የማሊ መንግስት የአሜሪካ ዜጎች የቢዝነስ ወይም የጉብኝት ቪዛ ለማግኘት እስከ 10ሺ ዶላር የሚደርስ ተመላሽ የሚሆን ገንዘብ ማስያዝ እንደሚጠበቅባቸው አስታውቋል።

ውሳኔው በቅርቡ ማሊን ጨምሮ በበርካታ የአፍሪካ ሀገራት ላይ ለተጣለው ተመሳሳይ የአሜሪካ ፖሊሲ ቀጥተኛ ምላሽ ነው ተብሏል፡፡

የማሊ የውጭ ጉዳይ ሚኒስቴር እንደገለጸው፤ እርምጃው የተወሰደው የቪዛ ገደቦችን በተመለከተ ዋሺንግተን በተከተለችው "የአንድ ወገን ውሳኔ" ምክንያት ነው፡፡

.

ይህ በእንዲህ እንዳለ በባማኮ የሚገኘው የአሜሪካ ኤምባሲ የራሱን ፖሊሲ አስመልክቶ በሰጠው ምላሽ፣ የገንዘብ ማስያዣው የአሜሪካን ድንበሮችና ብሄራዊ ደህንነት ለመጠበቅ ያለመ ነው ማለቱን ግሬት አፍሪካ ዘግቧል፡፡

2ሺ ፍልስጤማውያን ከእስራኤል እስር ቤት ተለቀቁ

የአሜሪካ ፕሬዚዳንት ዶናልድ ትራምፕ የጋዛን የመሪዎች ጉባኤ ለመምራት ዛሬ ሰኞ የግብፅዋ ከተማ ሻርም ኤል ሼክ መግባታቸው ተዘግቧል፡፡ በጉባኤው ላይ የእንግሊዝና የጀርመን መሪዎችን ጨምሮ ከ20 በላይ የዓለም አገራት መሪዎች እንደሚሳተፉ ታውቋል፡፡ የግብጹ ፕሬዚዳንት አልሲሲ መሪዎቹን እየተቀበሉ መሆኑም ተዘግቧል።

በሌላ በኩል፤ በጋዛ የሰላም ስምምነት መሰረት፣ ከእስራኤል እስር ቤት የተፈቱ ፍልስጤማውያን ወደ ጋዛና ራማላህ ተጉዘው ከቤተሰቦቻቸው መቀላቀላቸውን አልጀ ዚራ ዘግቧል።

እስራኤልና ሃማስ ያደረጉት የተኩስ አቁም ስምምነት መተግበሩን ተከትሎ፣ ሃማስ በህይወት ያሉ 20 እስራኤላውያን ታጋቾችን የለቀቀ ሲሆን፤ እስራኤል በበኩሏ ሁለት ሺህ የሚጠጉ ፍልስጤማውያንን ከእስር ለቃለች ተብሏል፡፡

በአከባበር ስነ ስርዓቱ ላይ የዞኑ አመራሮች የመንግስት የስራ ሀላፊዎች ሚኒስትሮች እና ተፅኖ ፈጣሪ ሰዎች የጉራጌ ብሄርሰብ ተወላጆች ታድመዋል።

አዳብና ማለት አዳም እና ሄዋን የሚለው ቃል በሂደት ወደ አዳብና መቀየሩ ይነገራል።አዳብና የመስቀል በአልን ተከትሎ እስከ ጥቅምት 1 የሚከበር በአል ነው።

በበአሉ ልዩ ልዩ የጉራጌ ባህላዊ አልባሳት ጭፈራዎች ምግቦች መሰል ቱፊታዊ ክንውኖች ተካሂደዋል።

በአዲስ አበባ የኤሌክትሪክ ተሽከርካሪ ፋብሪካ ለመገንባት ከአውሮፓ ኩባንያ ጋር ስምምነት መደረሱ ተዘግቧል፡፡

የትራንስፖርትና ሎጅስቲክስ ሚኒስትር ዴኤታ በረኦ ሐሰን፣ መቀመጫውን አውሮፓ ካደረገው ባትስዋፕ አውቶሞቲቭ ኃላፊዎች ጋር በጉዳዩ ዙሪያ ተወያይተዋል።

ትብብሩ አዲስ አበባ ውስጥ የኤሌክትሪክ ተሽከርካሪ ማምረቻ ፋብሪካ መትከል፣ የባትሪ ማምረቻና ጥናትና ምርምር እንዲሁም የአረንጓዴ ትራንስፖርት ዘርፍ ልዩ የኢኮኖሚ ዞን ማቋቋምን ያካትታል።

በ2026 በሚተገበረው የስምምነቱ የመጀመሪያ ምዕራፍ፣ 240 የሙከራ የኤሌክትሪክ ጭነት ተሽከርካሪዎች ሲገነቡ፤ 10 አውቶማቲክ የባትሪ መለዋወጫ ጣቢያዎች በአዲስ አበባ ይዘረጋሉ።

ስምምነቱ ኢትዮጵያ በአፍሪካ የአረንጓዴ እንቅስቃሴ ዘርፍ ቁልፍ ተዋናይ ከመሆን ራዕይዋ ጋር የተጣጣመ ነው መባሉን ስፑትኒክ ዘግቧል፡፡