በምስክር  ጌታነው ሚዲያና ፕሮሞሽን በየወሩ የሚዘጋጀው የኪነ-ጥበብ ምሽት የዚህ ወር መሰናዶ “አንድ ነገር ስለሀገር” በሚል ርዕስ ሰኞ ሚያዚያ 24 ቀን 2011 ዓ.ም  በኢትዮጵያ ብሄራዊ ቴአትር ከቀኑ 11፡00 ጀምሮ ይካሄዳል። በዕለቱ ፕ/ር አደም ካሚል፣ ዶ/ር ወዳጄነህ መሃረነ፣ መስከረም አበራና አንዷለም አራጌ ዲስኩር የሚያቀርቡ ሲሆን፣ ገጣሚያኑ ነቢይ መኮንን፣ ኤፍሬም ስዩምና ትዕግስት ማሞ ግጥም ያቀርባሉ ተብሏል። የዕለቱ ወግ አቅራቢዎች ወግ አዋቂው በሃይሉ ገ/መድህን አርቲስት ሱራፌል ተካና ረ/ፕ ተስፋዬ እሸቱ እንደሆኑ የተገለጸ ሲሆን፣ የመግቢያ ዋጋው 100 ብር ነው ተብሏል።
የመግቢያ ትኬቶቹም በጃዕፈር፣ አይናለም፣ ዮናስ መጻህፍት መደብሮች፣ ጣይቱ ሆቴልና ከካዛንቺስ በሚገኘው ጆሲ ልብስ ስፌት ቤት እንደሚገኙም ታውቋል።