ነዋሪነቷን በአሜሪካ ባደረገችው አጊቱ ወዳጆ የተፃፈው “The Secrete to Finishing well: Quest for Authentic Leadership“ የተሰኘው መፅሀፍ ለንባብ በቃ፡፡ መፅሃፉ የስራ አመራር ከታሪክ፣ ከሃይማኖትና ከባህል አንፃር በተለያዩ ጊዜያትና አለማት ያለውን አንድነትና ልዩነት ያስቃኛል ተብሏል፡፡ ፀሃፊዋ፤ ከመፅሃፍ ቅዱስ እውቀቷና ከጉዞ ልምዶቿ በመነሳት መፅሃፉን በመረጃ የተደራጀ እንዲሁም አነቃቂ በሆነ መልኩ ማዘጋጀቷን ገልፃለች። 302 ገፆች ያሉት መፅሃፉ፤ በ20 ዶላር እንደሚሸጥ ታውቋል፡፡
ደራሲዋ በማህበረሰብ ነርሲንግ ከማህበረሰብ ጤና ኮሌጅ ዲግሪዋን ካገኘች በኋላ በፔዲያትሪክ ነርስነት ስፔሻላይዝ ያደረገች ሲሆን አሜሪካ ከሄደች በኋላም በሊበራል አርት የመጀመሪያ ዲግሪዋን አግኝታለች፡፡ በመቀጠልም ሚኒሶታ ዩኒቨርሲቲ በማህበረሰብ ጉዳይ የማስተርስ ዲግሪዋን ተቀብላለች፡፡