Administrator

Administrator

   በኬዬቭ እሳት እየዘነበም፣ ሚሳኤል እያጓራም፣ እሪታ እየቀለጠም በጭንቁ መሃል ለአፍታ ብልጭ ብለው የሚጠፉ የሰላም ብርሃኖች፣ ለቅጽበት ተደምጠው የሚያልፉ የተስፋ ድምጾች አልታጡም፡፡
ሁለት ሳምንታትን በመከራ የገፋችው የዩክሬኗ መዲና ኬዬቭ፣ የክላሲካል ሲምፎኒ ሙዚቃ ኦርኬስትራ አባላት፣ ባለፈው ረቡዕ፣ ቆፈን እጅ እግራቸውን እየበረደውም፣ ስጋት ልባቸውን እያራደውም፣ የሙዚቃ መሳሪያዎቻቸውን ይዘው ጭር ወዳለው የከተማዋ የነጻነት አደባባይ ወጡ፡፡
እሳት የሚያዘንብባቸው የኬይቭ ሰማይ ለሩስያ ገዳይ ጢያራዎች እንዲዘጋ ለመጠየቅና፣ አገራቸውን እየለበለበ ያለው የጦርነት እሳት ፈጥኖ ይጠፋ ዘንድ ድምጻቸውን ለማሰማት፣.ብሔራዊ መዝሙራቸውን በእንባ ታጅበው ዘመሩ። “የደስታ ስንኞች” የተሰኘውን የቤትሆቨን ተወዳጅ ሙዚቃ በተስፋና በምኞት ቅኝት በለስላሳው ሲያቀነቅኑ፣ ከስደት ይልቅ በአገራቸው አፈር ለመሞት ከወሰኑ የኬዬቭ ነዋሪዎች መካከል በጣት የሚቆጠሩት ዙሪያቸውን ከብበው ባንዲራቸውን እያውለበለቡ አጀቧቸው፡፡
ሙዚቃው ሲያበቃ፣ እሩምታው ግን ቀጠለ፡፡
ሁለተኛ ሳምንቱን ያስቆጠረው የሩስያና የዩክሬን ጦርነት ከዕለት ወደ ዕለት እየተካረረ እንጂ እየላላ፣ እየተሟሟቀ እንጂ እየቀዘቀዘ የሚመጣ አልሆነም፡፡ ሁለቱም አገራት ያላቸውን የውስጥና የውጭ፣ የጦር ሜዳና የምጣኔ ሃብት አቅም ሁሉ አሟጥጠው በመጠቀም እስከ መጨረሻው ለመፋለምና በጀግንነት ለመውደቅ ወይ ለመቆም ቆርጠው የተነሱ ይመስላሉ፡፡
በጦር ሃይሏ አብዝታ የተማመነችው ሩስያ በአንድ እጇ ዩክሬንን፣ በአንድ እጇ የተቀረውን የምዕራቡ አለም በእልህ ተጋፍጣ ድል ለመንሳት ደፋ ቀናውን ስትያያዘው፣ ዩክሬንም ቤት ባፈራውም ወዳጅ ለክፉ ቀን ብሎ በላከውም ጦር መሳሪያና ዘማች ታግዛ ታላቋን ሞስኮ ለመገዳደርና እየገደለች ለመውደቅ ቆርጣ ተነስታለች፡፡
ለሩስያ አብረክራኪ ወታደራዊ ሃይል ያልተረቱት ባለካኒቲራው የዩክሬን መሪ ቮሎድሚር ዜለንስኪ፤ በዚያ በኩል እንባ በሚያራጭ ንቡር ጠቃሽ ንግግር፣ የአውሮፓ ህብረት ፓርላማ፣ የአየር ክልሏን ከበረራ እንዲዘጋላትና ከጎኗ እንዲቆም እየተማጸኑ፣ በዚህ በኩል ህዝቤን ይዤ በጀግንነት እሞታለሁ ብለው፣ ጦራቸውን እያበረታቱ፣ ጥቃት ሲመክቱ ሰንብተዋል፡፡
በተለይ ከሰሞኑ የሩስያን ጦር ባልተገመተ ሁኔታ መመከት መጀመሯ የሚነገርላት ዩክሬን፣ ጦርነቱ ከተጀመረበት ጊዜ አንስቶ ከ12 ሺህ በላይ የሩስያ ወታደሮችን መግደሏን በይፋ እያስታወቀች ቢሆንም፣ ሩስያ ግን የሞቱብኝ 500 ያህል ብቻ ናቸው ስትል ማስተባበል መያዟንና አሜሪካ በበኩሏ 4 ሺህ ይደርሳሉ ማለቷን ዘ ጋርዲያን ዘግቧል፡፡
አንድ የአሜሪካ የመከላከያ ተቋም ከፍተኛ ባለስልጣን፣ የሩስያ ጦር ወደ ዩክሬን ካዘመታቸው የጦር መሳሪያዎችና ተሸከርካሪዎች መካከል 5 በመቶ የሚሆኑት በዩክሬን መደምሰሳቸውን እንደተናገሩም ተዘግቧል፡፡
አገራቸው በሩስያ እሳት ስትለበለብ በሩቅ ሆነው ማየት ያላስቻላቸው በመላው አለም ተበትነው የሚገኙ 66 ሺህ 224 ዩክሬናውያን፣ ሁሉንም ትተው ነፍጥ ለማንሳትና ለክብራቸው ለመሞት ወደ አገራቸው መመለሳቸውን የአገሪቱ የመከላከያ ሚኒስትር ኦሌክሲ ሬዝኒኮቭ ተናግረዋል።
የሩሲያ ጦር በዩክሬን ከተሞች ኬቭ፣ ቼርኒቭ፣ ሱሚ፣ ማሪፖል እና ካርኪቭ የሚገኙ ዜጎች ከነበሩበት ለመውጣት የሚችሉበትን ምቹ ሁኔታ ለመፍጠር በማሰብ ካለፈው ሰኞ ጀምሮ ጊዜያዊ የተኩስ አቁም ማድረጉን ይፋ ያደረገ ሲሆን፣ ባለፈው ማክሰኞ ግን ጥቃቱን ማቀጣጠል መጀመሩንና ከዩክሬን ጦር ያልጠበቀው መከላከል እንደገጠመው ተነግሯል፡፡
አሜሪካ ዩክሬንን ጦር ሜዳ ድረስ ወርዳ ለማገዝ የምትፈልግ ከሆነ፣ ፖላንድ ያሉኝን ሚግ 29 ጀቶች በሙሉ ልልክላት ዝግጁ ነኝ ብላ በይፋ ቃል ብትገባም፣ አሜሪካ ግን ድጋፉን እንዳጣጣለችው ዘ ጋርዲያን የዘገበ ሲሆን፣ ብሪታኒያ በበኩሏ ለዩክሬን የምታደርገውን የጦር መሳሪያዎች ድጋፍ በእጅጉ ማሳደጓን በመከላከያ ጸሃፊዋ ቤን ዋላስ በኩል ረቡዕ ዕለት አስታውቃለች፡፡
ዋላስን ጠቅሶ ቢቢሲ እንደዘገበው፣ ብሪታኒያ ካሁን ቀደም ለዩክሬን ከለገሰቻቸው 2 ሺህ ያህል ዘመናዊ ጸረ ታንክ ሚሳኤሎች በተጨማሪ 1 ሺህ 615 ሰጥታለች፤ የተለያዩ አነስተኛና መካከለኛ የጦር መሳሪያዎችና ትጥቆች እንዲሁም የደህንነትና የህክምና ቁሳቁስ በብዛት መላኳንም ዘገባው አመልክቷል፡፡
የአሜሪካው የስለላ ተቋም ሲአይኤ በበኩሉ፤ ሩስያ የዩክሬንን መዲና ኪየቭ ለመቆጣጠር ያሰበችው በ48 ሰዓታት ውስጥ ቢሆንም ሊሳካለት እንዳልቻለ የገለጸ ሲሆን፣ የሩስያ ጦር ያጋጠመውን የሎጅስቲክ ችግር አስወግዶ በቀጣዮቹ ቀናት ሃይሉን በእጥፍ በማሳደግ ወረራውን ሊያጠናክርና በንጹሃን ዜጎች ላይ ሳይቀር የከፋ ጥፋት ሊያደርስ እንደሚችል አስታውቋል፡፡

ባለ 5532 ማዕቀቧ፤ ዕዳ መክፈል ያቃታት ´ታላቋ ሩስያ´
ዩክሬንን መውረሯ ከመላው አለም የማዕቀብ ዶፍ ያስከተለባት ሩስያ፣ ከአለማችን አገራት መካከል እጅግ ከፍተኛ ቁጥር ያለው ማዕቀብ የተጣለባት ቀዳሚዋ አገር ለመሆን መቻሏ ተነግሯል፡፡
ለዚህ ጦርነት ነጋሪት ከመጎሰሟ በፊት በአገራትና በተቋማት 2 ሺህ 754 ያህል ማዕቀቦች ተጥለውባት የነበረችዋ ሩስያ፣ ባለፉት 2 ሳምንታት ብቻ ተጨማሪ 2 ሺህ 778 አዳዲስ ማዕቀቦች ተጥለውባታል ሲል ስካይ ኒውስ ዘግቧል፡፡
በአሁኑ ወቅት አዳዲሶቹን ጨምሮ 5 ሺህ 532 ያህል ማዕቀቦች፣ በተቋማቷና በግለሰቦቿ ላይ የተጣሉባት ሩስያ፣ በ3ሺህ 616 ማዕቀቦች በአንደኛ ደረጃ ላይ የነበረችዋን ኢራን በመብለጥ በማዕቀብ ብዛት ቀዳሚ መሆኗን ካስቴሉም የተባለ ተቋም ያወጣውን መረጃ ጠቅሶ የጠቆመው ዘገባው፤ከተጣሉባት አጠቃላይ ማዕቀቦች መካከል 21 በመቶ ያህሉ ከአሜሪካ የተጣሉባት እንደሆነም አመልክቷል፡፡
የሩስያ ኢኮኖሚ እ.ኤ.አ ከ1991 ወዲህ እጅግ የከፋውን ቀውስ እያስተናገደ እንደሚገኝ የዘገበው ሮይተርስ፤ ተደራራቢ ማዕቀቦችና ከፍተኛ ወታደራዊ ወጪ አገሪቱ ያለባትን የውጭ ዕዳ መክፈል የማትችልበት ደረጃ ላይ እንዳደረሷት አንድ የጥናት ተቋም ባወጣው ሪፖርት ማስታወቁንም አመልክቷል፡፡

እሳት የሆነ ነዳጅ
እና የማይቀመስ ምግብ
ሰኞ ዕለት ሩስያ፣ አሜሪካ የነዳጅ ማዕቀብ ከጣለችብኝ፣ በአውሮፓ አገራት ላይ የከፋ የአጸፋ እርምጃ እወስዳለሁ ብላ ብታስጠነቅቅም፣ አሜሪካ ግን በነጋታው ማለዳ ያለማወላወል ያሰበችውን መረር ያለ የነዳጅ ማዕቀብ በሩስያ ላይ መጣሏን ከነጩ ቤተመንግስት አውጃለች፡፡
የአሜሪካው ፕሬዚዳንት ጆ ባይደን ማክሰኞ ዕለት በሰጡት መግለጫ፤ ከአሁን በኋላ አንዲት ጠብታ የሩሲያ ነዳጅ ወደ አሜሪካ አይገባም ሲሉ የተናገሩ ሲሆን፣ ይህም ከዕለት ወደ እለት እየጨመረ ያለውንና በበርሜል ከ140 ዶላር በላይ የደረሰውን የአለም የነዳጅ ዋጋ የበለጠ ሊያንረውና ከጦርነቱ በፊት ከነበረው ከእጥፍ በላይ ወይም 300 ዶላር ሊያደርሰው እንደሚችል መነገሩን ቢቢሲ ዘግቧል፡፡
ሩስያ የአሜሪካን ውሳኔ መስማቷን ተከትሎ ምላሽዋ የከፋ እንደሚሆን በዛቻ የተናገረች ሲሆን፣ አሜሪካን ጨምሮ ከምዕራባውን አገራት ለተጣሉባት መሰል ማዕቀቦች ምላሽ ለመስጠት ለአውሮፓ ነዳጅና የተፈጥሮ ጋዝ መላኳን እንደምታቋርጥና በአለማቀፉ የነዳጅ ገበያ ላይ ከፍተኛ ቀውስን ሊያስከትል እንደሚችል አስጠንቅቃለች፡፡
ብሪታኒያ በቅርቡ የሩስያን ነዳጅ ላለመግዛት ተመሳሳይ እርምጃ እንደምትወስድ ማስታወቋ የተነገረ ሲሆን፣ በዛ ያለ ነዳጅ ከሩስያ የምትገዛው ጀርመን በአንጻሩ መሰል እርምጃ የመውሰድ ሃሳብ እንደሌላት አልሸሸገችም፡፡
የአውሮፓ አገራት 40 በመቶ የሚሆነውን ጋዝ የሚያገኙት ከሩስያ መሆኑን እና አገሪቱ በየዕለቱ ለአለም ገበያ 7 ሚሊዮን ድፍድፍ ነዳጅ እንደምታቀርብ የጠቆመው ዘገባው፣ ጦርነቱ ከጀመረበት ጊዜ አንስቶ የአለም የነዳጅ ዋጋ በ30 በመቶ ጭማሪ ማሳየቱንና ሩስያ ምርቷን ለማቋረጥ ከወሰነች በአለማቀፉ ገበያ ላይ የከፋ ተጽዕኖ ሊፈጥር እንደሚችልም ገልጧል፡፡
ታዋቂው የነዳጅ አቅራቢ ኩባንያ ሼል  ከአሁን በኋላ ከሩሲያ ነዳጅ መግዛቱን እንደሚያቆም ከሰሞኑ ማስታወቁም ተነግሯል፡፡
ጦርነቱ በአለማቀፉ የምግብ ዋጋ ላይ እጅግ የከፋ ተጽዕኖ በማድረስ ላይ እንደሚገኝ እና የዩክሬን መንግስት እስከ አመቱ መጨረሻ ምንም አይነት የገብስ፣ ስንዴ፣ ስኳር፣ ጨውና ሌሎች የግብርናና የፋብሪካ ምርቶች ወደ ውጭ አገራት ላለመላክ መወሰኑን ዘ ጋርዲያን ዘግቧል፡፡

የሰላም ጭላንጭሎች
ሩሲያ በዩክሬን ላይ ያወጀችውን ጦርነት ለማቆም የሚያስችሏትን ቅድመ ሁኔታዎች ያስቀመጠች ሲሆን፣ ከእነዚህም መካከል ክሬሚያ የሩስያ ግዛት ለመሆኗ፣ ዶኔትስክና ሉሃንስክ የተባሉት ምሥራቃዊ ግዛቶች ሉዓላዊ አገራት ለመሆናቸው እውቅና ትስጥ፤ እንዲሁም የኔቶ አባል ላለመሆን ቃል ትግባ የሚሉት ይገኙበታል፡፡
ሁለቱ አገራት በ3 ሳምንት ውስጥ ለ3 ጊዜያት በተወካዮቻው አማካይነት በቤላሩስ ተገናኝተው መላ ለመምታት ውይይት ቢያደርጉም፣ ይህ ነው የሚባል ወታደራዊ ተጨባጭ ውጤት ባይገኝም፣ ከሰብዓዊ ጉዳዮች ጋር በተያያዘ ተደራዳሪዎቹ ተስፋ ሰጪ ነገር ማሳየታቸው ተነግሯል፡፡
ሩሲያና ዩክሬን ጦርነቱ ከተጀመረበት ጊዜ ወዲህ ለመጀመሪያ ጊዜ በከፍተኛ ባለስልጣናት ደረጃ ከትናንት በስቲያ በቱርክ ተገናኝተው የተወያዩ ሲሆን፣ የሩስያውን የውጭ ጉዳይ ሚኒስትር ሰርጌ ላቭሮቭና የዩክሬኑ አቻቸው ዲምትሪ ኩሌየቱርኩን ያገኛኙት ፕሬዚዳንት ረሲብ ጠይብ ኤርዶጋን ሁለቱን አገራት ለማግባባት ባደረጉት ጥረት…. (የተገኘው ውጤት ይጠቀሳል)፡፡
ሩሲያ እና ዩክሬን ከደም አፋሳሹ ጦርነት ወጥተው ለሰላም በራቸውን እንዲከፍቱ ለማደራደር እንደምትፈልግ ከሰሞኑ በውጭ ጉዳይ ሚኒስትሯ በኩል ማስታወቋን ሮይተርስ የዘገበ ሲሆን፣ በሌላ በኩል ደግሞ የሴኔጋል ፕሬዝዳንት እና የወቅቱ የአፍሪካ ህብረት ሊቀ መንበር ማኪ ሳል ከሩሲያው ፕሬዚዳንት አቻቸው ቭላድሚር ፑቲን ጋር በተኩስ አቁም ዙሪያ መነጋገራቸውን የዘገበው ቢቢሲ፣  የግብፁ ፕሬዝዳንት አብዱል ፋታህ አል-ሲሲም ከሰሞኑ ከፑቲን ጋር ተመሳሳይ ውይይት አድርገው እንደነበር አስታውሷል፡፡

“እርም ሩስያ” - ከ300 በላይ ግዙፍ ኩባንያዎች
ሩስያ በዩክሬን ላይ ያደረገችውን ወረራ በመቃወም ከአገሪቱ ጋር የነበራቸውን የንግድ ግንኙነትና አጠቃላይ እንቅስቃሴ ለማቋረጥ የሚወስኑ ታላላቅ አለማቀፍ ኩባንያዎች ቁጥር ከዕለት ወደ ዕለት መጨመሩን የቀጠለ ሲሆን፣ እስካለፈው ረቡዕ ድረስ ከ300 በላይ ኩባንያዎች ከሩስያ ጋር ንግዳቸውን ማቋረጣቸውን በይፋ እንዳስታወቁ የል ዩኒቨርሲቲ ያወጣው መረጃ ያሳያል፡፡
አየር መንገዶች፣ የመኪና አምራቾች፣ የቴክኖሎጂ ኩባንያዎች፣ የፋይናንስ ተቋማትና አገልግሎት ሰጪዎችን ጨምሮ በርካታ ግዙፍ ኩባንያዎች ከሩስያ ጋር ያላቸውን ግንኙነት እያቋረጡና እየተዘጉ  ሲሆን ኮካ ኮላ ኩባንያ ሰኞ ዕለት ከሩስያ ገበያ መውጣቱን ሲያውጅ፣ ማክሰኞ ዕለት ደግሞ ታዋቂው ማክዶናልድ በሩስያ የሚገኙ 850 ያህል ሬስቶራንቶቹን ላልተወሰነ ጊዜ መዝጋቱን ያስታወቀ ሲሆን፣ ስታርባክስ በበኩሉ 100 ያህል የቡና መደብሮቹን ዘግቷል፡፡
ከሩስያ ጋር ያላቸውን የንግድ ግንኙነት ካቋረጡ የአለማችን ግዙፍ ኩባንያዎች መካከልም ቦይንግ፣ ኤርባስ፣ ቢፒ፣ ጄኔራል ሞተርስ፣ ፎርድ፣ አዲዳስ፣ ናይኪ፣ አፕል፣ ዴል፣ ጎግል፣ ቲክቶክ፣ ዛራ፣ ሳምሰንግ፣ ፌዴክስና ማይክሮሶፍት ይጠቀሳሉ፡፡

ስደት እና ሰብዓዊ ጉዳት
ዩክሬናውያን ሩስያ ከምታወርድባቸው የጥፋት ዶፍ ለማምለጥ ቤት ንብረቴን ሳይሉ እግራቸው በመራቸው አቅጣጫ መሰደዳቸውን የቀጠሉ ሲሆን፣ ባለፉት ሁለት ሳምንታት በዩክሬን የተመዘገበው ስደት ከሁለተኛው የአለም ጦርነት በኋላ አቻ የማይገኝለት የአውሮፓ የስደት ቀውስ ነው ተብሏል፡፡
እስካለፈው ረቡዕ ድረስ ከአገሪቱ የተሰደዱ ሰዎች ቁጥር ከ2.2 ሚሊዮን ማለፉን ያስታወቀው የተባበሩት መንግስታት ድርጅት የስደተኞች ኮሚሽን፣ ፖላንድ ከ1.2 ሚሊዮን በላይ ሰደተኞችን በመቀበል ቀዳሚነቱን መያዟን፣ ሃንጋሪ 191 ሺህ፣ ስሎቫኪያ 141 ሺህ፣ ሩስያ 99 ሺህ፣ ሞልዶቫ 83 ሺህ፣ ሮማኒያ 82 ሺህ፣ ቤላሩስ 453 ስደተኞች መቀበላቸውንና ከ83 ሺህ በላይ ሰዎች ደግሞ ወደሌሎች የአውሮፓ አገራት መሰደዳቸውን አስታውቋል፡፡
ሩሲያ በዩክሬን ላይ ጦርነት ከከፈተች ጊዜ አንስቶ ከ1 ሺህ 335 በላይ ንጹሃን ሰዎች ጉዳት እንደደረሰባቸውና 474 ያህሉ ሲሞቱ 861 በሚሆኑት ላይ ደግሞ የመቁሰል አደጋ እንዳጋጠማቸው የተባበሩት መንግሥታት ድርጅት የሰብዓዊ መብቶች ከፍተኛ ኮሚሽን ከሰሞኑ ባወጣው መረጃ አመልክቷል።
የአለም የጤና ድርጅት በበኩሉ በዩክሬን ሆስፒታሎች፣ አምቡላንሶችና የጤና ተቋማት ላይ የተፈጸሙ ጥቃቶች ከፍተኛ ውድመት ማስከተላቸውንና ወሳኝ የሆኑ መድሃኒቶች እጥረት እየተከሰተ እንደሚገኝ አስታውቋል፡፡
የአለም ባንክ በጦርነት ኢኮኖሚያ ክፉኛ እየደቀቀ የሚገኘውን ዩክሬን ለመደገፍ በያዘው ዕቅድ፣ ለመንግስት ሰራተኞች ደመወዝና ጡረታ ክፍያ የሚውል የ723 ሚሊዮን ዶላር የፋይናንስ ድጋፍ ለማድረግ መወሰኑን ብሉምበርግ ዘግቧል፡፡
አለማቀፉ የገንዘብ ተቋም አይኤምኤፍ ስራ አስፈጻሚ ቦርድ ለዩክሬን የ1.4 ቢሊዮን ዶላር የአስቸኳይ ጊዜ የገንዘብ ድጋፍ ለመስጠት መወሰኑ የተነገረ ሲሆን፣ የአሜሪካ ኮንግረስ በበኩሉ ባለፈው ማክሰኞ ባሳለፈው ውሳኔ ለዩክሬን 13.6 ቢሊዮን ዶላር የኢኮኖሚና ሰብዓዊ ድጋፍ ለማድረግ መወሰኑን ዘ ጋርዲያን ባወጣው ዘገባ አስነብቧል፡፡

 በዩክሬን የህፃናት ማሳደጊያ ተቋም መስርታለች
           ሃሪፓተር በተሰኘው ዝነኛ ድርሰቷ የምትታወቀው እንግሊዛዊቷ ደራሲ ጄኬ ሮውሊንግ፣ በዩክሬን ወላጅ የሌላቸው ህጻናት ማሳደጊያ ተቋማት ውስጥ ለሚኖሩ እስከ 1ሚሊዮን ፓውንድ (1.3 ሚ.ዶላር ገደማ) የሚደርስ የገንዘብ ልገሳ እንደምታደርግ ቃል ገብታለች፡፡
እ.ኤ.አ በ2005 በደራሲዋ የተመሰረተውና  ለህጻናት ድጋፍ የሚሰጠው “ሉምስ” የተሰኘው የበጎ አድራጎት ድርጅት፤ በዩክሬን  ጦርነት በተፈጠረው ሰብአዊ ቀውስ ጉዳት ለደረሰባቸው  ዜጎች የምግብ፣  የህክምና ቁሳቁስና የንፅህና መጠበቂያ ድጋፍ ለማድረግ ገንዘብ እያሰባሰበ መሆኑ ተጠቁሟል፡፡
“እኔ በግሌ እስከ 1 ሚሊዮን ፓውንድ”  የሚደርስ የገንዘብ ድጋፍ አደርጋለሁ-” ብላለች- ጆኬ ሮውሊንግ፡፡
ደራሲዋ በማከልም፤ “ቀደም ብላችሁ ድጋፍ የለገሳችሁ ሁሉ ምስጋና ይድረሳችሁ፡፡ ፋውንዴሽኑ በዩክሬን ለሚገኙ ተጋላጭ ህጻናት ወሳኝ ስራዎችን እንዲያከናውን አስችላችሁታል” ብላለች፡፡
ከመዲናዋ ኬይቭ በስተምዕራብ የሚገኘው የዝይቶሚር ክልል፣ ከሩሲያ ወረራ በፊት፣ ከ1500 በላይ  ህጻናት በማሳደጊያዎች ውስጥ  የሚኖሩበት አካባቢ ነበር ብሏል-“ሉሞስ” በድረ ገፁ፡፡
በመላ ዩክሬን ወደ 100 ሺ የሚጠጉ ህጻናት፣ በማሳደጊያዎች ውስጥ እንደሚኖሩም ፋውንዴሽኑ ያመለክታል፡፡
“የሩሲያ ሃይሎች ዩክሬንን ከወረሩ በኋላ ደግሞ  የበለጠ ቁጥር ያላቸው ህጻናት አደጋ ላይ ይወድቃሉ ማለት ነው” ያለው ፋውንዴሽኑ፤ በጦርነቱ ለተፈናቀሉ ህጻናት ድጋፍ ለማድረግ እንደሚሻም አስታውቋል፡፡

   ሰዓሊ በረከት አንዳርጌ “አፍሪካ ናት ቤቴ” በሚል ርእስ “ጥቁርና ነጭ” የስዕል አውደ ርእይ በአዲስ አበባ ዩኒቨርስቲ 6 ኪሎ ግቢ ውስጥ አዘጋጅቷል፡፡ በአዲስ አበባ ዩኒቨርስቲ ገነተ ልዑል ቤተመንግስት ራስ መኮንን አዳራሽ ዓውደ ርዕዩን ለማዘጋጀት የወሰነው ቦታውን የመረጠው የስነጥበብ አፍቃሪው ቅርሱን እየተመለከተ ስዕሎቼን እንዲጎበኝ በመፈለጌ ነው ብሏል፡፡ የስዕል አውደ ርዕዩ ነገ መጋቢት 4 ላይ በይፋ የሚከፈት ሲሆን እስከ መጋቢት 10 ለህዝብ እይታ ክፍት ሆኖ እንደሚቆይና በአፍሪካና በባህላዊ አለበባስ ጎብኝዎች ቢመጡ ደስተኞች ነን ሲልም ተናግሯል፡፡
“አፍሪካ ናት ቤቴ” በሚል ርእስ አውደ ርዕዩን ያዘጋጀሁት “የሰው ልጆች በዘረኝነትና በጎጠኝነት አንሰን ፤ ታላቋን ኢትዮጵያ ለመበተን አንባክን” የሚለውን መልዕክት ለማስተላለፍ ነው፡፡ ለእይታ የሚቀርቡት ስዕሎች በጥቁርና ነጭ ቀለሞች ብቻ የተሰሩ ናቸው፡፡ መነሻውም ከአይናችን የተወሰዱ ሁለቱ  ቀለማት  እንደሆነም ሰዓሊው ይናገራል፡፡
‹‹አይናችን  ጥቁር ብቻ ወይንም አይናችን  ነጭ ብቻ ቢሆን ምን ይመስላል? አንዱ ከአንዱ ጋር የሚመሳጠርበት ምክንያት  ለበጎ ነው፤ ስለዚህ እግዚአብሄር ምድር ላይ የሰጠን ሁሉም ነገር ተከባብረን እንድንኖር ነው  የሚለውን መልዕክቴን የሚዳስስ ነው፡፡ ሁለተኛው  መልዕክቴ ደግሞ ትዝታ ትውስታ ነው፡፡ የድሮውን የሚገልፅልኝ ጥቁርና ነጭ ነው፡፡ ትናንት የነበረው የኛ ማንነት መከባበር መደማመጥ …ወዘተ ነው፡፡ በአብዛኛዎቹ ስራዎቼ የአፍሪካን እናቶች ስያቸዋለሁ፡፡ የህይወት ውጣ ውረዳቸውን፤ አለባበሳቸውን፤  ሲያጌጡ እንደሚያምርባቸው ስቃያቸውንም በተመሳሳይ ሁኔታ ለመግለፅ ነው፡፡ በመፅሃፍ ቅዱስ ጥቁር፤ እረፍት  ፅናት ማለት ነው፤ ነጭ ደግሞ ብርሃን ነው፤ ተስፋ ነው እነዚህን ሃሳቦች ያመለክትልኛል›› በማለት ለእይታ ስለቀረቡት ስዕሎቹ ሰዓሊ በረከት አንዳርጌ አስተያየት ሰጥቷል፡፡
በባህርዳር ከተማ ተውልዶ ያደገው የስዕልና የቅርፃ ቅርፅ ባለሙያው በረከት አንዳርጌ፤  ከ18 በላይ አውደርዕዮችን በማዘጋጀት ከፍተኛ ልምድ ያካበተ ሲሆን በጀርመን፤ በእንግሊዝና በተለያዩ የአፍሪካ አገራት ስዕሎቹን ለእይታ አቅርቧል፡፡ ኢትዮጵያ ውስጥ በጎንደር ፤ ባህርዳር፤መቀሌ፤ ደሴ፤ ሃዋሳ፤ በጅጅጋ ከተሞች ስዕሎቹን ያሳየ ሲሆን በአዲስ አበባ አውደርእይ ሲያቀርብ ጥቁር የአሁኑ አራተኛው ነው፡፡


                - (ኢ/ር ዘለቀ ረዲ፤ ፖለቲከኛ)



              በዚህ ጉባኤ “ብልጽግና የሚባለው ፓርቲ ይፈርሳል፤ አይስማሙም” ብለው የሚናገሩና ይህንንም የሚጠብቁ ሰዎች አጋጥመውኛል። በእኔ እምነት፤ ሀገር የሚመራ ፓርቲ ሲፈርስ፣ የአንድ ቤት  ምሰሶ ሲወድቅ ቤቱ ሁሉ እንደሚወድቀው አይነት ችግር ነው የሚገጥመን ብዬ ነው የማስበው። አደገኛ ነገር ነው። በዚያ ላይ “ውስጣችንን እናጠራለን” እያሉ እየፎከሩ ነው፡፡ “ሌቦችን እንቀንሳለን” የሚልም ድንፋታ ነበር። ይህን ክፍል የሚነካኩት ከሆነ ሌባ እናጠራለን ብለው እስከ ሥር ከነካኩ ግን ፓርቲው ይፈርሳል የሚል ስጋት አለኝ።
ለምን ከተባለ አብዛኛው ሰው ከዚሁ ከሌብነቱ ጋር የተነካካና በዚሁ የታጠረ ነው። አብዛኛው አመራርም የመጣው ከድሮው ኢህአዴግ ስለሆነ አመለካከቱም የዚያው የበፊቱ ነው። ከላይ ያለውን እናጠራለን ብለው ቢነሱም፤ ከስር ያለው በቀልቱም ሌባ ነው። ከዚህ አንጻር  የሌብነቱ ሴራ በደንብ ከተነካካ በብልጽግና ላይ አደጋ ይመጣል የሚል ስጋት አለኝ። ምክንያቱም አሁንም አገሪቱ እንዳትረጋጋ ያደረጓት ሌቦቹ ናቸው። አገር ከተረጋጋች የሌብነቱ ነገር ተስፋ አስቆራጭ ይሆንባቸዋል። የሰረቁትንም መብላት አይችሉም። ስለዚህ አገሪቱ እንዳትረጋጋ አጥብቀው ይሰራሉ። በሌላ በኩል፤ ሌቦቹን እናስወጣለን ካሉ፣ ማንን አስወጥተው ማንን ሊያስቀሩ ነው? በአንጻራዊነት አንዱ ሌባ ከአንዱ የከፋ  ነው እያሉ ካልቀነሱ በስተቀር ማለቴ ነው።
ከስብሰባው ሹምሽር  ትጠብቃለህ ወይ ላልሽኝ… አዎ እጠብቃለሁ። ወጣም ወረደ አብዛኞቹ 27 እና 30 ዓመት ከዛም  በላይ የሰሩ ናቸው። በአዳዲስ የመተካት ፍላጎት ሊኖራቸው ይገባል። በሀገራችን አንድ ባለስልጣን እስኪሞት ድረስ ስልጣን ላይ እንዲቆይ እንፈልጋለን። ይሄ አግባብ አይደለም። የሚነሱበት መንገድ ግን በሌብነት ወይም፣ በሙስና ነው ከተባለ ግን ችግር ይገጥማቸዋል። ነገር ግን አንድ ሰው ደክሞታል ይቀየር  ካሉ ደግሞ የሚቃወም ብዙ ሰው ስለማይኖር፣ በዚህ መልኩ ሊሆን ይችላል። እርግጥ ከውስጡ የማይሰርቁ ሰዎችም አሉ ጥቂት ይሆናሉ እንጂ። አሁን ፕ/ር ብርሃኑ ነጋን በሌብነት ስሙን ልትጠሪ አትችይም። ለም ብትይ… የራሱ ሀብት ያለው ሰው ነው። በዚህ ላይ ትምህርት ሚኒስቴር ላይ እየሰራ ያለውም ሪፎርም ቀላል የሚባል አይደለም። የማይሰርቁ ሰዎች በውጪ ሊኖሩት ይችላሉ። ከላይ ከላይ ያለውን ቀስ በቀስ ከሌብነት ካጸዳው፣ ከላይ ያለው ደግሞ ከስሩ ያለውን እያጸዳ የተሻሉትን ሰዎች እያስቀመጠ ይቀጥላል። ነገር ግን እርግጠኛ ነኝ አሁን በሌብነት ከተባለ ማን ሄዶ ማን ይቀራል። ምናልባት በስራ የተሻሉ ሰዎችን ወደ ላይ ሊያመጣ ይችላል። አሁን በብልጽግና ውስጥ ማን ነው የተሻለ  ብለሽ ስታስቢ፣ ሰዎች ጠፍተው አይደለም። ነገር ግን ደህና ያልሻቸውን ወስደሽ እዚህ ቦታ ላይ ስታስቀምጫቸው ነው ሌብነቱን የሚጀምሩት። የቀድሞው የሌብነት ሲስተም ስላልተበጠሰ ሲስተሙ ደህና ያልሻቸውንም ሰዎች ይውጣቸዋል።
በዋናነት ምን ምን ጉዳዮች በአጀንዳነት ይነሳሉ ለተባለው፣ በርካታ ጉዳዮች ሊነሱ ይችላሉ። ለምሳሌ ዛሬ ተነጋግረው የሚፈቱት ባይሆንም፣ በሌላ በኩል የኑሮ ውድነቱ ዓለማቀፋዊነትን እየተላበሰ ቢሆንም የኑሮ ውድነቱ ይነሳል የሚል እምነት አለኝ። ቢያንስ በኑሮ ውድነቱ ላይ ሲነጋገሩ ህገ-ወጥ  ነጋዴዎችን የሚቆጣጠሩበትን ጉዳይ ያመቻቻሉ የሚል እምነት አለን፡- እሱን ካዘጋጁ
ቢያንስ ነጋዴው እጁን ከዘረፋ እንዲያነሳ እና እንዲተባበር ማድረግ ይችላል።
ሌላው የሰሜኑ ጦርነት፣ አገራዊ የምክክር ኮሚሽኑም ጉዳይ ይነሳል የሚል እምነትም አለኝ። የሰሜኑ ጦርነት መስመር እየያዘ የመጣ ይመስላል። አሁን ላይ ከትግራይ ህዝቡ እየለቀቀ እየወጣ ነው። እየተሰደደ ነው። ይህንን በሁለት መልኩ እንየው፡፡ አንደኛ ህውሃት ሆን ብሎ አማራ ክልልን ለማጣበብ ያደረገው ተንኮል ሊሆን ይችላል። ሁለተኛ ህዝቡ መሮትና ኑሮ ከብዶት እየተሰደደ ሊሆን ይችላል። በዚህ ሁኔታ ትግራይ ባዶ መሬት ሆነ ማለት ነው። በዚህ ምክንያት ጦርነቱ እየተገባደደ ነው ማለት ይቻላል።
ህዝቡ ትግራይን ከመልቀቅና ከመፈናቀል ቀጥሎ ወደተቃውሞ ይዞራል። ያኔ ወያኔ ለማን እታገላለሁ ይላል? ይህን ይህን ስታይው፣ ጦርነቱ እያለቀ ነው ማለት ነው። በሌላ አነጋገር እነሱም (ብልፅግናዎች) ከዚህ በኋላ “ስራ አለብኝ እንጂ ጦርነት አለብኝ” ማለት አግባብ ስላልሆነ በዚህ ስብሰባቸው ለአንዴና ለመጨረሻ ጊዜ ይህንን ጉዳይ በሽምግልናም ይሁን በሌላ መንገድ ለመፍታት ተነጋግረው ይወስናሉ የሚል ግምት አለኝ።
አገራዊ ውይይቱን (ናሽናል ዲያሎግ) በተመለከተም በቅርቡ የተጀመረ ስለሆነና ወደ ተግባር መገባት ያለበት ስለሆነ በምን መልኩ እናስኪደው ብለው የሚነጋገሩበት ይመስለኛል። በአጠቃላይ በኑሮ ውድነቱ፣ በሰሜኑ ጦርነት፣ በናሽናል ዲያሎጉና በሹም ሽር በኩል በርካታ ነገሮችን እጠብቃለሁ።


የኢትዮጵያ ንግድ ባንክ ብሔራዊ ባንክ እ.ኤ.አ በ27/08/2021 ያወጣውን መመሪያ ተከትሎ ላለፉት 6 ወራት የደንበኞቹን መረጃ የማደራጀትና የማጥራት ስራ ሲሠራ መቆየቱ ይታወቃል፡፡
በዚህ ጊዜ ውስጥ በርካታ ደንበኞች መረጃቸውን በባንኩ ቅርንጫፎች በመገኘት ወቅታዊ አድርገዋል፡፡
በተለያዩ ምክንያቶች መረጃቸውን ወቅታዊ ማድረግ ላልቻሉ ደንበኞች ተጨማሪ የሁለት ወር ጊዜ የተሰጠ በመሆኑ፣ ደንበኞች ቀነ ገደቡ ከመጠናቀቁ በፊት ከወዲሁ ወደ ባንኩ ቅርንጫፎች በመሄድ መረጃቸውን ወቅታዊ ማድረግ እንዳለባቸው እናሳስባለን፡፡
Wednesday, 09 March 2022 17:42

አነቃቂ ትረካ

First spotted on the side of Russian tanks and military vehicles amassing on the border with Ukraine, the letter “Z” has since become the main symbol of public support for Russia’s war in Ukraine.
Following the February 24 invasion, government supporters have used the letter, which does not exist in the Cyrillic alphabet used in Russia, to show solidarity with the armed forces fighting in the neighbouring country.
In one video shared on social media, former spy Maria Butina, convicted of espionage in the United States, can be seen carving the symbol onto her jacket.
Russian gymnast Ivan Kuliak had the letter prominently taped on the front of his outfit as he stood on the podium next to Ukraine’s Illia Kovtun during an event in Qatar’s capital, Doha. He now faces disciplinary proceedings by the International Gymnastics Federation, which blasted his “shocking behaviour”.
And at a cancer hospice in the city of Kazan, staff and patients, including children, lined up to form the letter Z in the snow, according to an image circulating online.
Film critic Anton Dolin, who has criticised the “criminal war” in a Facebook post and is now in Latvia, noticed before leaving that the door to his apartment had been spray-painted with the letter Z.
“The purpose of this is clear,” he wrote. “We know where your family live, beware.”
Meanwhile, Russia’s internet censor board, Roskomnadzor, changed its Telegram channel handle to emphasise the letter Z.
A large sign showing Z alongside a hashtag reading “We don’t leave ours” can also be seen over a street in Saint Petersburg, Russia’s second-largest city.
The symbol has also been embraced by pro-war supporters outside Russia – on Friday, Serbs demonstrating in support of Moscow’s actions carried banners with the Z letter and painted it on the streets of Belgrade as they marched through Serbia’s capital.
What does it mean?
There have been various theories put forward since Z was first seen emblazoned on military hardware, alongside other letters, including V and O.
They have ranged from suggestions that they stood for the first letters of the full name of Ukraine’s president, Volodymyr Oleksandrovych Zelenskyy, to suspicions that they represent the areas where the soldiers operating them were usually based.
An Instagram post by the Ministry of Defence has meanwhile suggested that the Z symbol stands for “za pobedu”, or “for victory”.
Russia’s war has drawn widespread international condemnation, resulting in Western countries imposing crippling sanctions against Russia and prompting an exodus of a number of multinational companies from the country.
Last week, the Russian Ministry of Defence acknowledged that 498 Russian soldiers have died since what it calls a “special military operation began”.
Russian media are supposed to report on the war using only official, government-approved sources. News outlets and schools have also been banned from referring to the ongoing hostilities as an “invasion”, “attack”, or “declaration of war”.
(ALJAZEERA)

EYOB Kassa, [3/7/2022 5:34 PM]
Russian authorities arrest more than 5,000 anti-war protesters

Russian authorities arrested more than 5,000 anti-war protesters in cities across Russia over the course of one day, according to a human rights group.
An estimated 5,138 people in 72 Russian cities were arrested Sunday as protests against the invasion of Ukraine swept the country, according to OVD-Info, an independent human rights project focused on political persecution in Russia.
The figure represents the highest number of arrests in a single day since Russia invaded Ukraine on Feb. 24. OVD-Info reports there have been a total of 13,508 arrests since the invasion.
There were reportedly at least 2,426 arrests in Moscow alone on Sunday, with at least 21 protesters being held overnight.
Demonstrators risk prison sentences for partaking in the protests, VOA reported.
Jailed Kremlin critic Alexei Navalny on Friday called for protests in a post on his blog, telling Russians to not be fearful of crackdowns on such demonstrations.
"Show the world that Russians don't want war. Come out in the squares of Berlin, New York, Amsterdam or Melbourne, wherever you are. Now we are all responsible for Russia's future. For what Russia will be in the eyes of the world," he said in the post, according to Reuters.
"You may be scared, but to submit to this fear is to side with fascists and murderers. Putin has already snatched away from Russia its economy, relations with the world and hope for a future," Navalny said.
(Fox news)

Saturday, 05 March 2022 13:05

የገብሩ ስጋቶች

      የኢትዮጵያ ቡድን ከሊቢያ ጋር ላለበት የአፍሪካ ዋንጫ ማጣሪያ ወደ ትሪፖሊ ይሄዳል፡፡ የሚጓዘው በጣሊያን ወይም በግሪክ በኩል አድርጎ ነው፡፡ ቡድኑ ሸበሌ ሆቴል ነው ያለው፡፡ ገብሩ ወ/አማኑኤል  ክፍሉ ውስጥ ቁጭ ብሎ ይቆዝማል፡፡ በሐሳብ ወዲያ ወዲህ  ይዋልላል፡፡ በቀጣይ ቀናት የህይወቱን መስመር መለወጥ ይኖርበታል፡፡ ከገባበት አጣብቂኝ ካልወጣ ለእሱም ለቤተሰቡም ጥሩ አይደለም። ጊዮርጊስ ክለብ ውስጥ የኢ.ህ.አ.ፓና የኢ.ዲ.ዩ ደጋፊዎች ነበሩበት ስለሚባል “ምንጠራ” ይጀመራል፡፡ ጊዮርጊስ ክለብ ከፈረሰ ጥቂት ጊዜያት ያለፈ ቢሆንም፣ አሁንም ከክለቡ ጋር ተያይዞ የሚመጣው ጣጣ ገብሩን እያሳሰበው ነው፡፡ በቀጣዩ ሁለት ቀናት ከዚህ አገር መጥፋት አለበት፡፡ በሐሳብ ላይና ታች በሚልበት ሰዓት የክፍሉ ስልክ አንቃጨለ፡፡
ደንግጦ ስልኩ ላይ አፈጠጠበትና ሄዶ አነሳ፡፡ የደወለችው ሴት ነች፡፡
 “ሐሎ” አለችው
“አቤት…ማንን ፈለግሽ?”
“ገብሩ ነህ?”
“አዎ ፤ማነሽ?”
“እኔ ነኝ” (ስሟን ነገረችው፡፡ ያውቃታል፤ ዘመዱ ነች፡፡)
“ደህና ነሽ?”
"ደህና ነኝ፡፡… መቼ ነው ሊቢያ የምትሄዱት?”
“ከነገ ወዲያ”
“ከየት ነው የምትሄዱት?”
“ከግሪክ ወይም ከጣሊያን”
“ትመለሳለህ እንዴ?”
“ምን አልሽ!!” (ገብሩ ደነገጠ)
“ልትጠፋ ነው አይደል?;
"እንዴት እንዲህ ልትይ ቻልሽ?”
“ማለቴ…..!”
“ኧረ ተይ !!”
ሁለቱም ስልኩን እንደያዙ ቀጣዩን ነገር መነጋገር አቆሙ፡፡ ገብሩ መደንገጥ ብቻ ሳይሆን በርግጓል፡፡ ልጅቷን ያውቃታል። ከምን ተነስታ እንደጠየቀችው ግራ ገብቶታል። ስልኩ ሊጠለፍ ይችላል፡፡ ይህ የመጨረሻ እድሉ ነው፡፡ ከተነቃበት አለቀለት። በኩብለላ ከተጠረጠረ ከብሔራዊ ቡድኑ ይባረራል፡፡ መሰናበት ብቻ ሳይሆን ደርግ ያለፈ ታሪኩን ከደረሰበት እስር ቤት መግባቱ ነው፡፡ ከዚያ የሚደረገውን ይደረጋል፡፡ ስለዚህ ይህን የስልክ ጥሪ ከመዝጋቱ  በፊት ውይይታቸውን የጨዋታ ማስመሰል አለበት፡፡ እየሳቀ “እየቀለድሽ ነው አይደል” አላት፡፡
- “በግምት እኮ ነው”
- “ሴቶች ቀልድ አልተቻላችሁም”
-“ምን አልክ?”
-“ድምፅሽን ቀይረሽ አወቅኩሽ”
-“አንተም እየቀለድክ ነው”
-“ስመለስ ምን ይዤልሽ ልምጣ”
- “ምንም….እኔ ግን….”
ልጅቷ ሐሳቧን ሳትጨርስ ቻው ብሎ ስልኩን ዘጋባት፡፡ እንደሚመለስ ነግሯታል። ስልኩ የተጠለፈ ቢሆን እንኳ “ስመለስ ምን ላምጣልሽ” ማለቱ እንደማይጠፋ ተናግሯል። የሚያስፈልገው ደግሞ  መናገሩ ነው፡፡ ነገሩን በዚሁ መቋጨቱ ጥሩ ነው፡፡ ለመኮብለል ማሰቡና  መዘጋጀቱ ከታወቀ አደገኛ ነው፡፡ ገብሩ “እንደምንጠፋ ተመልካቹም ያውቃል ምክንያቱም  በጨዋታ ተቀዛቅዘናል፤ ሞራላችን ወርዷል፤ በሁሉም ነገር ደስተኛ እንዳልሆንን ያስታውቃል፤ ልጅቷም ስትደውል ለክፋት  ብላ ሳይሆን  እንዳልመለስና እንድጠፋ ለማበረታታት ነው፡፡”
ገብሩ አስደንጋጩ የስልክ ጥሪ ስጋት ውስጥ ስለከተተው፣ ከሆቴሉ ወጣ ብሎ መንፈሱን ማረጋጋት ጀመረ፡፡ ሰዎች ሲያዩት ሁሉ የጠረጠሩት ይመስለዋል፡፡ ግን የሚያዩት ኳስ ሜዳ የሚያውቁት ሰዎች ናቸው፡፡ ወደ ክፍሉ ተመለሰ፡፡  ከጓደኞቹም ጋር ቁጭ ብሎ መጫወት ጀመረ፤ ግን አልተረጋጋም፡፡ ለመኮብለል የተዘጋጁ ሁለት ተጫዋቾች በፖለቲካ  ተጠርጣሪዎች ናቸው፡፡ እነዚህ ተጫዋቾች ቁጭ ብለው እያወሩ ከኦሜድላ ክለብ የተመረጠው ኃይሉ ጎሹ ወደ ክፍላቸው ገባ፡፡ መቃለድ ጀመረ፡፡ ቤቱን ሲመለከት ምንም የተዘጋጀ ነገር የለም፡፡ አያቸውና፤ “ሻንጣ የላችሁም እንዴ?” አላቸው
“የምን ሻንጣ?”
 “የጉዞ ሻንጣ”
 “አለን”
“ታዲያ የታለ?”
“እነ እንትና ክፍል ነው….”
ገብሩ ደነገጠ፡፡ ለመጥፋት ስላሰቡ ሻንጣ አልያዘም፡፡ ይህ ጥያቄ ከኃይሉ ጎሹ መምጣቱ እንጂ ቡድን መሪው ወይም ከቡድኑ ጋ ያሉት የደህንነት ሰዎች ጠይቀው ቢሆን ኖሮ ይጠረጥራሉ፡፡
በዚህም የተነሳ ያለምንም ጥያቄና ቅድመ ሁኔታ ያባርሯቸዋል፡፡ ያኔ ደግሞ ትንሽ ፍንጭ ከተገኘ ስንብት ነው፡፡ ገብሩ ቶሎ ወደ ቤት ሄዶ ሻንጣ ይዞ መጣ። የማይኮበልል ተጫዋች ማረጋገጫው ሻንጣ መያዝ ነው፡፡ የገብሩ ደግሞ ትልቅ ሻንጣ ነው፡፡ ከፍ ያለ ሻንጣ ከያዘ ብዙ እቃ ይገዛል። ከገዛ ተመላሽ ነው፡፡
ኢህአፓ ተማሪውን ይዟል
ሸበሌ ሆቴል ውስጥ ማታ ሁሉም ተጫዋቾች ተጠሩና ስብሰባ ተደረገ፡፡ የመንግስት ካድሬዎች ናቸው የመጡት። ከጥቂት  ወራት በፊት የወጣት ቡድን ተጫዋቾች ወደ አልጀሪያ ሲሄዱ  ጣሊያን ላይ ኮብልለው ነበር፡፡ በዚህ የተነሳ የውጭ ሚዲያዎች፣ ተጫዋቾቹ  የሚጠፉት ከፖለቲካ ጋር በተያያዘ ነው በሚል ዘግበው ስለነበር፣ ኩብለላው ደርግን በጣም አስቆጥቶታል፡፡ ገብሩ “አሁን  የመጡት ካድሬዎች በመኮብለል ምንም ጥቅም እንደማይገኝ ይመክሩን ጀመር፡፡ ካድሬው ረገጥ አድርጎ “ለመጥፋት የፈለጋችሁ መሄድ ትችላላችሁ፡፡ እኛ ማንንም አንለማመጥም። እነ መንግስቱ  ወርቁ እንኳ ስንት ዓመት አገልግለው አንድ ቀን ኮርተው አያውቁም፤ አልኮበለሉም፡፡ እናንተ ግን ልባችሁ ውጪ ነው ያለው፡፡ እዚህ አገር ምን ጎደለባችሁ?" አለ፡፡
ካድሬው በቁጣ ውርጅብኝ ጣለብን፡፡  እንደገና ቀጠለና፤  #እነ ሲበን ባለፈው ጣሊያን ላይ ጠፍተው በረንዳ ላይ ነው የሚያድሩት፤ አሁን ከባድ ችግር ላይ ወድቀዋል፡፡ ወደ ሐገር ለመመለስ እንደሚፈልጉ ሰምተናል፡፡ እኛ ደግሞ ሐገር የከዳን ሰው እንደማንቀበል አሳውቀናል፡፡ እናንተም  የምትጠፉ  ከሆነ የእነሱ እጣ ፈንታ ነው የሚጠብቃችሁ” በማለት ካድሬው  ከተናገረ በኋላ  ወደ ተጫዋቾቹ እያየ፤
“በዚህ ላይ አስተያየት አላችሁ?” አለ
(ዝም)
“ከእናንተ ውስጥ መጥፋት የሚፈልግ አለ?”
(ዝም)
 “አትናገሩም?!”
(ዝም)
ካድሬው ወደ ገብሩ ያያል፡፡ ገብሩም ድንገት ነው ወይስ ሆን ብሎ ነው ወደ እኔ የሚመለከተው?  ብሎ ግራ ተጋባ፡፡ ልጅቷ ስትደውል ስልኩ ተጠልፎ ይሆን? ብሎ ጠረጠረ፡፡ የገብሩ ኢ.ህ.አ.ፓ ታሪኩ  ከኋላው ይከተለዋል፡፡ ሲጀመር እንዲህ ነበር፡፡
በ1996 ዓ.ም ወጣቱ በፖለቲካ ትኩሳት እየነደደ ነው፡ በየት/ቤቱ ረብሻ አለ፡፡ ለውጥ ፈላጊውም በዝቷል፡፡ በተለይ  ወጣት  ተማሪዎች የለውጥ ድርጊቶች ናቸው፡፡ በወቅቱ “እድገት  በህብረት  የእውቀትና የስራ ዘመቻ” በሚል ከ10ኛ ክፍል በላይ የነበሩት ተማሪዎች 1967 ዓ.ም ታህሳስ ወር ወደ ገጠር ዘምተው ነበር፡፡ ቁጥራቸውም 60 ሺህ ይጠጋል፡፡ ገብሩም ከዘማቾቹ አንዱ ነው፡፡
ነገር ግን ለብሔራዊ ቡድን በመመረጡ ለጊዜው ሳይሄድ ቀርቷል።  ሆኖም ተማሪዎቹ ዘመቻ የጨረሱበት ሰርተፊኬት ካላገኙ ትምህርታቸውን አይቀጥሉም። ስራም አያገኙም፡፡ ገብሩ ለብሔራዊ ቡድን ሲመረጥ “ ሰርተፊኬቱ ካልተሰጠኝ አልጫወትም እዘምታለሁ” የሚል ጥያቄ ያቀርባል፡፡
("ኢህአፓ እና ስፖርት" ከተሰኘው የገነነ መኩሪያ (ሊብሮ) መጽሐፍ የተቀነጨበ)