Tuesday, 07 January 2020 00:00

ጥንዶቹ ዘንድሮም የአለማችን ድንቅ ሰዎች ተብለው ተመርጠዋል

Written by 
Rate this item
(2 votes)

  የቀድሞ የአሜሪካ ቀዳማዊት እመቤት ሚሼል ኦባማ እና ባለቤታቸው ባራክ ኦባማ የአመቱ የአለማችን ድንቅ ሰዎች ተብለው መመረጣቸውን ዘ ኢንዲፔንደንት ዘግቧል:: ጋሉፕ የተባለው ተቋም በአሜሪካ የሰራውን ጥናት ጠቅሶ ዘገባው እንዳለው፣ የ55 አመቷ ሚሼል ኦባማ እንዳምናው ሁሉ ዘንድሮም የአለማችን ቁጥር አንድ ድንቅ ሴት ተብለው ተመርጠዋል፡፡
በተቋሙ ዝርዝር ሁለተኛዋ ተደናቂ ሴት ተብለው ስማቸው የተጠቀሰው ቀዳማዊት እመቤት ሜሊኒያ ትራምፕ ሲሆኑ፣ ሄላሪ ክሊንተን እና ኦፕራ ዊንፍሬይ የሶስተኛነት ደረጃን ይዘዋል፡፡ ጋሉፕ ከአሜሪካውያን ድምጽ እየሰበሰበ በየአመቱ ይፋ በሚያደርገው የወንድ ድንቆች ዝርዝር ውስጥ ባለፉት 11 ተከታታይ አመታት በአንደኛ ደረጃ ላይ የዘለቁት የቀድሞው የአሜሪካ ፕሬዚዳንት ባራክ ኦባማ፣ ዘንድሮም ከዶናልድ ትራምፕ ጋር ተመሳሳይ ድምጽ በማግኘት በአንደኛ ደረጃ ላይ መቀመጣቸውን ዘገባው አመልክቷል፡፡
በዘንድሮው የድንቅ ወንዶች ዝርዝር ውስጥ በሁለተኛ ደረጃ ላይ የተቀመጡት የቀድሞው የአሜሪካ ፕሬዚዳንት ጂሚ ካርተር ሲሆኑ፣ የቴስላ ኩባንያ መስራችና ባለቤት ቢሊየነሩ ኤለን ሙስክ እንዲሁም የማይክሮሶፍት መስራችና በጎ አድራጊው ቢሊየነር ቢል ጌትስ በሶስተኛና በአራተኛ ደረጃ ላይ ተቀምጠዋል፡፡

Read 3447 times