Administrator
የአፍሪካ እግር ኳስ ኮንፌዴሬሽን (CAF) የአፍሪካ ዋንጫ ውድድር በየሁለት ዓመቱ እንዲካሄድ ወሰነ
ከሞያሌ ግጭት ሸሽተው ወደ ኬንያ የገቡ ሰዎች ቁጥር 50 ሺህ መድረሱ ተገለጸ
ሩሲያ ኢትዮጵያንና ኤርትራን ለማሸማገል ዝግጁ መሆኗን በድጋሚ አረጋገጠች
አህጉሪቷን የቀየሩ የአፍሪካ ምርጥ 5 መሪዎች
ሩሲያ ኢትዮጵያንና ኤርትራን ለማሸማገል ዝግጁ መሆኗን በድጋሚ አረጋገጠች
በኮኬይን ምክኒያት የተቀጠፈችው ፈርጥ
የ7 ዓመቱን ሕፃን የገደለው ተጠርጣሪ ሊያመልጥ ሲሞክር በተተኮሰበት ጥይት ህይወቱ አለፈ
ከ19 ዓመታት የባህል ምግብ ልምድ ወደ ዘመናዊው "ቡል ኤንድ ቡሽ" አገልግሎት
ሩሲያ ለአፍሪካ ሀገራት ነፃ እህልና የግብርና ድጋፍ መስጠቷን እንደምትቀጥል ፑቲን አስታወቁ
የሩሲያው ፕሬዚዳንት ቭላዲሚር ፑቲን ሀገራቸው ለአፍሪካ የምታደርገውን የነፃ እህል እርዳታ አጠናክራ እንደምትቀጥል ገልጸዋል። ሞስኮ ከአፍሪካ ጋር ያላትን ወዳጅነት ለማጠናከር ባላት ፍላጎት መሰረት፣ በችግር ውስጥ ለሚገኙ የአፍሪካ ሀገራት ያለ ምንም ክፍያ የምግብ እህል ማቅረቧን ትቀጥላለች። ይህ እርምጃ አህጉሪቱ ገጥሟት ያለውን የምግብ እጥረት ለማቃለልና የሁለቱን ወገኖች ግንኙነት ይበልጥ ለማጠናከር ትልቅ አስተዋጽኦ ይኖረዋል።
ከእህል እርዳታው በተጨማሪ ሩሲያ የአፍሪካን የግብርና ዘርፍ ለማደስና ለማዘመን ዝግጁ መሆኗን ፑቲን አረጋግጠዋል። አፍሪካውያን በራሳቸው አቅም በቂ ምግብ ማምረት እንዲችሉ ዘመናዊ የግብርና ቴክኖሎጂዎችን፣ ማዳበሪያ እና የሙያ ስልጠናዎችን እንደሚያቀርቡ ተናግረዋል። ይህም አፍሪካ ከውጭ ሀገራት የምግብ ጥገኝነት እንድትወጣ እና የገጠር ኢኮኖሚዋ እንዲያድግ ትልቅ ድጋፍ ይሆናል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas
በዓዲግራት ከ32 በላይ ፍርደኞችና በጥብቅ የሚፈለጉ ተጠርጣሪዎች በቁጥጥር ሥር ዋሉ
በዓዲግራት ከተማ በነበረው የጸጥታ ችግር ምክንያት ህብረተሰቡ በቀንም ሆነ በሌሊት በታጠቁ ቡድኖችና ግለሰቦች ሳቢያ በከባድ ስጋት ውስጥ ወድቆ እንደነበር የከተማዋ ፖሊስ አዛዥ ኢንስፔክተር አታክልቲ ገብረህይወት ገልጸዋል።
በትግራይ ተፈጥሮ የነበረው ፖለቲካዊ አለመግባባት ወደ ጦርነት ሲያመራ ከ600 በላይ ወንጀለኞችና ከ150 በላይ ተጠርጣሪዎች ከእስር እንዲፈቱ በመደረጉ እና የጸጥታ መዋቅሩ በመበተኑ ችግሩ ተባብሶ እንደነበር ተብራርቷል። ከእስር የተለቀቁት እነዚህ ቡድኖች ከ5 እስከ 20 ሰዎችን በማደራጀትና የተለያዩ መሳሪያዎችን በመጠቀም በመንግስትና በህዝብ ተቋማት ላይ ስርቆትና ዘረፋ ሲፈጽሙ እንደነበርም ተመልክቷል።
በዚህ ከባድ ሁኔታ ውስጥ የሀገር ሽማግሌዎች፣ ነጋዴዎች፣ የሃይማኖት አባቶች፣ ወጣቶችና ሚሊሺያዎች ዘረፋን ለመከላከል ጥረት ሲያደርጉ የቆዩ ቢሆንም፣ ችግሩ ከህብረተሰቡ አቅም በላይ በመሆኑ የተቀናጀ አሰራር አስፈላጊ ሆኖ ተገኝቷል። ዓዲግራት ኮሚኒኬሽን እንዳመለከተው፣ በተደረገው ጥሪ መሰረት ከ95 በመቶ በላይ የሚሆኑ የፖሊስ አባላት ከፖለቲካዊ ተጽዕኖ ነጻ ሆነው ወደ ሥራ ተመልሰዋል። በተጨማሪም በከንቲባው ከሚመራው አመራር፣ ከፖሊስ ማኔጅመንትና ከጸጥታ አካላት ጋር በተደረገ ስምምነት ሚሊሺያዎችን፣ ወጣቶችንና የፖሊስ ኮሚኒቲ አባላትን ያካተተ ቡድን በየቀጠናው በማደራጀት የጸጥታ መዋቅሩ የመልሶ ማደራጀት ሥራ ተከናውኗል።
በተከናወነው የመልሶ ማደራጀት ሥራና በተደረጉ ድንገተኛ ፍተሻዎች ከ32 በላይ ፍርደኞች፣ 47 በስርቆትና በሌሎች ወንጀሎች የተጠረጠሩ ሰዎች እንዲሁም 6 በጥብቅ የሚፈለጉ ተጠርጣሪዎች በቁጥጥር ስር መዋል ችለዋል። ኢንስፔክተር አታክልቲ፣ የጸጥታ ሥራው ዘላቂ ይሆን ዘንድ ቀጣይነት ያለው ጥረት እንደሚያስፈልግ ገልጸው፣ የጸጥታ መከበር ከፖለቲካ ወገንተኝነት ነፃ የሆነ የሁሉም አካል ኃላፊነት መሆኑን በማስገንዘብ ለከተማዋ ነዋሪዎችና አጋር አካላት ምስጋናቸውን አቅርበዋል።
የቴሌግራም ቻናልችንን በመቀላቀል የአዲስ አድማስን መረጃ ይከታተሉ…
https://t.me/AdissAdmas

