Sunday, 12 January 2020 00:00

ለንደን የ2020 የአለማችን ምርጥ ከተማ ተባለች

Written by 
Rate this item
(2 votes)

  የአለማችንን ከተሞች በተለያዩ መስፈርቶች በማወዳደር በየአመቱ ደረጃ የሚያወጣው ሪዞናንስ የተባለ አለማቀፍ ተቋም ከሰሞኑም የ2020 የአለማችን ምርጥ ከተሞችን ዝርዝር ይፋ ያደረገ ሲሆን የእንግሊዝ ርዕሰ መዲና ለንደን በአንደኛ ደረጃ ላይ ተቀምጣለች፡፡
ለኑሮ አመቺነት፣ የቱሪዝም ተመራጭነት፣ ጥራት፣ የመሰረተ ልማት አውታሮች መስፋፋት፣ ውበትና ንጽህናን ጨምሮ 22 ያህል መስፈርቶችን በመጠቀም የአለማችንን ከተሞች አወዳድሮ ደረጃ የሚሰጠው ተቋሙ፤ የአሜሪካዋን ኒው ዮርክ ሲቲ በሁለተኛነት፣ የፈረንሳዩዋን ፓሪስ ደግሞ በሶስተኛነት ደረጃ አስቀምጧቸዋል፡፡
የጃፓን መዲና ቶክዮ፣ የሩስያዋ ሞስኮ፣ የተባበሩት አረብ ኤሚሬትሷ ዱባይ፣ የሲንጋፖሯ ሲንጋፖር፣ የስፔኗ ባርሴሎና፣ የአሜሪካዋ ሎስ አንጀለስ እንዲሁም የጣሊያኗ ዋና ከተማ ሮም እንደ ቅደም ተከተላቸው ከአራተኛ እስከ አስረኛ ያለውን ደረጃ የያዙት የአመቱ የአለማችን ምርጥ ከተሞች መሆናቸውንም ለማወቅ ተችሏል፡፡

Read 5823 times