱ ሲሆን፣ በተለይም የመከላከያ ሚኒስቴር የልማት ድርጅቶች እያከናወኗቸው ባሉ የግንባታ ፕሮጀክቶች ላይ የተባበሩት አረብ ኤምሬቶች እያደረገች ያለችውን ወሳኝ አስተዋጽኦ አድንቀዋል።

አምባሳደር አብደላ ሀሰን አልሻምሲ በበኩላቸው፤ ኢትዮጵያ እያስመዘገበች ያለችውን ሁለንተናዊ የልማት እድገት አድናቀው፣ ሀገራቸው ከኢትዮጵያ ጋር ያላትን ስትራቴጂካዊ አጋርነት አጠናክራ እንደምትቀጥል አረጋግጠዋል። ከኢትዮጵያ መከላከያ ሠራዊት የልማት ድርጅቶች ጋር በቅንጅት በመስራታቸው ኩራት እንደሚሰማቸው የገለጹት አምባሳደሩ፣ ሁለቱ ሀገራት በጋራ ብሔራዊ ጥቅሞቻቸው ላይ የተመሠረተውን ጠንካራ ወዳጅነት ወደ ላቀና ዘላቂ የወታደራዊ ትብብር ደረጃ ለማሸጋገር በቁርጠኝነት ለመስራት መስማማታቸውን የመከላከያ ሠራዊት መረጃ ያመላክታል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

"ተገንጣይ በሚል ፍረጃ የኢትዮጵያ ችግር አይፈታም"
የቀድሞው የውጭ ጉዳይ ሚንስትር ገዱ አንዳርጋቸውን፣ አምባሳደር ብርሃነ ገብረ ክርስቶስንና አምባሳደር ፍስሃ አስገዶምን ጨምሮ ሰባት የቀድሞ የኢትዮጵያ ዲፕሎማቶች፣ የአሜሪካ የውጭ ጉዳይ ሚንስትር ማርኮ ሩቢዮ በቅርቡ የኢትዮጵያን ተቃዋሚ ቡድኖች "ተገንጣይ" ሲሉ የሰጡትን መግለጫ በመተቸት ለአሜሪካ ውጭ ጉዳይ መሥሪያ ቤት ደብዳቤ ልከዋል።
ዲፕሎማቶቹ በደብዳቤያቸው እንደገለጹት፤ ይህ የሩቢዮ ፍረጃ የሀገሪቱን ውስብስብ የፖለቲካና የጸጥታ እውነታ አቅልሎ የሚያቀርብና የችግሩን ሥረ-መሠረት የሚሸፍን በመሆኑ፣ አሜሪካ ጉዳዩን በጥልቀት ልትመረምረው ይገባል።
መንግሥትን መቃወምና የፖለቲካ ጥያቄ ማቅረብ ከተገንጣይነት ተለይቶ ካልታየ የግጭቱ ዋና ምክንያቶች ሊሸፋፈኑና ገንቢ ድርድር የማድረግ ዕድሎች ሊዘጉ እንደሚችሉ የጠቆሙት የቀድሞ ዲፕሎማቶቹ፣ ዋሽንግተን ሚዛናዊና መርህ ላይ የተመሠረተ አካሄድ እንድትከተል አሳስበዋል። በተጨማሪም አሜሪካ ለሲቪሎች ደኅንነትና ተጠያቂነት ወጥ የሆኑ መስፈርቶችን እንድትከተልና ዘላቂ ሰላም ለማስፈን ለአካታች የፖለቲካ ውይይት ከሁሉም ባለድርሻ አካላት ጋር ግንኙነት እንድታደርግ ጥሪ አቅርበዋል።
Wazema-
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
Page 3 of 844