አዳብና በክስታኔ ዓለም አቀፍ ወጣቶች ማኀበር እና አክራሚ የሴቶች በጎ አድራጎት ማህበር በጥምረት በፌስቲቫል ደረጃ በአዲስ አበባ ወዳጅነት ፓርክ በዛሬው እለት ተከብሯል፡፡

ዘንድሮ ለመጀመሪያ ጊዜ አዳብና በአዲስ አበባ የተከበረ ሲሆን፤ ቀደም ብሎ መስከረም 24 ቀን 2018 ዓ.ም በጉራጌ ዞን በኬላ ከተማ በደማቅ ሁኔታ መከበሩ ተገልጿል፡፡

የአዳብና ባህል የልጃገረዶችና ወጣት ወንዶች ጨዋታና መተጫጫ ስነስርዓት ሲሆን፤ ከ800 ዓመታት በፊት በክስታኔ ቤተ-ጉራጌ አካባቢ ለዘመናት ሲከበር ኖሯል።

ክስታኔ ዓለም አቀፍ ወጣቶች ማህበርና አክራሚ በጎ አድራጎት የሴቶች ማህበር በጋራ ያዘጋጁት ይህ ድንቅ የሆነ የአዳብና ባህል፣ በማይዳሰስ የዓለም ቅርስነት በዩኔስኮ (UNESCO) እንዲመዘገብ ስራዎች እየተሰሩ መሆኑ ተነግሯል።

ቴሌግራም ቻናልችንን በመቀላቀል የአዲስ አድማስን መረጃ ይከታተሉ…