Administrator

Administrator

On 4 September, federal prosecutors said they want to proceed to trial after presenting 10 out of 15 witnesses, two of whom had their identities concealed, in the case of Oromo Federalist Congress (OFC) politicians Jawar Mohammed and Bekele Gerba.
The trial could begin at the Federal High Court within a week.
In pre-trial hearings on 1 September two more witnesses appeared. The next day, during the final witness testimony, a defendant, Hameza Adane, also an OFC member, said the suspects are being defamed in the media.
“Our families had to change their residence due to discrimination; the propaganda outside against us is heavy. Even though we did no such thing, the state has brought a witness who told myself and Bekele gave order which resulted the death of 160 people.  We are being defamed with a crime we didn’t commit and I’ve asked the court before to give order for the discontinuance of such defamations,” he said.
Defense attorney Tuli Bayessa told Ethiopia Insight that they are considering suing the media outlets. The judge said the First Instance Court could only investigate specific complaints and asked Hameza to name the outlets and detail the allegedly defamatory statements. In response, the defendant named Feteh magazine.
On 4 September, testimonies and cross examinations of two more witnesses took place. Prosecutors then said they have presented enough testimonies and the remaining five witnesses will appear at the Federal High Court trial. They have until 18 September to file charges with the court.
During pre-trial hearings, the Attorney General’s Office prosecutors presented the general nature of evidence acquired by police investigators in order to justify the arrest of the suspect. During the subsequent preliminary inquiry, which is only routine in cases involving serious alleged crimes, witnesses were heard, and those testimonies are transferred to the Federal High Court for the trial.
On the last session of the pretrial inquiry, the court said the prosecution asked for 15 days to file charges after receiving the copy of the testimonies. However, as per article 109 of the Criminal Procedure Code, the 15-day countdown begins from the day of the conclusion of the witness hearings.
Defense attorneys argued that the 15 days granted to file charges is not necessary since the police investigation was concluded a month ago. The defense also asked the court to release the suspects on bail until the trial but that was rejected. Suspects told the court the testimonies presented were false and that the dispute needs a political, not legal, resolution.
Jawar and Bekele again asked the court to allow the suspects to be detained together, as there is no justification for solitary detention. The court ordered the suspects to be allowed to see each other and get enough outdoors time, yet Jawar pointed out that a previous order from the court on the matter had not been implemented.
Upon the judge’s request, the Deputy Director of the Federal Prison Administration Etenesh Woldegabriel said she did not know why this had not occurred. The judge told the deputy director that the 4 September order should be carried out without any preconditions, but, by 13 September, this had not occurred, despite a defense complaint three days before.
Jawar and Bekele made a closing statement thanking the judge, prosecutors, and police officers for trying to be fair and treating them well. Jawar asked the officers to extend such treatment to all individuals under their custody. Bekele said “This is isn’t the first time I stood court. We all know how it used to be and what happened in this very court room two years ago. Now I have much more respect for this court”.
On 7 September, Deputy Attorney General Fekadu Tsega said the suspected killers of Hachalu Hundessa, a 29 June incident that triggered the deadly chaos Jawar and Bekele are suspected of stoking, will also be charged next week and that related investigations are also nearing conclusion.
Defense attorney Tuli Bayessa told Ethiopia Insight the pre-trial process had been smooth and that the replacement judge was an improvement on the first one, who he claims unlawfully denied Jawar’s request to see his doctor.
The prosecution was strict about keeping the testimonies and identities of the witnesses concealed throughout the preliminary inquiry. No journalists were allowed inside the court room, instead they follow proceedings, apart from the witness testimonies, on a plasma screen in an adjacent room. According to the defense, the testimonies were kept hidden as they may have revealed the witnesses’ identity, but normally this occurs in a fully closed session. Prosecutors claimed some state witnesses had experienced intimidation.
Only four family members of the suspects were allowed to attend the witness hearings. On 1 September, Ethiopia Insight’s correspondent asked other journalists if it was permissible to interview the family members. The correspondent was then questioned by a police officer and told that such an interview would be construed as an attempt to reveal the contents of the concealed testimonies.
(Source: Ethiopia Insight, September 14, 2020
by Leul Estifanos )









የአለም ባንክ በኢትዮጵያ የግብርናውን ዘርፍ እድገት ለመደገፍና በአነስተኛ መሬት ለሚያርሱ ገበሬዎች የተሻለ አማራጭን ለመፍጠር የ80 ሚሊዮን ዶላር ድጋፍ ማድረጉን ፋና ብሮድካስቲንግ ኮርፖሬሽን ዘግቧል፡፡ የአለም ባንክ ስራ አስፈፃሚ ቦርድ የባንኩ አንድ አካል የሆነው አለም አቀፉ የልማት ማህበር፣ ለኢትዮጵያ 80 ሚሊዮን ዶላር ድጋፍ እንዲያደርግ በትናትናው ዕለት ውሳኔ አሳልፏል።ይህ ድጋፍ በዋነኝነት መንግስት የግብናውን ዘርፍ ምርታማነት ለማሻሻል የሚያደርገውን እንቅስቃሴ ለመደገፍና በአነስተኛ መሬት የእርሻ ስራ ለሚያከናውኑ ገበሬዎች የገበያ እድል ለመፍጠር የሚውል ነው ተብሏል።

Saturday, 12 September 2020 15:15

ከልሂቃን አንደበት

     “….በዓለም ላይ በርካታ ሰዎች አሜሪካ የምድር ገነት ናት ብለው ያስባሉ፡፡ በአሜሪካ ያሉቱ ግን ፈጽሞ እንደዚያ ዓይነት ሃሳብ የላቸውም፡፡ የሌላ አገር ዜጎች ወደ አሜሪካ ለመግባት የማይፈነቅሉት ድንጋይ የለም፡፡ ደቡባዊ የአገሪቱ መግቢያ ቢከፈት፣ ነገ ጠዋት 2 ሚሊዮን ሰዎች ወደ አሜሪካ ይጐርፋሉ፡፡ ለምን? አገሪቱን ገነት አድርገው የሚቆጥሩ አያሌዎች ናቸው፡፡ እዚህ አሜሪካ የምትኖሩ ግን ፈጽሞ ገነትን እያጣጣምን ነው አትሉም፡፡  ምክንያቱስ? ገነትና ሲኦል መልክአ ምድራዊ ሥፍራ አይደለም፡፡ ገነትና ሲኦል ራሳችሁ የምትፈጥሩት ጉዳይ ነው፤ በአዕምሮአችሁ፡፡ በምድር ላይ ህይወታቸውን ሲኦል የሚያደርጉ ቁጥራቸው ቀላል የማይባል ሰዎች አሉ፡፡ እዚህ ምድር ላይ ገነት ያላችሁ መስሎ ከተሰማችሁ፣ ወደ መንግስተ ሰማያት ለመግባት የምትመኙ ይመስላችኋል?! ለምን ብላችሁ!!....”
 (ሳድህጉሩ፤ህንዳዊ ሚስቲክ፣ባለ ርዕይና ደራሲ)
 “…በዚህ ምድር ላይ የሰው ልጆች ትልቁ ችግር፣ ሁልጊዜ እኛ ብቻ ትክክል ነን ብለው ማሰባቸው ነው፡፡ በዓለማችን ላይ የሁሉም ቅራኔዎች ወይም ግጭቶች መነሻ “እኔ ትክክል ነኝ፤ አንተ ግን ስህተት ነህ” የሚለው እምነትና አስተሳሰብ ነው፡፡ አይደለም እንዴ? “እኔ የማምነው ትክክል ነው፤ አንተ የምታምነው ስህተት ነው” የሚለው ሙግት፣ የሁሉም ችግሮች መነሻ ነው፤ በቤተሰብ ይሁን በማህበረሰብ አሊያም በመላው ዓለም፡፡ ከሁሉም በፊት ማወቅ ያለባችሁ …የያዛችሁት እምነት የራሳችሁ (ኦሪጅናል) አለመሆኑን ነው፡፡ ከወላጆቻችሁ ወይም ከማህበረሰባችሁ የወረሳችሁት ነው፡፡ እናታችሁ ወይም አባታችሁ አሊያም ሌላ ሰው ነው እናንተ ውስጥ ያሰረፀው፡፡ ስለዚህ እውነቱ ላይ ለመድረስ የምትሹ ከሆነ… መጀመሪያ ማረጋገጫ ከማታገኙለት እምነታችሁ መፋታት ይኖርባችኋል፡፡ ያኔ ነው ሃቁን የምታገኙት…”                                            
(ሳድህጉሩ፤ህንዳዊ ሚስቲክ፣ባለ ርዕይና ደራሲ)
“…ፍርሃት፣ ቁጣና ተስፋ ማጣት የሚወለደው ከተሳሳተ አተያይ ወይም ግንዛቤ ነው፡፡ ብዙ ጊዜ ስለ ራሳችንና ስለ ሌሎች የተሳሳተ አተያይና ግንዛቤ ይኖረናል፡፡ ይሄ ደግሞ የግጭት፣ የብጥብጥና የጦርነት መነሻ ነው፡፡ ጥላቻንና ግጭትን ለማስወገድ ብቸኛው መንገድ፤ ራስን በሌላው ጫማ ውስጥ አድርጐ የሌላውን ስሜትና ሁኔታ ለመረዳት መሞከር ነው፡፡ ለዚህ ደግሞ ጥልቅና ልባዊ አድማጭ መሆንን ይጠይቃል፡፡ እናም ተበደልኩ የሚለውን ወገን እንዲህ ብለን ማናገር ይገባናል፡-- “ውድ ወገኔ፡- ብዙ መሰቃየትህን እናውቃለን፡፡ ነገር ግን ችግርህንና ስቃይህን በቅጡ ሳንረዳ ቀርተናል፡፡ የበለጠ ስቃይ እንዲደርስብህ ፍላጐታችን አይደለም፡፡ ይልቁንም ፍላጐታችን በተቃራኒው ነው፡፡ እናም እባካህን… ስለ ስቃይህና ችግርህ በደንብ ንገረን፡፡ ስለ ሁሉም ነገር በጥልቀት ለማወቅና ለመረዳት እንሻለን…; በእንዲህ አይነት የፍቅር ቋንቋ ነው መጀመር ያለብን፡፡ ንግግራችን ከልብና ከምር ከሆነ፣ እነሱም ልባቸውን ከፍተው ስቃያቸውን ያጋሩናል፡፡ በዚህ ልባዊ የማድመጥ ሂደትም ስለ ራሳችንና ስለነሱ አተያይ ብዙ ልንማር እንችላለን፡፡ ይሄ ነው ትክክለኛውና ብቸኛው ሽብርተኝነትን ማስወገጂያው መንገድ፡፡…”
ቲክ ናት ሃን
(የቡድሃ መነኩሴና የአያሌ መፃሕፍት ደራሲ)
“…ትላንትናችሁ የዛሬውንም ሆነ የነገውን ህይወታችሁን እንዲቆጣጠር አትፍቀዱለት፡፡ የትላንትናውን ክፉ ሁሉ እርሱት፡፡ ያለፈውን ስቃይና ህመማችሁን አሽቀንጥራችሁ ጣሉት፡፡ ይህን በማድረጋችሁ…የነገ ህይወታችሁን ከብልሽት ትታደጉታላችሁ፡፡ ያለፈውን ጨለማ ዘመን ወደ ኋላችሁ ትታችሁት ተሻገሩ፤ የመጪውን ብሩህ ዘመን ብርሃን እንዳይጋርድባችሁ፡፡ ያለፈው አንድ ጊዜ አልፏል፡፡ ጉዳዩ ኢ-ፍትሐዊ፣ አረመኔ ወይም በጭካኔ የተሞላ አሊያም ደግሞ ምንም ነገር ሊሆን ይችላል፡፡ ዛሬ ጉዳዩን ማንሳት ግን አንድም በጐ ውጤት አያመጣላችሁም፡፡ አንድ ግለሰብ ወይም ቡድን አንዳች ክፉ ነገር ሰርቶባችሁ ከሆነ፣ ያንን ማሸነፊያው ብቸኛው መንገድ ጉዳዩን መርሳትና ወደፊት መቀጠል ነው፡፡ በጥላቻ ውስጥ የምትዳክሩ ከሆነ ግን አሸናፊዎቹ እነሱ ይሆናሉ - ክፉ አድራጊዎቹ፡፡ በተበዳይነት ትርክት ውስጥ የምትኖሩ ከሆነም ድሉ የነሱ ነው፡፡ እናንተ ማሸነፍ ከፈለጋችሁ… መጪውን ዘመናችሁን በመገንባት ላይ ብቻ አተኩሩ፡፡ ያንንም ዛሬውኑ ጀምሩት፡፡ አሁኑኑ!! ያለፈውን ዘመን ሸክም ከትከሻችሁ ላይ አራግፉ፡፡ ያለፉና አሁን የሌሉ ኹነቶች፤ ይህቺን ቅጽበት በደስታ ከመኖርና ከማጣጣም እንዲያግዷችሁ አትፍቀዱላቸው፡፡;
(ከ#Fearless soul” ዩቲዩብ)


Saturday, 12 September 2020 15:10

የግጥም ጥግ

    “ልብ ያለው ልብ ይበል”

መልካ ምሳለ
ክፋት መርጠን፣
ደምብ ጥሰን
ህግ አፍርሰን፣
ብርሃን ትተን
ሰንዳክር በጨለማ፣
ከሰውነት ተራ ወረድን
ማንነታችን ተቀማ።
ፈጣሪን እረስተን
ግፍ አንፈራ ብለን፣
ቀኙን መንገድ ትተን
ግራውን አጥብቀን፣
ገንዘብ ስልጣን ወደን
ሰይጣንን አንግሰን፣
በፈፀምነው ክደት
በሰራነው ሥራ፣
ያመፃችን ልኬት
በፅዋተ ሰፍራ፣
ደምወዝ ተከፈለን
አጨድን መከራ።
ባውቃለሁ ባይነት
ትዕቢት ተወጥረን፣
ቅዱሱን አርክሰን
እርኩሱን ቀድሰን፣
አውሬ ያልሞከረውን
ስንት ነገር ሰርተን፣
ያጠራቀምነው ግፍ
ሰይጣን አስቀንተን፣
ዛሬ ፅዋው ሞልቶ
በትንፋሽ ጨረሰን።
አያድርስ አይጣል ነው
የፈጣሪ ቁጣ፣
ጣራችን ከበደ
ሞታችን ቅጥ አጣ፣
ጥሪያችን ፈጠነ
መኖር ትርጉም አጣ፣
ትናንት የነበረው
ሲነጋ እየታጣ።
ሀዘን ግራ ገባው
ቀብራችን ሰው አጣ፣
ወንበር ፈር ቶሸሸ
ድንኳንም አልወጣ፣
የበደል ክምችት
ይህን ቀን አመጣ፣
ልብ ያለው ልብ ይበል
የባሰ እንዳይመጣ።
ነሐሴ 15, 2012

       ብላሽ!
እኛ ...
እብዱ ኹሉ፣ ከንቱው ኹሉ፣
ባልጠረቃ ጅል አመሉ፣
በመንገዱ ያሰረውን - ዝባዝንኬ፣ ስለ
ትትብታብ፣
ያገም ጠቀም ውራ ወሬ - ተረት ሙሉ ባዶ
ክታብ፣
ቋጠሮውን ያላወቅን - ካሰረው እብድ
የማንሻል፣
ተነጋግረን ከምንፈታ - ስናጠብቀው ቀን
ይመሻል።
እብዱስ ይኹን ቀድሞም አብዷል -
አሳሳቢው የኛ ነገር፣
ድልድይ መስበር የለመድን - ገደል ማዶ
ሳንሻገር።
(ከአበረ አያሌው ፌስቡክ)


   “እውነት ሲያረጅ ተረት ይሆናል፤ አርትም ሲያረጅ ጂኦግራፊ ይሆናል” ይላሉ አበው አዋቂዎች፡፡ ከዕለታት አንድ ቀን በአንድ ሰፈር የሚኖሩ የእግር ኳስ ቡድን የነበራቸው ወጣቶች ነበሩ፡፡ እነዚህ ወጣቶች እንዳሁኑ ዘመን “ጋሼ የኳስ መግዣ አዋጡልን”፣ “ጋሼ የማልያ አነሰን አሟሉልን…” አይሉም፡፡ ይልቁንም በተገኘው አጋጣሚ ሁሉ በተለይ በበዓላት ሰሞን የቡድናቸውን ማጠናከሪያ ገቢ ከማሰባሰብ ወደ ኋላ አይሉም ነበር፡፡
በተለይም እንደ ቡሄ ሆያሆዬ፣ እንደ መሥቀል ጭፈራ…በማድረግ ረዥም ርቀት እየተጓዙም ጭምር ገንዘብ ያጠራቅማሉ፡፡
ከእነዚህ የገቢ ማሰባሰቢያ ዘዴዎች አንዱ እንደ እንቁጣጣሽ አበባ ማዞርና ከሚገኘው ሳንቲም ቀንሶ እያንዳንዱ አባል እንዲያዋጣ ማድረግ እጅግ የተለመደው የቡድን ማዳበሪያ ዘዴ ነበር፡፡
ይህንን መነሻ በማድረግ አንድ ጊዜ (በ1950 እና 1960ዎቹ ውስጥ) የተከሰተን ሁኔታ እንደሚከተለው እናቀርበዋለን፡፡
ወቅቱ የዛሬ 45 አመት ገደማ ነበር፡፡ እንደዛሬ የእንቁጣጣሽ ጊዜም ነበር፡፡ በየዘመድ ቤትና በየጐረቤቱ የሚሰጡትን አበባ ለመሥራት፣ የአበባ ዱቄት ገዝተው አበባ ሲቀቡ ከርመዋል፡፡ ከአበባ ሌላ ክንፉን የዘረጋ መላዕክ ስዕል፣ የርግብ ስዕል፣ የአበባ ማስቀመጫ “እንኳን ለቅዱስ ዮሐንስ አደረሳችሁ” የሚል የመልካም ምኞት መግለጫ ጋር የሰሩም አሉ፡፡
ሴት ሴቶቹ አበባየሆይ እያሉ ይዘፍናሉ፡፡
በዚያን ጊዜ አበባ ለማዞር በየአጐቶቻቸው፣ በየክርስትና አባቶቻቸው፣ በየአክስታቸው፣ በየእናት አባት ነፍስ አባቶች መኖሪያ ቤት ይዞራሉ… ያዞራሉ፡፡ አንዳንዱ ቤት ውሻም ያስቸግራቸዋል፡፡ ያኔ ቤተሰቡ ለአበባ አዟሪ የሚሰጠውን ገንዘብ እየጠረጴዛው ላይ አስቀምጦ ይጠብቃል፡፡ እንደ ዛሬ አልነበረም፡፡ ደግ ጊዜ ነበረ! ወጣቶቹ በየፊናቸው አበባ አዙረው ሳንቲም ሰብስበው ከተመለሱ በኋላ ሠፈር አንድ ሁነኛ ቦታ ይገናኛሉ፡፡  
የዚያን ዕለት ታዲያ በሰበሰቡት ውስጥ የቀነሱትን ቀንሰው ለካፒቴናቸው ያስረክባሉ፡፡ አንዱ ልጅ ብቻ ፈራ ተባ ሲል ይታያል፡፡ ይሄኔ የቡድኑ መሪ ይጠራጠርና “ምን ወደ ኋላ ትላለህ? አምጣ እንጂ የሰበሰብከውን?” አለው፡፡ ልጁም አወጣና ሰጠ፡፡ ካፒቴኑ ሳንቲሙን ቆጠረና “አሃ! ይሄን ብቻ ነው የሰበሰብከው?” ሲል ጠየቀው፡፡ ልጁም “አዎ ይሄን ብቻ ነው” ለማለት ፈልጐ “አ…ኦ…የ..ለ..ቸ”…እያለ ተኮለታተፈ፡፡ ተልጐመጐመ፡፡
ይሄኔ ካፒቴኑ “ምን አባክ ያንተበትብሃል? እስኪ አፍህን ክፈት” ሲለው፤ ልጁ አፉን ከፈተ፡፡
ለካ ከምላሱ ሥር የሰረቃትን አምስት ሳንቲም ላንቃው ላይ አጣብቋት ኖሯል፡፡ ጓደኞቹ ሁሉ በሳቅ ፈነዱ፡፡
*   *   *
በሀገራችን እንዲህ ያለ የዋህነት ዘመንም ነበረ፡፡ ሳንቲም በመደበቂያ ቦታ ጠፍቶ አፍ ውስጥ የሚከቱ ወጣቶች የነበሩበት ጊዜ፡፡
ታዲያ ዛሬ ኮንቴይነር ሙሉ የሰረቁ ሌቦች በሚዲያ ጭምር ተጋልጠው፣ የሀገር ሀብት ሲመዘበር የምንታዘብበት ሀገር ውስጥ እንደምንኖር ያስተዋልበት ሁኔታ ተከሰተ፡፡ እና እንደ ድሮው እምነት ማጉደል ሳይሆን ሙስና የሌብነት ወንጀል ዘረፋ፣ ምዝበራ ወዘተ ተባለ፡፡ የሀገር ሃብት አደጋ ላይ የተጣደበት ጉቦ ህጋዊ ደረሰኝ እንዲሰጥበት የተቃረበ ጊዜ ሆኗል፡፡
ቁጥጥሩ በጐላ መልክ መታሰብ ያለበት ወቅት ላይ ነን፡፡
ዛሬ የማንበብ ባህል በቅጡ ያልዳበረበት መሆኑ አሳዛኝ ነው፡፡ በመሠረቱ፤ የታሪክ መዛግብትንና መጻሕፍትን የማንበብ ባሕል ብናዳብር ብዙ እናውቃለን፡፡ ጠቀሜታውም ብርቱ ይሆናል፡፡ ለአብነት ያህል ገጣሚና ጸሐፌ - ተውኔት መንግሥቱ ለማ፤ የአባታቸውን የአለቃ ለማ ኃይሉን ታሪክ፣ አባታቸው ከራሳቸው አንደበት በመቅረፀ - ድምጽ  (በቴፕ) ቀድተው ሲያበቁ “መጽሐፈ ትዝታ ዘአለቃ ለማ” ብለው ጽፈው በ1959 ዓ.ም ከአሳተሙት መጽሐፍ የሚከተለውን የሰፋ ቁምነገር ለዛሬ ጭምር ረብ - ያለው ሆኖ እናገኘዋለን፡፡
የወቅቱን የብሔር ብሔረሰብ ጣጣ እናስተውል ዘንድም እንጠቅሰዋለን፡፡
“…አለቃ ለማ ኃይሉ፣ “አባቴ አስተማሪዬም” የሚሏቸው አለቃ ተጠምቆ ትግሬ ናቸው፡፡ በቅኔ በብሉይ መምህርነታቸው ማዕረግ አክብረው አንከብክበው አለቃ ተጠምቆን የያዟቸው ዲሞች፣ ጐጃሞች ናቸው፡፡
አለቃ ለማን ቤተኛቸው አድርገው ለወ/ሮ አበበች ይልማ የዳርዋቸው ጌታ አለቃ ወልደ ያሬድ ሸዬ ናቸው፡፡ አለቃ ለማ ራሳቸው መቄቴ፣ ላስቴ ናቸው፡፡
ይህ የሊቃውንት አባቶቻችን ታላቅነት አርአያ፤ በአሁኑ ዘመን ትግሬ ነህ፣ ጐንደሬ ነህ፣ ሸዋ ነህ፣ ጐጃም ነህ፣ ሐረርጌ ነህ፣ ወለጋ ነህ፣ በመባባልና በማባባል ጊዜና ጉልበታቸውን በከንቱነት የሚያባክኑትን፣ ሁሉ በጽኑ ይወቅሳቸዋል፡፡
የታላላቆቹ ኢትዮጵያውያን አንድነታቸው፣ የመንፈስና የሃሳብ አንድነት ነበር፡፡ የነዚያ አንድነት ደግሞ የኢትዮጵያ አንድነት ምሰሶ መሆኑ፣ በእኛ በልጆቻቸው ዘንድ ተዘንጊ ነገር አይደለም፡፡
የአዲስና የሃይማኖተ አበው መምህራቸው ጌታ አለቃ ገብረመድህን፣ ፍቅረነዋይ፤ ሲፀነሱ ጀምሮ ያልተጠጋቸው መሆናቸውን ይናገሩና “ዛዲያ ማለፊያ ልጅ እኔን ወለዱ - እንደሳቸው ገንዘብ እማልወድ” ይላሉ አለቃ ኃይሉ፡፡
ይህ የታላላቆች ሊቃውንት፣ አባቶቻችን መንፈሳዊ ትህትናና የመንፈስ ልግስና በአሁኑ በእኛ ጊዜ አያስፈልግም የሚለው ማነው? ምንድነው? - መልሱን ለአስተዋይ አንባቢ ትቻለሁ።” ይሉናል፡፡
የዘንድሮው እንቁጣጣሽ ከላይ የጠቀሰውን ቁምነገር ልብ የምንልበትና አዲሱን በአዲስ መንፈስ የምንቃኝበት ይሆን ዘንድ ቅን ልቦናና አመክንዮአዊ አስተሳሰብ ይስረጽብን!!
አሜን!
መልካም አዲስ ዓመት!!   

Tuesday, 15 September 2020 00:00

ከፌስቡክ ገጾች በጨረፍታ

 ለምን ኢትዮጵያን እናስቀድማለን?
                               (ሙክታሮቪች)


             ኢትዮጵያን የምንል ሰዎች ከኢትዮጵያ የተለየ ጥቅም ስለምናገኝ አይደለም:: ኢትዮጵያ በአንድነቷ እንደ ታሪኳ ቀና ብላ በአለም ላይ ብትደምቅ ብትበለፅግ፣ ለእኛ የተለየ ድርሻ ይኖረናል ብለን አይደለም። የሁላችንም ጥቅም ጎልቶ ስለሚታየን ብቻ ነው። "ተዉ አንድ እንሁን፣ ተዉ ቂም በቀል አንፈልፍል፣ ተዉ በኢትዮጵያ ሰማይ ስር ማንም ኢትዮጵያዊ ያሻው ቦታ ላይ ሠርቶ የማፍራት፣ መርጦ የመኖር ነፃነትና መብቱ ይጠበቅለት" ማለታችን፣ ማረፊያ መውደቂያ ስላጣን አይደለም፣ የአባት የእናት የዘመድ አዝማድ የትውልድ ቦታ አጥተን አይደለም:: "አንድ እንሁን አንለያይ; የምንለው መነሻ የሌለን ወፍዘራሽ ስለሆን አይደለም። የሀገርና የፖለቲካ ትርጉም ስለገባን ነው። የዜግነት ፅንሰ ሀሳብ የሚመሰረተው በሁሉ እኩልነት ላይ መሆኑ ስለገባን ነው። "የእኔ ብሄር ብቻ ያስተዳድር" በሚል የሚጀመር ፖለቲካ በየትኛውም መስፈርት ኋላቀር ፖለቲካ መሆኑ ስለገባን ነው።
ለምን ይህን አቋም መረጥን?
የሀገር ፍቅር በጥቅም ስለማይመዘን ነው::
ትሥሥራችን እያንዳንዱ ቤተሰብ ውስጥ የዘለቀ ስለሆነ ነው::
ሀገር ከመንደር ስለሚሻል ነው::
ሠርተን፣ ለፍተን በላባችን አፍርተን፣ አንገታችንን ቀና አድርገን የምንኖርባት ሰላማዊ ሀገር ለመፍጠር ነው:: ደስታም ስኬትም፣ ዝናም ክብርም፣ ሀብትም ፍቅርም፣ ትዳር ጥሪትም፣ ዕምነት ተስፋም፣ ሰርግ ቀብርም...ሁሉም በሀገር እንደሚያምር ስለገባን ነው:: መስከናችን፣ ዝም ማለታችን ለሀገር የሚበጅ ከሆነ ግዴለም ይሁን ብለን እንጂ እውነት ከኛ ጋ መሆኗን አጥተን አይደለም።
.የብሔርተኝነት መንገድ ለሰጥቶ መቀበል የማያመች፣ መነጋገር የሌለበት፣ እኛ እና እነሱ በሚል ግጭት ቀስቃሽ ቁርሾና ጥላቻ በመፈልፈል ህዝብን ከህዝብ ስለሚያጋጭ ነው የምንርቀው። ብሔርተኝነት ታሪክንና የድሮ በደልን እየቆሰቆሱ በቂም ማያያዝን እንደ ርእዮተ አለም የሚጠቀም፣ በፍርሃትና በስጋት ህዝብን እያመሰ ድጋፍ የሚሰበስብ የጥቅመኞች መንገድ ስለሆነ ከግል ጥቅም ሀገርን መርጠን ነው የራቅነው።
በብሔር እየተቧደኑ ደም መፋሰስ ያረጀ ያፈጀ፣ ኋላ ቀር፣ እንስሳዊ ባህሪ ስለሆነ ነው የራቅነው:: መጫረስ የኢትዮጵያ ጠላቶች ያቀዱልንና ማዳከም ማልፈስፈስና አቅመቢስ ማድረግ የፕሮጀክታቸው ግብ ስለሆነ ነው ብሔርተኝነትን የምንጠየፈው። የብሔር ፅንፈኝነት አሸናፊ የማይኖርበት ሁላችንንም መቀመቅ ይዞን የሚወርድ የጋራ ውድመት መንገድ ስለሆነ ነው የምንርቀው።
ማንም ማንንም ለፍቶ ካቀናው ሀገር፣ ተወልዶ ካደገበት ከተማ፣ ከአባቱ ርስት በዋዛ ሲነቀል ዝም ስለማይል፣ መተላለቅ ደጃችን ላይ መሆኑን ፈርተነው ነው ከልዩነት አንድነትን የምንመርጠው። ማንም በማንም ላይ የበለጠ ጀግና ስላይደለ የእልህ ፖለቲካ ያዳክመናል ብለን ነው ጎሰኝነትን የራቅነው። ማንም በየትም ቦታ መኖር መክበርና ወልዶ መሳም አለበት ብለን ስለምናምን ነው፣ የብሔር ፖለቲካ ዘመናዊውን አለም የማይመጥን አደገኛ ስለሆነ ነው የማንከተለው።
ይህ ማለት ብዝኃነትን የምንክድ ሆነን አይደለም። አንድነት ልዩነትን ማሰሪያ አማራጭ የለሽ መፍትሄ እንጂ ጨፍላቂነት እንዳልሆነ እናውቃለን።
አንድነት የልዩነት ማሰሪያ ብርቱና ወርቃማ ገመድ መሆኑን እናውቃለን።
ልዩነት የአንድነት ጌጥ መሆኑን እናውቃለን።
ሀገር በአንድነት ላይ ተመስርታ ልዩነትን ማቀፍ እንዳለባት እናምናለን።
ከልዩነት መነሳት ወደ አንድነት ሳይሆን ወደ የባሰ መከፋፈል እንደሚወስደን ስለገባን ነው፣ አንድነትን የምናስቀድመው እንጂ ልዩነት አይኑር ብለን አይደለም።
በሀይማኖትና በጎሳ የሚለያዩን በችግር ጊዜ ከእኛ ጋ እንደማይሆኑ ስለሚገባን ነው የማንፈልጋቸው። የግጭትና ሞት ነጋዴ ስለሆኑ ነው የምንርቃቸው። የሰው ህይወት መጥፋት ስለሚያመን ነወ የማንወዳቸው። በሞት ስለሚያተርፉ ነው የማንከተላቸው።
ኢትዮጵያንና ህዝቦችዋን የምናስቀድመው ሁሉ ኢትዮጵያዊ ሰው መሆኑ ተከብሮ፣ እኩል ሆኖ፣ በተከበረችና በበለፀገች ሀገር ላይ ብሔሩ፣ ቋንቋውና ታሪኩ እንደሚከበርና እንደሚበለፅግ ስለምንተልም ነው አንድነትን የምንሻው። የስርዓት ችግር ስርዓቱን በማረምና በማዘመን ይታረማል ብለን ስለምናምን ነው፣ ወደ ኋላ ከማየት ወደ ፊት እያየን፣ ነገአችንን በመመካከር በእኩልነትና በነፃነት ላይ ሀገር እንገንባ የምንለው። ከትናንት ተምረን ነገን እናሻሽል በማለት ነው፣ የትናንቱን ታሪክ መጥፎ መጥፎውን ብቻ ሳይሆን መልካሙንም እንያዝ የምንለው።
እኛ ይህን ነው የምናስበው። በዚህ እሳቤ ሀገር ያድጋል እንጂ ማንም አይጨፈለቅም። ማንም አይዋረድም። የአለም ሀገራት የሚሄዱበትም መንገድ ይህ ነው።
.ኢትዮጵያ ከእነ ህዝቦችዋ፣ ከእነ ልዩነቷ ለዘላለም በአንድነቷ ትኑር!

   ሔኒከን ቢራ ፋብሪካ ቂሊንጦ በሚገኘው ፋብሪካው አካባቢ በጐርፍ አደጋ ጉዳት ለደረሰባቸውና ከመኖሪያ ቤታቸው ለተፈናቀሉ የአቃቂ ቃሊቲ ክፍለከተማ ወረዳ 9 ነዋሪዎች ድጋፍ አደረገ፡፡
በቃሊቲ ክፍለ ከተማ ወረዳ 9 በተባለ ሞዶ ዳርፋር እየተባለ በሚጠራው አካባቢ ነሐሴ 10 ቀን 2012 በጣለው ከባድ ዝናብ ሳቢያ የተከሰተው ጐርፍ በሦስት ህንፃ ውስጥ የሚኖሩ ሰዎችን ከመኖሪያ ቤታቸው እንዲፈናቀሉ አድርጓቸዋል፡፡ በዚህ ምክንያት ጉዳት ለደረሰባቸው አስራ አንድ አባወራዎች ሄኒከን የበዓል መዋያና ሌሎች ድጋፎች አድርጐላቸዋል፡፡
በወቅቱ የጐርፍ አደጋው ተከስቶ ነዋሪዎቹ ከመኖሪያ ቤታቸው በተፈናቀሉ ጊዜ የአካባቢው ማህበረሰብ ከፍተኛ ድጋፍ ሊያደርግላቸው መቆየቱን የገለፁት ከተፊናቃዮቹ መካከል አቶ ባዩ ወንድሙ፤ አሁን ደግሞ ፋብሪካው በዚህ መንገድ ከወገኖቹ ጐን መቆሙን ማሳየቱ እጅግ የሚያስደስት ነው ብለዋል፡፡ አደጋው በድንገት የተከሰተና ከባድ ጉዳት ያደረሰብን በመሆኑ ለከፍተኛ ችግር ተዳርገን ነበር የሉት አቶ ባዩ በዚህ ጊዜ ያገኘነው ድጋፍና እርዳታ ለእኛ ትልቅ ነገር ነው ብለዋል፡፡ ፋብሪካው በችግራችን ጊዜ ከጐናችን በመሆን ካሳየን አጋርነት ምስጋናችን ከፍ ያለ ነው ሲሉም በአደጋው ጉዳት የደረሰባቸው የኮንዶሚኒየሙ ነዋሪዎች፤ ጊዜያዊ መኖሪያ እንደተሰጣቸውም ለማወቅ ተችሏል፡፡


    “የጎመን ምንቸት ውጣ፤ የገንፎ ምንቸት ግባ” እንዲል ሐበሻ መስከረም ሲጠባ፣ የዌልስ አባወራዎችም በተመሳሳይ መልኩ በአዲስ አመት ዋዜማ እኩለ ሌሊት ላይ የቤታቸውን የጓሮ በር ከፍተው መልሰው በፍጥነት ይዘጋሉ። ያለፈው አመት ወደ ቤታቸው ይዞት የገባው መጥፎ ዕድል ሹልክ ብሎ ይወጣ ዘንድ ነው በውድቅት ሌሊት በራቸውን መክፈታቸው፡፡ በዚህም አያበቁም፤ ልክ ሲነጋ ደግሞ ያንኑ በር መልሰው ይከፍቱታል። አባወራዎቹ ሲነጋ በሩን የሚከፍቱት አዲሱ አመት መልካም ዕድልን፣ ብልጽግናንና ሰላምን ይዞ ወደ ቤታቸው እንዲገባ ነው፡፡
ጃፓናውያን በበኩላቸው፤ ኦሾጋትሱ ብለው የሚጠሩትን የአዲስ አመት በዓል የሚያከብሩት ቤታቸውን ከወትሮው በተለየ በማጽዳትና በማሸብረቅ ነው፡፡ የጃፓናውያኑን የአውዳመት ጽዳት ለየት የሚያደርገው ግን፣ ቤታቸውን ከቆሻሻ ብቻ ሳይሆን ራሳቸውንም ከዕዳ ማጽዳታቸው ነው፡፡ ሁሉም የቤተሰብ አባል ያለበትን የገንዘብ ዕዳ በሙሉ ከፍሎ፣ ከተቀያየመውና ከተጣላው ሰው ጋር እርቅ አውርዶ፣ ከቂምና ከዕዳ ከነጻ በኋላ ነው አዲስ አመትን በደስታ ማክበር የሚጀምረው።
ስፔናውያን ደግሞ በአዲስ አመት የመጀመሪያዋ ቀን ሰዓታቸውን እያዩ ልክ አንድ ሙሉ ሰዓት ሲሆን አንድ ወይን የሚበሉ ሲሆን፣ ቀኑን ሙሉ የሚበሏቸው 12 የወይን ፍሬዎች፣ በአዲሱ አመት 12 ወራት፣ መልካም ዕድልንና ደስታን ያመጡልናል ብለው ያምናሉ፡፡
አየርላንዳውያን የአዲስ አመትን አከባበር የሚጀምሩት፣ በዋዜማው ምሽት፣ በየቤታቸው ግድግዳና በር ላይ ዳቦ በማንጠልጠል ነው። ዳቦው የተትረፈረፈ ጸጋን እንደሚስብና መጥፎ መንፈስንና ክፉ እድልን ከቤታቸው እንደሚያስወጣ ያምናሉ፡፡ በዚህም አያበቁም። ከቤታቸው በዳቦ ያባረሩት መጥፎ መንፈስና ክፉ እድል ከደጃፍ እንዳይጠብቃቸው በመስጋት በእኩለ ሌሊት ከቤታቸው በመውጣት፣ ጆሮ የሚበጥስ ሃይለኛ ጩኸት ያሰማሉ፡፡
ሁሉም በየደጃፉ ቆሞ አቅሙ በፈቀደው መጠን እሪታውን ያቀልጠዋል፡፡ ህጻን አዋቂው ጉሮሮው እስኪደርቅ በመጮህ፣ ከደጃፉ ያደፈጠውን መጥፎ መንፈስና ክፉ እድል፣ ከአገር ምድሩ ጠራርጎ ያስወጣና፣ አዲስ አመትን “በል እንግዲህ ሰተት ብለህ ግባ!!” ብሎ ይቀበላል፡፡
አንዲት ብራዚላዊት በአውዳመት ምድር፣ የወርቅና የአልማዝ ጌጣጌጦቿን አወላልቃ፣ ወደ ባህር ስትወረውር ቢያዩ፣ ጤንነቷን ሊጠራጠሩ ይችላሉ፡፡ አይጠራጠሩ! ጤነኛ ናት፡፡ ጌጣጌጦቿን ወደ ባህር የምትወረውረውም፣ ያለፈውን አመት በሰላም በጤና እንዳሳለፈችው ሁሉ፣ አዲሱ አመትም የሰላምና የጤና እንዲሆንላት አምላኳን ለመለመን ነው፡፡
ኮፓካባና ተብሎ የሚጠራው የብራዚል ባህር ዳርቻ፣ አመቱን ሙሉ በቱሪስቶች የሚጥለቀለቅ ታዋቂ የመዝናኛ ስፍራ ነው፡፡ ኮፓካባና ከአመት አመት የመዝናኛ፣ ከአመት አንድ ቀን ደግሞ የአውዳመት ማክበሪያና የመማጸኛ ባህር ነው፡፡
ብራዚላውያን በዘመን መለወጫ ዋዜማ በሚያከናውኑት ‘ፌስታ ዲ ኢማንጃ’ የተባለ ባህላዊ ክብረበዓል፣ ወደ ባህሩ አቅንተው ‘ኢማንጃ’ የተባለችዋን የባህር አምላክ ይለማመናሉ። አዲሱን አመት መልካም እንድታደርግላቸው ይጸልያሉ። በስተመጨረሻም ወደ ባህሩ እጅ መንሻ ይወረውራሉ፡፡ በአዲስ አመት ዋዜማ ወደ ባህሩ የሚወረውሩት ጌጣጌጦች ብቻም አይደሉም፡፡ ውድ ዋጋ የሚያወጡ ሽቶዎች፣ አበቦችና ፍራፍሬዎች ጭምር እንጂ፡፡
ድሮ ድሮ ወደ አገራችን መጥቶ በጥምቀት በዓል የታደመ እንግዳ ደራሽ ዴንማርካዊ፣ ኮበሌው ወደ ልጃገረዷ ደረት ሎሚ ሲወረውርና ጡቷን ሲመታ ቢያይ ግራ ሊጋባ ይችላል፡፡ ውርወራው ፍቅር መግለጫ እንደሆነ አያውቅምና፡፡ ወደ ዴንማርክ አቅንቶ የዘመን መለወጫ በዓላቸውን የታደመ የኛ አገር ሰው በተራው፣ ስኒ እንደ ድንጋይ ወደየቤቱ ደጃፍ ሲወረወር ቢያይ፣ በተመሳሳይ ግራ መጋባቱ አይቀርም፡፡ ውርወራው ፍቅር መግለጫ እንደሆነ አያውቅምና፡፡
ዴንማርካውያን በአዲስ አመት ዋዜማ እኩለ ሌሊት ላይ፣ የማጀት እቃዎቻቸውን ለቃቅመው ወደ ጎዳና ይወጣሉ፡፡ በጨለማ ውስጥ ተደብቀው ማንም ሳያያቸው፣ ወደመረጡት ጎረቤት ወይም ወዳጅ ዘመድ ቤት ያመራሉ፡፡ ከዚያስ?... በደረቅ ሌሊት በወዳጅ ዘመዳቸው ቤት ጣራ ላይ የማጀት እቃዎቻቸውን እንደ ድንጋይ ይወረውራሉ፡፡
በዚህች የዴንማርክ ምሽት ብርጭቆ፣ ትሪ፣ ሰሃን፣ ጭልፋ፣ ማንኪያ፣ ድስትና ሌላ ሌላው የቤት እቃ በሙሉ ከየመደርደሪያው ወርዶ ወደየቤቱ ደጃፍ ይወረወራል፡፡ ከግድግዳ እየተጋጨ፣ ከመስኮት እየተፋጨ፣ በየበሩ ሲሰባበር፣ በየደጃፉ ሲነካክት ያመሻል፡፡

ንጋት ላይ…
ሁሉም ከቤቱ በመውጣት በየራሱ ደጃፍ የተጠራቀመውን ስብርባሪ የማጀት እቃ በማየት ደስታን ይጎናጸፋል፡፡ የተሰባበረው እቃ የመልካም ነገሮች ተምሳሌት ተደርጎ ይወሰዳል። ምሽቱን ወደ ቤቱ ብዙ እቃ ሲወረወርበት ያደረ፣ ሲነጋ ከደጃፉ ብዙ ስብርባሪ ተጠራቅሞ ያገኘ ቤተሰብ፣ በሌሎች ዘንድ የበለጠ ተወዳጅ እንደሆነና መጪው አመትም በተለየ ሁኔታ የደስታ፣ የብልጽግናና የጤና እንደሚሆንለት ይታሰባል፡፡
ዴንማርካውያን ከዚህ በተጨማሪም በአዲሱ አመት ዋዜማ እኩለ ሌሊት ላይ፣ ወንበር የመዝለል ባህል አላቸው። ይህም ከአሮጌው አመት ወደ አዲሱ አመት፣ ከችግር ወደ ስኬት በሰላማዊ ሁኔታ የመሸጋገር ተምሳሌት ተደርጎ ይወሰዳል፡፡
“ቺሊያውያን የዘመን መለወጫን በዓል ከዘመድ አዝማድ ጋር ነው የሚያከብሩት” ብዬ ስነግርዎት፣ “ታዲያ ይሄ ምን ይገርማል?… እኛስ ከዘመድ አዝማድ ጋር አይደል እንዴ የምናከብረው?!” እንደሚሉኝ አላጣሁትም፡፡

ነገሩ ወዲህ ነው…
የቺሊያውያንን የዘመን መለወጫን በዓል ከዘመድ አዝማድ ጋር የማክበር ባህል ከእኛ የሚለየው ዋናው ጉዳይ፣ ወደ ዘመዶቻቸው የሚሄዱት በዋዜማው ምሽት መሆኑም አይደለም - በህይወት ወደሌሉ ዘመዶቻቸው መሄዳቸው እንጂ!! ቺሊያውያኑ በሞት የተለዩዋቸው ዘመዶቻቸው ወዳረፉበት መካነ መቃብር በአዲስ አመት ዋዜማ ምሽት ያመራሉ፡፡ በድቅድቅ ጨለማ በተዋጠው የወዳጅ ዘመዳቸው መቃብር ውስጥ አረፍ ብለውም፣ ከወዳጅ ዘመዳቸው ጋር በዓሉን በዝምታ ጨዋታ ሞቅ ደመቅ አድርገው ያከብራሉ።
አዲሱ አመት የሰላም፣ የደስታና የብልጽግና እንዲሆንላቸው የሚመኙ ሜክሲኳውያን፤ በዋዜማው ምሽት ቀይ ወይም ቢጫ የውስጥ ሱሪ የማድረግ ልማድ አላቸው፡፡ ቀዩ ለብልጽግና፣ ቢጫው ደግሞ ለፍቅርና ለሰመረ ትዳር ይመረጣል።
በአዲስ አመት ጥሩ ፍቅርና የሰመረ ትዳርን ስለ መሻት ካነሳን አይቀር፣ የአየርላንዳውያን ሴቶችን ልማድ እንመልከት፡፡ በአዲሱ አመት ጥሩ ፍቅርና የሰመረ ትዳር ይገጥማት ዘንድ የምትመኝ አየርላንዳዊት ሴት፣ በበዓሉ ዋዜማ ሚስትሌቶ የሚባል የተክል አይነት በትራሷ ስር ሸጉጣ ታድራለች፡፡
በአገራችን ስራ ተፈትቶና ዘና ተብሎ የሚከበረው የዘመን መለወጫ በዓል፣ በኮሎምቢያና በሜክሲኮ ከዋዜማው እኩለ ሌሊት አንስቶ ከባድ ሸክም በመሸከም እንደሚከበር ሲሰሙ ምን ይሉ ይሆን?
የኢኳዶር ዜጎች በበኩላቸው፤ በአዲስ አመት ዋዜማ ምሽት ከየቤታቸው ተጠራርተው ደጃፍ ላይ ይሰባሰባሉ - ለደመራ። ታዲያ ይሄ ምን ይገርማል ሊሉ ይችላሉ፡፡ የሚገርምዎት ኢኳዶራውያኑ በደመራ መልክ የሚያነድዱት እንጨት ሳይሆን ፎቶግራፍ መሆኑ ነው፡፡ እናት፣ አባት፣ እህትና ወንድም ሁሉም ባለፈው አመት ያጋጠማቸውን ማንኛውንም መጥፎ ነገርና ገጠመኝ የሚያሳዩ ፎቶግራፎቻቸውን ከአልበሞቻቸው ውስጥ በርብረው በማውጣት፣ እንደ ችቦ ደመራ አድርገው በእሳት ያጋዩዋቸዋል፡፡ ፎቶው ሲቃጠል፤ ያ መጥፎ አጋጣሚም ከአሮጌው አመት ጋር ከውስጣቸው ወጥቶ ያልፋል - እነሱ እንደሚያምኑት፡፡
ከኢኳዶር ሳንወጣ ሌላ የአዲስ አመት አከባበራቸው አካል የሆነ ልማዳቸውን እናክል፡፡ በአዲሱ አመት የመጀመሪያ ቀን፣ ምንም የሌለበት ባዶ ሻንጣ ይዘው ረጅም ርቀት የሚጓዙ በርካታ ኢኳዶራውያንን ጎዳና ላይ መመልከት የተለመደ ነገር ነው፡፡ ባዶ ሻንጣ ይዘው ርቀው የሚጓዙት፣ እንደዚያ ካደረጉ በአዲሱ አመት በብዛት ጉብኝት እንደሚያደርጉ ወይም ወደ ሌሎች ቦታዎች እንደሚጓዙ ስለሚያምኑ ነው፡፡
ሩስያውያን በበኩላቸው፤ በዋዜማው ምሽት በአንድ ላይ ይሰባሰቡና በአዲሱ አመት ሊያሳኩት የሚፈልጉትን ነገር በሙሉ በዝርዝር በየራሳቸው ወረቀት ላይ ይጽፋሉ። ጽፈው ከጨረሱ በኋላ፣ ወረቀቱን በእሳት ያቃጥሉትና አመዱን ከሻምፓኝ ጋር ቀላቅለው እኩለ ሌሊት ከማለፉ በፊት ጭልጥ አድርገው ይጠጡታል - በዚህም አዲሱ አመት ያሰቡት የሚሳካበት ይሆናል ብለው ያስባሉ፡፡
እንደ ሩስያውያን ሁሉ ደቡብ ኮርያውያንም የአዲስ አመት ህልምና ምኞትን በወረቀት ላይ የማስፈር ልማድ አላቸው፡፡ የእነሱን ለየት የሚያደርገው ግን፣ በአዲሱ አመት የመጀመሪያዋ ቀን ንጋት ላይ ከደጃፍ ቆመው፣ ጎህ ሲቀድ እያዩ፣ ህልምና ምኞታቸውን በወረቀት ላይ ጽፈው፣ በፊኛ ውስጥ አድርገው ወደ ሰማይ መላካቸው ነው፡፡
ወደ ስኮትላንድ እናምራ…
ስኮትላንዳውያን ቤተሰቦች፣ የአሮጌው አመት የመጨረሻ ዕለት ተጠናቅቃ፣ የአዲሱ አመት የመጀመሪያ ቀን ስትጠባ፣ ማልደው በር በሩን ማየት ይጀምራሉ፡፡ ቀጣዩ የበዓል አከባበር የሚደምቀውና የሚሞቀውም ሆነ የቤተሰቡ የአዲስ አመት እጣ ፈንታ የሚወሰነው በዚያች ማለዳ ቀድሞ ወደ ቤታቸው በሚመጣው ሰው ነው፡፡
በዚያች ማለዳ ደጃፋቸውን ቀድሞ የረገጠው ሰው፣ ቁመተ ሎጋና መልከመልካም ወንድ ከሆነ፣ አዲሱ አመት የደስታ ይሆናል ብለው ስለሚያምኑ አብዝተው ይፈነጥዛሉ። በአንጻሩ በዚያች ማለዳ ቀይ ጸጉር ያላት ሴት አልያም ህጻን ልጅ ቀድመው ወደ ቤታቸው ከመጡ ደግሞ አመቱ ለቤተሰቡ ይዞት የሚመጣው አንዳች መከራ አለ ተብሎ ይታመናል፡፡
የሚመጣውን አዲስ አመት ወደ ቤታቸው በሚመጣው ሰው የሚተነብዩት ስኮትላንዳውያን ወንዶች፣ የዘመን መለወጫ በአልን በአጉል ጨዋታ ነው የሚያከብሩት - በልባል እሳት እንደ ኳስ እያንጠባጠቡና በሰራ አካላቸው ላይ እያሽከረከሩ በመንገድ ላይ እየተደሰቱ በመጓዝ፡፡
አዲሱ አመት እንደ ስኮትላንዳውያኑ በእሳት ሳይሆን እንደ ባህላችን ከሳቅ ጋር እየተደሰታችሁ የምትጓዙበት ይሁንላችሁ!!

   “ለአዲስ ዓመት የተበረከተ ስጦታ ነው” - የቻይና አምባሳደር

           “ዛሬ ድንቅ ቀን ነው፤ ታሪካዊ ቀን ነው፤ ዛሬ የኢትዮጵያውያን አዲስ ዓመት ዋዜማ ነው፤ ስለዚህም መልካም አዲስ ዓመት እመኝላችኋለሁ፡፡” በማለት ነው በኢትዮጵያ የቻይና አምባሳደር ንግግራቸውን የጀመሩት፤ በሸገር ፓርክ የወንድማማችነት አደባባይ የምረቃ ሥነስርዓት ላይ፡፡   
ብዙዎችን ባስደመመው የሪፐብሊካን ጋርድ ልዩ ወታደራዊ ትዕይንቶች በታጀበውና በደመቀው የሸገር ፓርክ የወንድማማችነት አደባባይ የምረቃ ሥነሥርዓት ላይ ጠ/ሚኒስትር ዐቢይ አህመድና ባለቤታቸው ቀዳማይት እመቤት ዝናሽ- ም/ጠቅላይ ሚኒስትር ደመቀ መኮንንና ፕሬዚዳንት ሳለህለወርቅ ዘውዴ እንዲሁም  የሃይማኖት አባቶችና ሌሎችም  እንግዶች ታድመው ነበር፡፡  
“ዛሬ እዚህ የተገናኘነው ለመጠናቀቅ የተቃረበውን የፓርክ ግንባታ ለመመረቅ ነው፤ ሁላችንም እንወደዋለን ብዬ አምናለሁ፡፡ እናንተ - እኔ - ጠ/ሚኒስትሩ - ምክትል ጠ/ሚኒስትሩ - ፕሬዚዳንቷ - እዚህ ያለው ሰው በሙሉ - ይወደዋል የሚል እምነት አለኝ” አሉ - የቻይናው አምባሳደር፤ በልበ-ሙሉነት፡፡  
የወንድማማችነት አደባባይ ለዚህ አዲስ ዓመት የተበረከተ ወቅቱን የጠበቀ ስጦታ ነው ማለት ይቻላል ያሉት አምባሳደሩ፤ የአዲስ አበባ አዲሱ መለያ ገጽታም ይሆናል ብለዋል፡፡ የወንድማማችነት አደባባይ የዚህችን ታላቅ አገር - የኢትዮጵያን - ሥልጣኔ፣ የባህል ብዝሃነትና አንድነትን የሚያንጸባርቅ ነው ሲሉም ገልጸውታል፡፡  
ሁለተኛው የግንባታው ምዕራፍ የሳይንስና ቴክኖሎጂ ማዕከል በስተቀኝ በኩል፤ የሰርግ ሥፍራና የህፃናት ፓርክ ደግሞ በስተግራ በኩል ይኖረዋል ሲሉ በተነቃቃ መንፈስ ተሞልተው ያስተዋወቁት አምባሳደሩ፤ እንደ ሸገርና እንጦጦ ያሉት ፓርኮች አዲስ አበባን ለኑሮ ምቹ ብቻ ሳይሆን ተወዳጅም ያደርጓታል ብለዋል፡፡
በሥነስርዓቱ ላይ ንግግር ያደረጉት ፕሬዚዳንት ሳህለወርቅ ዘውዴ በበኩላቸው፤ ባዩት ነገር በእጅጉ መደመማቸውን ጠቁመው፤ ከጥቂት ወራት በፊት ወደዚህ ሥፍራ መጥተው የነበረ ቢሆንም፣ በዚህ ፍጥነት ይጠናቀቃል ብለው እንዳልጠበቁ ተናግረዋል፡፡ “የሸገር ፓርክ የወዳጅነትና የአንድነት ማሳያ ነው” ሲሉም ገልፀዋል፡፡ ፓርኩ የአገሪቱንና የከተማዋን በጐ ገጽታ ከመገንባቱም ባሻገር፤ተባብረን ስንሰራ የምናመጣውን ድንቅ ውጤት ማሳያም ነው ብለዋል፤ፕሬዚዳንቷ፡፡
በምረቃ ሥነስርዓቱ ላይ የቀረቡት የሪፐብሊካን ጋርድ ልዩ ልዩ ወታደራዊ ትዕይንቶች፤ የእንግዶችን ቀልብ የማረኩ እንደነበር ለማወቅ ተችሏል፡፡ በመጨረሻም የኢፌዲሪ ፕሬዚዳንት ሳህለወርቅ ዘውዴ፤ #አዲሱ ዓመት የሰላም፣ የደስታና የጤና ይሁንልን; ሲሉ ተመኝተዋል፡፡


Page 1 of 492