የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

የታላቁ የኢትዮጵያን ሕዳሴ ግድብ መጠናቀቅ የድል ብስራት፣ በቀጥታ ስርጭት በነፃ ይከታተሉ ሲል ኢትዮ ቴሌኮም ብስራት አሰምቷል።

የዓመታት ሕልማችን በይፋ ዕውን የሚሆንበት ታላቅ ታሪካዊ የድል ብስራት፣ ነገ ዻጉሜ 4 ቀን 2017 ዓ.ም ከኢንተርኔት ክፍያ ነፃ በቀጥታ ስርጭት በኢቢሲ ይከታተሉ።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

የኢትዮጵያ ታላቁ የህዳሴ ግድብ ሲነሳ መዘንጋት የሌለባቸው አንዲት ኢትዮጵያዊ እንስት አሉ - ወ/ሮ ጊዜሽወርቅ ተሰማ፡፡

በኢትዮጵያ በግሉ ዘርፍ በስራ ፈጠራና በንግዱ ዓለም በስኬታማነታቸው የሚታወቁ ባለሃብት ናቸው፡፡

በሀገራዊ የልማት ሥራዎች ላይ ትልቅ ተሳትፎ ያላቸው ወ/ሮ ጊዜሽወርቅ፤ ለታላቁ ሕዳሴ ግድብ ስኬት በቅንጅት የሚሰራውና "ትስስር ለሕዳሴ ግድብ" የተሰኘው ጥምረት መሥራች ናቸው፡፡

ስለግድቡ ግንዛቤን ለማሳደግ፣ በተበታተነ መልኩ የሚሰሩ ሥራዎችን ለማቀናጀትና ስለ ግድቡ ያለውን እውነታ ለዓለም ማህበረሰብ ለማስረዳት የሚንቀሳቀሰው ጥምረቱ፤ በአገር ውስጥና በውጭ ያሉ ምሁራን፣ የከፍተኛ ትምህርት ተቋማት ኃላፊዎች እንዲሁም የንግዱ ማህበረሰብ አባላት የሚሳተፉበት ነው።

ዲጂታል ቴክኖሎጂን በመጠቀም ስለ ታላቁ የኢትዮጵያ ሕዳሴ ግድብ ስኬት የሚሰራ ጥምረት እንዲመሰረት ለዓመታት ሲሞግቱ የነበሩት ወ/ሮ ጊዜሽወርቅ፣ ጥምረቱ በ2013 ሲመሰረት፤ "የግድቡ ግንባታ በአሁኑ ወቅት ወሳኝ ምዕራፍ ላይ በመድረሱ፤ በተለይ ወጣቱ ቴክኖሎጂን በመጠቀም ኢትዮጵያን ማገዝ አለበት፤ ልክ እንደሠራዊቱ በበይነ መረብ የአገሬን ሉዓላዊነት አላስነካም ማለት አለበት" ሲሉ ተናግረዋል።

ወ/ሮ ጊዜሽወርቅ ተሰማ "ትስስር ለሕዳሴ ግድብ" የተሰኘውን ጥምረት መመሥረት ብቻ ሳይሆን በጥምረቱ ውስጥ የሀብት ማሰባሰብ ሥራውን በዋናነት መርተዋል፡፡

ወ/ሮ ጊዜሽወርቅ ከዚህ ቀደም ለታላቁ ህዳሴ ግድብ ከግሉ ዘርፍ 260 ሚሊዮን ብር አሰባስበው ለሕዳሴ ግድብ ሕዝባዊ ተሳትፎ ማስተባበሪያ ብሔራዊ ም/ቤት ገቢ በማድረግ ለሀገራቸውን ያላቸውን ፍቅር አስመስክረዋል።

በታላቁ የህዳሴ ግድብ የምረቃ በዓል ዋዜማ ላይ ሆነን እኒህን ሃገር ወዳድ እንስት ያነሳነውም ለሃገራቸው ላከናወኑት ትልቅ ተግባር በጥቂቱም ቢሆን መመስገንና መታወስ ስላለባቸው ነው፡፡

እንኳን ለታላቁ የኢትዮጵያ የህዳሴ ግድብ

መጠናቀቅና ምርቃት በሰላም አደረሰን!!

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…