ወንጀል ሀላፊነቱ የግል ነው፣ የፈፃሚው ነው። መግደል ከባድ ወንጀል ነው። ለአንድ ሰው ኃላፊነቱ ይከብዳል። ነገር ግን የመግደል ሃላፊነቱን ከራስህ አውርደህ ለህዝብ ካከፋፈልከው (በህዝብ ስም ካደረግኸው) ሸክሙ ይቀላል። የብሄር ነገር የሚያንገበግባቸው ሰዎች የሚያስፈሩን ለዚህ ነው። የወንጀል ሀላፊነትን ለብሄራቸው በቡድን ስለሚሸነሽኑት ብሄረተኞች ሁሉ ጨካኝ ነፍሰ ገዳዮች የመሆን እድላቸው ሰፊ ነው። ፖቴንሻሊ ተጠባባቂ ነፍሰ ገዳዮች ናቸው።
ህጻናትን አርዶ፣ ገደል ከትቶ፣ ቤት ውስጥ አቃጥሎ መሄድን ሃላፊነቱን ለህዝብ እስካስተላለፉት ድረስ ያለ ምንም ችግር ያደርጉታል። የግል ተጠያቂነት የለባቸውም። በቄሮ ስም፣ በፋኖ ስም፣ ኤጀቶ ስም መዓት አውርደህ “ቄሮ፣ ፋኖ፣ ኤጀቶ፣ ሄጎ እርምጃ ወሰደ!” በሚል ግለሰቦችን ነፃ በማድረግ ለብሄር የወንጀል ሀላፊነት በመሸንሸን እራስህን ነፃ ታወጣለህ። በአለማችን ታሪክ በሰው ልጆች ላይ የተፈፀሙ አሰቃቂ ወንጀሎች ሁሉ በዚሁ በብሄርተኝነት መንገድ የተፈፀሙ ናቸው። ውጣ ከጥበት። ውጣና ነፃ ሰው ሁን።