ምስጥራዊ ግንኙነቱ የተጋለጠው ድብቁን ፍቅር የሚያሳይ ፎቶ ከፓፓራዚዎች  300ሺ ዶላር ከፍሎ ዩኤስ ዊኪሊ ለህትመት በማብቃቱ ነበር፡፡ክርስቲን ስትዋርት እና ሩፕርት ሳንድረስ   ለፒፕል መፅሄት በሰጡት መግለጫ፣ ይቅርታ ቢጠይቁም በሁኔታው አወዛጋቢነት የተነሳ ግንኙነታቸውን ለመቀጠል ይቸገራሉ ተብሏል፡፡ ሮበርት ፓቲሰን ለክርስቲን የጋብቻ ጥያቄ ለማቅረብ በተነሳበት ሰሞን  ዱብ እዳው መሰማቱን ፎክስ ኒውስ ገልጿል፡፡የ22 አመቷ ክርስቲን ስትዋርት እና የ26 አመቱ ሮበርት ፓቲሰን ፍቅራቸው ከደፈረሰ በኋላ ስድስት ሚሊዮን ዶላር ከሚገመተው የሎስአንጀለስ የጋራ መኖርያ ቪላቸው ለቅቀዋል፡፡ ሮበርት የተሰበረ ልቡን ለመጠገን ከሌላዋ ምርጥ ተዋናይት ሪዝ ዊዘርስፑን ጋር ግንኙነት መጀመሩን ከትናንት በስቲያ የወጡ ዘገባዎች አውስተዋል፡፡ሁለቱምተዋናዮችበ “ትዋይላይት” ፊልሞች አንድ ክፍል ስራቸው 12.5 ሚሊዮን ዶላር ይከፈላቸዋል፡፡