የዛሬ ሁለት ሳምንት በላፍቶ ሞል በሚቀርበው የጃሉድ “ድግስ” ከመድረክ የራቀው ድምፃዊ ዳዊት መለሰ እንደሚዘፍን አዘጋጆቹ አስታወቁ፡፡ የሙዚቃ ድግሱ አዘጋጆች እንደገለፁት፤ “ያቺ ነገር” በሚል ርዕስ አዲስ የሬጌ ስልት አልበም ይዞ በመምጣት ተደማጭነት ያገኘው ጃ ሉድ፤ ከዚህ “ድግስ” በኋላ በውጭ ሀገራት በመዘዋወርም ኮንሰርቶችን ያቀርባል፡፡ ሰኔ 30 ቀን 2004 ዓ.ም ምሽት የሚቀርበውን የመዚቃ ድግስ አስመልክቶ አዘጋጆቹ “ኤቢሲ ሳውንድ” እና “ይሳቃል ኢንተርቴይመንት” በሰጡት መግለጫ፤ ጥራቱ የላቀ የድምፅና የብርሃን ግብአት እንጠቀማለን፣ ላይና ታች የሚያበራ ፋይበር ግላስ የሆነ መድረክ አለን፣ ለመጀመርያ ጊዜ ከኦዲዮ ዲጄ ወጥተን ቪዲዮ ዲጄ እንጠቀማለን፤ ላፍቶ ሞል ከአራት ሺህ እስከ አምስት ሺህ ሰው ይይዛል፤ ክረምት በመሆኑም የድንኳን መጠለያዎች ይኖሩናል” ብለዋል፡፡