ዋልያ መፅሕፍት የተለያየ ይዘት ያላቸውን በጥሩ የህትመትና የወረቀት ጥራት ፣ የሀሳብ ጥልቀት የሞላቸውን መፅሐፍት ለማቅረብ እየታተረ ይገኛል።

የሚሳም ተራራ፣ ማእበል ጠሪ ወፍ ፣ ዝይን ፣ቆንጆዎቹ ፣ ግርባብ ፣ ሲጥል፣ በታችም በምድር እና ሌሎች የተወዳጅ ደራስያን ተወዳጅ መፅሐፍትን ሲያቀርብላችሁ በደስታ ነው ።

እኒህን መፅሐፍት በየትኛውም የመፅሕፍት መደብር ጎራ ብትሉ ተዘርግተው እናንተን ይጠብቋችኋል።

ዋልያ መፅሀፍት

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…

የቡሄ በዓል መከበር የጀመረው ኢየሱስ ክርስቶስ ብርሃነ መለኮቱን በደብረ ታቦር ተራራ ከመገለጡ ጋር ተያይዞ እንደሆነ ይታመናል፡፡ ከዚህ ክስተት ጀምሮ ሙልሙል መስጠት፣ ችቦ ማብራትና ጅራፍ ማጮኽ የበዓሉ ትውፊታዊ መገለጫዎች ሆነው ዛሬን ደርሰዋል፡፡

ቡሄና የሙልሙል ስጦታ

በቡሄ በዓል አከባበር ትውፊቱ መሰረት፤ ብርሃን በደብረ ታቦር ተራራ በተገለጠ ጊዜ በአካባቢው የነበሩ እረኞች የመሸ ስላልመሰላቸው ወደ ቤታቸው አልተመለሱም ነበር፡፡ በዚህ የተጨነቁ ወላጆችም ልጆቻቸው/እረኞች የሚበሉትን ቂጣ/ዳቦ በመያዝ ወዳሉበት ቦታ ይሄዳሉ፡፡ በቦታውም ዳቦውን ለልጆቻቸው ይሰጣሉ፡፡ ከዚህ ጋር ተያይዞ ቡሄ፤ ልጆች በየቤቱ እየዞሩ እንኳን አደረሳችሁ ሲሉ ዳቦ/ሙልሙል የመስጠት ባህል ሆኖ መቀጠል ችሏል፡፡

ቡሄና ችቦ ማብራት

በቡሄ በዓል ችቦ የሚበራው በደብረ ታቦር ተራራ ብርሃን መገለጡን በማስመልከት ነው፡፡ ብርሃን የማብራት ትውፊቱ ከክረምትና የጨለማ ዘመን ወደ ብርሃንነት፣ ከጭጋግ ወደ ፀሐይና ብሩህነት የምንሸጋገርበት ወቅት ከመሆኑ ጋር ተያይዞ የመጣ ነው፡፡

ቡሄና ጅራፍ ማጮህ

የቡሄ ሌላው ገጽታ የጅራፍ ግርፊያው ነው፡፡ ከበዓሉ ቀን በፊት ጅራፍ በማዘጋጀትና ወደ ተራራማ አካባቢዎች በማምራት ጅራፍ ማጮኽ ሁለት ትውፊታዊ ትርጓሜ አለው፡፡ የመጀመሪው የኢየሱስ ክርስቶስን በጅራፍ መገረፍ የሚያመሰጥር ሲሆን፤ ሁለተኛው ደግሞ ጅራፉ ሲጮኽ የሚያሰማው ድምጽ የባህርይ አባቱ አብ የሰጠው ምስክርነት እንደነጎድጓድ መሰማቱን ያስረዳል፡፡

ቡሄ በአማራ ክልል

ቡሄ በአማራ ክልል እንደየአካባቢው ሁኔታ በተለያዩ ዝግጅቶች የሚከበር በዓል ቢሆንም፣ ከላይ የጠቀስናቸውን ዳቦ፣ ችቦ እና ጅራፍ ማጮኽ ዋና መገለጫዎቹ ናቸው፡፡ ቡሄ ለየት ብሎ ከሚከበርባቸው አካባቢዎች ውስጥ ደብረ ታቦር ከተማ ቀዳሚ ብትሆንም በሸዋ፣ ወሎ፣ ጎንደርና ጎጃም ውስጥ በሚገኙ ሁሉም አካባቢዎችም የቡሄ በዓል በድምቀት ይከበራል፡፡

(Visit Amhara)

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…