ለካንሰር በሽታ

የክሮሺያ ሳይንቲስቶች በጥቁር አዝሙድ ዘይት ውስጥ ስለሚገኙ ሁለት ፋይቶ ኬሚካሎች እንዴት ካንሰርን እንደሚከላከሉ ጥናት አድርገው ነበር።

በጥናታቸውም መሠረት እነዚህ በጥቁር አዝሙድ ዘይት ውስጥ የሚገኙ ሁለት ኬሚካሎች (ታይሞኪውኖን እና ታይሞሃይድሮኪውኖን) ካንሰርን የሚያስከትሉ ቲውመር ሴሎችን በ 52% (በሃምሳ ሁለት ፐርሰንት) መከላከል እንደሚችሉ ማረጋገጥ ችለዋል፡፡

በሁለቱ ኬሚካሎች መበልፀጉ ጥቁር አዝሙድን የተለየ ያደርገዋል ይህም ካንሰርን በተለያዩ መንገዶች ለመከላከል እና ለማከም ይረዳል፡፡

ለጉበት ጤንነት

ጉበት ለሰውነታችን በጣም አስፈላጊ ከሆኑ የሰውነት ክፍሎች ውስጥ አንዱ ነው፡፡

ወደ ሰውነታችን የገባ ማንኛውም መርዛማ ነገር በጉበት አማካይነት ይረክሳል፤ ከጉበት የሚገኘው የሃሞት ፈሳሽ፤ ስብን ወይም ፋትን በመፍጨት እንዲሁም አእምሮና ሰውነታችን ደስተኛና ጤናማ በማድረግ ቁልፍ የሆነ ሚና በመጫወት ይጠቅመናል፡፡

በመድሃኒቶች ምክንያት የሚከሰት የጎንዮሽ ጉዳት፣ በአልኮል መጠጦችና በተለያዩ በሽታዎች ጉበታቸው ለተጎዳ ወይም ስራውን ለቀነሰባቸው ሰዎች፤ የጥቁር አዝሙድ ዘይት ጉበት ለማገገም ወይም ለመዳን የሚያደርገውን ሂደት በሚገርም ሁኔታ ያፋጥናል፡፡

ለስኳር በሽተኞች!

በህንድ የህክምና ቡድን ተጠንቶ ለህትመት የበቃው ጥናት እንደሚሳየው የጥቁር አዝሙድ ዘይት የጣፊያ ቤታ ሴሎች በፍጥነት እንዲያገግሙ ያደርጋል።

በደም ውስጥ በዝቅተኛ መጠን የሚገኘውን የኢንሱሊን መጠን እንዲጨምር እና በደም ውስጥ ጨምሮ የሚገኝውን የስኳር መጠን እንዲጨምር ያደርጋል፡፡

እንደሚታወቀው ኒጌላ ሳቲቫ (Nigella Sativa) በተክሎች ላይ ከሚገኙ ጥቂት ንጥረ ነገሮች ውስጥ አንዱ ሲሆን ዓይነት 1 እና ዓይነት 2 የስኳር በሽታዎችን ለመከላከል ይረዳናል፡፡

የሰውነት ክብደት ለመቀነስ!

ፀረ-ውፍረት ባህሪ ያላቸው ተክሎች የትኞቹ እንደሆኑ ለመለየት የተደረገ አንድ ጥናት እንደሚያሳየው የጥቁር አዝሙድ ዘይት ውጤታማ ተፈጥሮአዊ የውፍረት መከላከያ መሆኑን አረጋግጠዋል፡፡

የጥቁር አዝሙድ ዘይት የሰውነት ክብደትን ሊጨምሩ የሚችሉ ሁኔታዎችን በመግታት ወይም በማስተካከል ይረዳናል። ከእነዚህም መካከል:-

የምግብ ፍላጎት

ግሉኮስን በአንጀታችን ውስጥ መምጠጥ

የደም ስኳር መጠን

ኮሌስትሮል እና

ትራይግላይሴራይድስ ናቸው።

ለፀጉር መሳሳት!

ከብዙዎቹ ልዩ የሆኑ የጥቁር አዝሙድ ጥቅሞች ውስጥ አንዱ የፀጉር መሳሳትን ወይም መመለጥን መከላከሉና በፍጥነት እንዲያገገም ማድረጉ ነው፡፡

ይህ እንዴት እንደሆነ የሚታወቅ ባይሆንም ለመገመት ግን በጣም ቀላል ነው።

ይህም ጥቁር አዝሙድ ከፍተኛ የሆነ ፀረ-ኦክሲዳንት እና ፀረ-ባክቴሪያ ባህሪ ስላለው ነው፡፡

ሜላኒን እንዳይጎዳ ይከላከላል!

ሜላኒን የቆዳ ቀለም ሲሆን ቆዳችን ጉዳት እንዳይደርስበት በመከላከል ይጠቅመናል፡፡

ለአይናችን፣ ለቆዳችን እንዲሁም የራሳችን ቀለም እንዲኖረን በማድረግ ከፍተኛ የሆነ ሚናን የሚወጣ ኬሚካል ነው፡፡

ከሜላኒን ጋር የተያያዙ የቆዳ በሽታዎች እንዲያገግሙ ይረዳናል፡፡

ኢንፌክሽንን ለመከላከል!

ኢንፌክሽን አለም አቀፍ ስርጭት ያለውንና ሜቲሲሊን ረዚስታንት ወይም በሜቲሲሊን መድሃኒት የማይሞተው ስታፋሎኮከስ አውረስ (Staphylococcus aureus) የተባለውን ባክቴሪያ፤ የጥቁር አዝሙድ ዘይት በመግደልና በማጥፋት ይጠቅመናል፡፡

ጽሑፉን ከወደዱት (Like) በማድረግ ለሌሎችም (share) ያድርጉት፡፡ ቸር እንሰንብት