Addis Admas Newspaper | አዲስ አድማስ - addisadmassnews.com

የኢኮኖሚው ድቀት በአሜሪካ የመኖሪያ ቤቶችን ዋጋ በእጅጉ እንዳወረደው እየተነገረ ነው፡፡ በቀላል አውቶሞቢሎች ዋጋም ጉደኛ ቤት መግዛት ይቻላል ተብሏል - በተለያዩ የአሜሪካ ግዛቶች፡፡ 150ሺ ዶላር በሚገመተው Astron Martin አውቶሞቢል ደረጃ ሳይሆን በኒሳን፣ በሆንዳ፣ በፎርድስ  ወዘተ መኪኖች ዋጋ ብቻ ምርጥ ቤቶች ለሽያጭ ቀርበዋል፡፡ አንዳንዶቹ ቤቶች ትንሽ እድሳት የሚፈልጉ ቢሆኑም ከዋጋቸው አንፃር ዘረፋ ነው እየተባለ ነው፡፡

በዴትሮይት የሃራጅ ሽያጮች የቤቶቹን ዋጋ እንዲያሽቆለቁል ማድረጉን መረጃዎች ይጠቁማሉ፡፡ ሦስት መኝታ ክፍሎችና አንድ መታጠቢያ ያለው የሸክላ ቤት፤ ከጠንካራ ጣውላ የተሰራ ወለል ተበጅቶለታል፡፡ የመስተዋት መስኮት ያለው ይሄ ቤት፤ ፎርድ ፊስታ በተባለች አነስተኛ የቤት መኪና ዋጋ ነው ለሽያጭ የቀረበው - በ13ሺ ዶላር ማለት ነው፡፡ ሁለት መኝታ ክፍሎችና ሁለት መታጠቢያ ቤቶች የያዘው ሌላ መኖሪያ ቤት ደግሞ የታጠረ ግቢም አለው፡፡ ሁለት መኪኖችን የሚያስቆም ጋራዥ ያለው ይሄ መኖሪያ ቤት፤ የዶጅ ዳኮታ ትራክ ዋጋ ነው የተተመነለት - ከ28ሺ እስከ 32ሺ ዶላር ገደማ ማለት ነው፡፡ ሦስት መኝታ ክፍሎችና ሁለት መታጠቢያ ቤቶች የያዘው መኖሪያ ቤት ከተሰራ 13 ዓመት ያስቆጠረ ሲሆን 1ሺ 200 ስኩዌር ጫማ የመኖሪያ ስፍራና የሁለት መኪኖች ጋራዥ ያለው ነው፡፡ የዚህ ቤት ዋጋ በአውቶሞቢል ተመን ሲገለጽ የ2012 ቶዮታ ካመሪ ማለት ሲሆን በ25ሺ ዶላር ለሽያጭ ቀርቧል፡፡ ሌላው ባለሦስት መኝታ ክፍሎች መኖሪያ ቤት 1ሺ 512 ስኩዌር ጫማ የመኖሪያ ስፍራ ያለው ሲሆን በቅርቡ ነው አዲስ ቀለም የተቀባው፡፡ ወለሉ ከጠንካራ ጣውላ የተበጀ ሲሆን አዲስ ምንጣፍም ለብሷል፡፡ ለዚህ ቤት የተተመነለት ዋጋ ግዢ ሳይሆን ዘረፋ ነው ተብሏል፡፡ የ2012 ሆንዳ CR-V አውቶሞቢል ዋጋ ያህል ነው የሚያወጣው፡፡ ስንት ማለት መሰላችሁ? 30ሺ ዶላር ግድም ነው፡፡

ተወዳጁ በጐጆ ቤት (Cottage) ቅርጽ የተሰራው መኖሪያ ቤት ሁለት መኝታ ክፍሎችና አንድ መታጠቢያ ቤት አለው፡፡ ወለሉ ጠንካራ ጣውላ ተለውጦለታል፡፡ አዲስ ወጥ ቤት፣ መስኮትና ጣራም ተቀይሮለታል፡፡ የዚህ ቤት ዋጋ የ2012 መርቸዲስ ቤንዝ ኢ-ክላስ ዋጋ ያህል ነው - 55ሺ ዶላር ማለት ነው፡፡

የኢኮኖሚው ድቀት በአሜሪካ የመኖሪያ ቤቶችን ዋጋ በእጅጉ እንዳወረደው እየተነገረ ነው፡፡ በቀላል አውቶሞቢሎች ዋጋም ጉደኛ ቤት መግዛት ይቻላል ተብሏል - በተለያዩ የአሜሪካ ግዛቶች፡፡ 150ሺ ዶላር በሚገመተው Astron Martin አውቶሞቢል ደረጃ ሳይሆን በኒሳን፣ በሆንዳ፣ በፎርድስ  ወዘተ መኪኖች ዋጋ ብቻ ምርጥ ቤቶች ለሽያጭ ቀርበዋል፡፡ አንዳንዶቹ ቤቶች ትንሽ እድሳት የሚፈልጉ ቢሆኑም ከዋጋቸው አንፃር ዘረፋ ነው እየተባለ ነው፡፡

በዴትሮይት የሃራጅ ሽያጮች የቤቶቹን ዋጋ እንዲያሽቆለቁል ማድረጉን መረጃዎች ይጠቁማሉ፡፡ ሦስት መኝታ ክፍሎችና አንድ መታጠቢያ ያለው የሸክላ ቤት፤ ከጠንካራ ጣውላ የተሰራ ወለል ተበጅቶለታል፡፡ የመስተዋት መስኮት ያለው ይሄ ቤት፤ ፎርድ ፊስታ በተባለች አነስተኛ የቤት መኪና ዋጋ ነው ለሽያጭ የቀረበው - በ13ሺ ዶላር ማለት ነው፡፡ ሁለት መኝታ ክፍሎችና ሁለት መታጠቢያ ቤቶች የያዘው ሌላ መኖሪያ ቤት ደግሞ የታጠረ ግቢም አለው፡፡ ሁለት መኪኖችን የሚያስቆም ጋራዥ ያለው ይሄ መኖሪያ ቤት፤ የዶጅ ዳኮታ ትራክ ዋጋ ነው የተተመነለት - ከ28ሺ እስከ 32ሺ ዶላር ገደማ ማለት ነው፡፡ ሦስት መኝታ ክፍሎችና ሁለት መታጠቢያ ቤቶች የያዘው መኖሪያ ቤት ከተሰራ 13 ዓመት ያስቆጠረ ሲሆን 1ሺ 200 ስኩዌር ጫማ የመኖሪያ ስፍራና የሁለት መኪኖች ጋራዥ ያለው ነው፡፡ የዚህ ቤት ዋጋ በአውቶሞቢል ተመን ሲገለጽ የ2012 ቶዮታ ካመሪ ማለት ሲሆን በ25ሺ ዶላር ለሽያጭ ቀርቧል፡፡ ሌላው ባለሦስት መኝታ ክፍሎች መኖሪያ ቤት 1ሺ 512 ስኩዌር ጫማ የመኖሪያ ስፍራ ያለው ሲሆን በቅርቡ ነው አዲስ ቀለም የተቀባው፡፡ ወለሉ ከጠንካራ ጣውላ የተበጀ ሲሆን አዲስ ምንጣፍም ለብሷል፡፡ ለዚህ ቤት የተተመነለት ዋጋ ግዢ ሳይሆን ዘረፋ ነው ተብሏል፡፡ የ2012 ሆንዳ CR-V አውቶሞቢል ዋጋ ያህል ነው የሚያወጣው፡፡ ስንት ማለት መሰላችሁ? 30ሺ ዶላር ግድም ነው፡፡