Error
  • JUser: :_load: Unable to load user with ID: 62
Tuesday, 01 November 2011 14:08

የኮልድ ፕሌይ ‹ማይሎ ዛይሎቶ› ገበያ ተሟሟቀ

Written by 
Rate this item
(0 votes)

ሰሞኑን ለገበያ የበቃው የኮልድ ፕሌይ አዲስ አልበም ‹ማይሎ ዛይሎቶ› ገበያው እየቀናው እንደሆነ ቢልቦርድ ገለፀ፡፡ በዘመናዊ የሮክ ሙዚቃው የሚታወቀው የኮልድ ፕሌይ ባንድ የመጨረሻ አልበሙን ከ3 ዓመታት በፊት ያሳተመ ሲሆን ሰሞኑን ለገበያ ያበቃው ‹ማይሎ ዛይሎቶ› የባንዱ 5ኛ አልበም ነው ፡፡‹ ማይሎ ዛይሎቶ› በሚል የወጣው የአልበሙ ስያሜ ዋይት ሮዝ በሚል በ1970ዎቹ ተደርጎ ከነበረው ፀረ ናዚ እንቅስቃሴ ጋር በተያያዘ በየቦታው ይፃፉ ከነበሩ መልዕክቶች መወሰዱን የገለፀው የ34 ዓመቱ የባንዱ መሪ ክሪስ ማርቲን ነው፡፡ የኮልድ ፕሌይ አዲስ አልበም ‹ማይሎ ዛይሎቶ› በአማዞን ድረገፅ ዋጋው ተቀንሶ በ3.99 ዶላር ሲሸጥ ገበያው ተሟሙቋል፡፡ አልበሙ ባለፈው ሰኞ ለገበያ በበቃበት የመጀመሪያው ቀን 90ሺ ቅጂ መሸጡን ለማወቅ ተችሏል፡፡

የ20 ዓመት እድሜ ያለው ባንዱ የሮክ ሙዚቃ ስልትን በማነቃቃት እየተወደሰ ሲሆን ከዩ2፤ ሮሊንግ ስቶንና ቦን ጆቪ ተርታ መሰለፍ ጀምሯል፡፡ 
ከአልበሙ “ፓራዳይዝ” የተሰኘው የመጀመርያው ነጠላ ዜማ እንዲሁም “ቲር ድሮፕ” የተሰኘው ሌላ ዘፈን በሰሜን አሜሪካ ተወዳጅ ሆነዋል፡፡ የኮልድ ፕሌይ ባንድ የሪሃና ሙዚቃዎች አድናቂ በመሆኑ ከሷ ጋር ‹ፕሪንሰስ ኦፍ ቻይና› የሚል ዜማ መስራታቸውም ትኩረት አግኝቷል፡፡ “ቪቫ ላቪዳ” የተባለውን የኮልድ ፕሌይ 4ኛ አልበም ተሰርቶ ከሦስት ዓመት በፊት ለገበያ ሲበቃ ባንዱ በዓለም ዙርያ 50 ሚሊዮን ቅጂ ሸጦ ነበር፡፡ ተቀማጭነቱ በለንደን እንግሊዝ ውስጥ የሆነው ኮልድ ፕሌይ የሙዚቃ ባንድ በኦልተርኔቲቭ ሮክና በፖስት ብሪት ፖፕ የሙዚቃ ስልቶች ይታወቃል፡፡ ባንዱ ባለፉት 15 ዓመታት አራት የኤምቲቪ የሙዚቃ አዋርድ፤ 7 የግራሚ ሽልማቶችን ሰብስቧል፡፡

 

Read 2799 times Last modified on Tuesday, 01 November 2011 14:13