በቅርቡ ዜጐች የከተማ ቦታን በሊዝ ብቻ እንዲይዙ የሚያስገድድ አዲስ አዋጅ ታውጇል፡፡ ይህ በህዝብ ተወካዮች ምክር ቤት የታወጀ አዋጅ “ለተሳለጠ፣ ለውጤታማ ለፍትሐዊና ለጤናማ የመሬትና የመሬት ነክ ንብረት ገበያ ልማት፣ ቀጣይነት ለተላበሰ የነጻ ገበያ ሥርዓት መስፋፋት፣ ግልጽና ተጠያቂነት የሰፈነበት የመሬት አስተዳደርና አጠቃቀም እንዲኖር ለማድረግ” እንደታወጀ በዚሁ በአዋጅ ላይ ተጠቅሷል፡፡ ይሁን እንጂ ይህ ስለ አዋጅ አስፈላጊነት የተሰጠው ምክንያትና የአዋጅ ይዘት ሲታዩ ለየቅል ናቸው፡፡

የተከበራችሁ አንባብያን፡- 
ፈረንሳይ ሁለት አመት የተማርኩት በፕሬዚዳንት ደጎል እና ፕሬዚዳንት ኬነዲ ዘመነ መንግስት ነበር፡፡ በአካል ባንገናኝም በግል የማውቃቸው ይመስለኛል፡፡ ከአድናቆት፣ ከአክብሮት እና ከሳቅ ጋር!
የፈረንሳይ አብዮት ተለኮሰ፡፡ ስራ ፈት፣ ጨቋኝ እና በዝባዥ የነበረውን የመሳፍንት፣ የመኳንንት እና የሀብታም ነጋዴዎች መደብ ገለበጠ፡፡ “ደም ሳይፈስ ስርየት የለም” እንደሚባለው፣ Madame La Guillotine (ጊዮቲን) የምትባለው አንገት መቁረጫ ስራዋን በትጋት ስታካሂድ፣ በፓሪስ ጐዳና፣ ቱቦ ደም እንደ ዝናብ ውሀ ፈሰሰ፡፡
ከጥቂት አመታት በኋላ ግን አብዮቱ ተቀለበሰ፣ ጀኔራል ናፖሊዮን ቦናፖርት ንጉሰ ነገስት ሆነ፣ አብዮቱ “ተቀለበሰ”፡፡ የቀድሞው ገዢ መደብ አባላት ክብርና ማእረጋቸው ከነንብረታቸው ተመለሰላቸው፡፡ ከነዚህ ቤተሰቦች አንዱ የጄኔራል ደጎል ቅድመ አያቶች ነበሩ፡፡

በኮተቤ ኮሌጅ ለምዝገባ ዘግይተው አንድ ቀን ያለፈባቸው ተማሪዎች አላግባብ እንደተጉላሉ የሚገልፅ ፅሁፍና ትችት ባለፈው ሳምንት በአንድ ተማሪ መቅረቡ የሚታወስ ሲሆን፤ ትችቱ ቅንነት የጎደለውና የተዛባ ነው በማለት ኮሌጁ አስተባብሏል።ፅሁፉ የተዛቡ መረጃዎችን የሚያቀርበው ከመጀመሪያው አረፍተነገር አንስቶ ነው ብለዋል - የኮሌጁ የሪጅስትራል ክፍል ሀላፊና የአካዳሚክ ም/ዲን ተወካይ አቶ ዘለቀ በየራ። በፅሁፉ የመጀመሪያ አንቀፅ የሰፈረው ሃሳብ እንዲህ ይላል...“...የምዝገባ ቀን ጥቅምት 4 እና 5 መሆኑን፤ ኮሌጁ በማስታወቂያ አስነግሯል...፡፡ ብዙዎችም በእነዚሁ ቀናት ተመዝግበዋል፡፡

ከወር በኋላ በታንዛኒያ አስተናጋጅነት ሊካሄድ የነበረው የሴካፋ ሲኒዬር ቻሌንጅ ካፕ በአንድ ሳምንት እንዲቀደም የፕሮግራም ሽግሽግ መደረጉን የሴካፋ ምክር ቤት አስታወቀ፡፡ የሴካፋ ሻምፒዮና 2011 ታስከር ቻሌንጅ ካፕ ካፕ ሲባል ሰረንጂቲ ብሬወሪስ የተባለው ቢራ ጠማቂ ኩባንያ በስፖንሰርኺፕ 823 ሚሊዮን የታንዛኒያ ሽልንግ ሰሞኑን አበርክቷል፡፡ የስፖንሰርሺፕ ድጋፉ ከባለፋው ዓመት በ50 በመቶ እድገት አሳይቷል፡፡ ከ3 ሳምንት በዃላ ለሚደረገው ሻምፒዮና የምድብ ድልድል በሚቀጥለው ረቡዕ በዳሬሰላም ይወጣል፡፡

ፊፋ የ2011 የዓለም እግር ኳስ ኮከቦችን ለመምረጥ ለሚያካሂደው ምርጫ የቀረቡ እጩዎችን ሰሞኑን አሳወቀ፡፡ በአሸናፊነት የሚመረጡት ኮከቦች ከ3 ወር በኋላ በዙሪክ በሚካሄድ ስነስርዓት የሚሸለሙ ሲሆን በ7 የሽልማት ዘርፎች ዕጩዎቹ ለዓመቱ ኮከብ ተጨዋችነት በወንዶች 23 ተጨዋቾች እጩ ሆነው ሲቀርቡ 3ኛ አሸናፊውን በሚፈልገው የዓለም ምርጥ አሰልጣኝ ምርጫ ላይ 10 ምርጥ አሰልጣኞች የሚወዳደሩ ይሆናል፡፡ የባርሴሎናው ሊዮኔል ሜሲ የክብር ሽልማቱን ለ3ኛ ግዜ በመውሰድ ልዩ ሃትሪክ መስራቱ ከወዲሁ የተረጋገጠ ይመስላል፡፡በፊፋ የዓለም ኮከብ ተጨዋች ምርጫ ታሪክ በተለያዩ ዓመታት 3 ጊዜ ማሸነፍ የቻሉት ቫንባስተን፤ክሩፍ፤ ፕላቲኒ፤ ሮናልዶና ዚኒዲን ዚዳን ናቸው፡፡

በድሪምዎርክስ የተሰሩት “ፑስ ኢን ዘ ቡትስ” በሰሜን አሜሪካ፤ ስቴቨን ስፒልበርግ ዲያሬክት ያደረገው “ዘ አድቬንቸር ኦፍ ቲን ቲን” በመላው ዓለም በሳምንታዊ ገቢያቸው የቦክስ ኦፊስ ደረጃን እየመሩ ነው፡፡ በ130 ሚሊዮን ዶላር በጀት በዲጅታል 3ዲ የተሰራው “ፑስ ኢን ዘ ቡትስ” በታዋቂው የሽሬክ ፊልም ላይ ያለውን የድመት ገፀባህርይ ፕስ መሪ ተዋናይ አድርጓል፡፡ በኮምፒውተር አኒሜሽን የተፈረጀው ፊልሙን በድምፅ መሪ ተዋናይ ሆኖ አንቶኒዮ ባንደራስ ሰርቶታል፡፡ ሳልማ ሃይክ፤ ዛክ ጋልፊናኪስና ቢሊ ቦብ ቶርተንም ተሳትፈውበታል፡ ፑስ የተባለው ድመት በሽሬክ ፊልም ላይ ከሽሬክና ከዶንኪ ጋር ከመገናኘቱ በፊት በነበረው ጀብደኛ ህይወቱ ላይ የሚያጠነጥን ታሪክ ይዟል፡፡

በሐገሪቱ ከመጀመርያዎቹ ትምህርት ቤቶች ተርታ የሚሰለፈውና ቀድሞ ባላባት ትምህርት ቤት በመባል የሚታወቀው የመድሃኒዓለም መሰናዶ ትምህርት ቤት የተመሠረተበትን ሰማንያኛ ዓመት ዛሬ እና ነገ ያከብራል፡፡ ጉለሌ አካባቢ የሚገኘው ትምህርት ቤት ሰማንያኛ ልደቱን የሚያከብረው በሙዚቃ እና በስፖርት ዝግጅቶች ሲሆን በዚሁ ዝግጅት ከትምህርት ቤቱ ማህበረሰብ እና ጥሪ ከተደረገላቸው እንግዶች በተጨማሪ የትምህርት ቤቱ የቀድሞ ተማሪዎች ይገኛሉ፡፡ ከነዚሁ የቀድሞ ተማሪዎች መካከል የ94 ዓመት የእድሜ ባለፀጋ ይገኙበታል፡፡ በት/ቤቱ ከተማሩ የቀድሞ ተማሪዎቹ መካከል ኢንስትራክተር መንግስቱ ወርቁ፣ አርቲስት ዘርይሁን የትምጌታ፣ ካፒቴን አለማየሁ አበበ፣ አንጋፋው ሙዚቀኛ ሙላቱ አስታጥቄ፣ የዓለም ሎሬት ሜትር አርቲስት አፈወርቅ ተክሌ ይገኙበታል፡፡

በጌቱ ገብሩ የተፃፉ ግጥሞች የተካተቱበት “ያቃሰቱ ነፍሶች” የግጥም መፅሐፍ ለንባብ በቃ፡፡ በሰማንያ ገፆቹ 77 ግጥሞች የያዘው መፅሐፍ በ15 ብር እየተሸጠ ነው፡፡ አዘጋጁ የመፅሐፉን መታሰቢያነት ለብላቴን ጌታ ሎሬት ፀጋዬ ገብረመድህን እንዳዋለ ለማወቅ ተችሏል፡፡

በካፍደም ትሬዲንግ ኃ.የተ.የግ ማህበር የተሰራው ካፍደም ሲኒማ ነገ ተመርቆ ሥራ ይጀምራል፡፡ 500 መቀመጫዎች ያሉት እና ቃሊቲ አካባቢ የተቋቋመው ሲኒማ ቤት የኢትዮጵያና የውጭ ሀገር ፊልሞች ለማሳየት ዝግጅት ማጠናቀቁን የትሬዲንጉ ሥራ አስኪያጅ አቶ ኪዳኔ ጥላሁን ገልፀዋል፡፡ የአቃቂ፣ የቃሊቲ እና የሳሪስ አካባቢ ፊልም ተመልካቾችን ፍላጎት ያሟላል ተብሎ የሚጠበቀውን ሲኒማ ቤት ሠርቶ ለማጠናቀቅ ከአንድ አመት በላይ ጊዜ ወስዷል፡፡

ስድስተኛው የኢትዮጵያ ዓለም አቀፍ ፊልም ፌስቲቫል “የባህል አርነት በተሳሰረው ዓለም” በሚል መሪ ቃል በመጪው ሰኞ በአዲስ አበባ ማዘጋጃ ቤት ትያትርና ባህል አዳራሽ ከምሽቱ 11 ሰአት ይከፈታል፡፡ በሳምንቱ ሰኞ የሚዘጋው ፌስቲቫል ከባህል አዳራሹ ሌላ፣ በብሔራዊ ትያትር፣ በአምባሳደር ሲኒማ፣ በሲኒማ አምፔር፣ በሩስያ የሳይንስ እና ባህል ማዕከል፣ በጣሊያን የባህል ማዕከል እና በአሜሪካ ኤምባሲ ይካሄዳል፡፡ ፌስቲቫሉ አለምአቀፍ ፊልም ስራዎችን በማስተናገድ ለፊልም ሰሪዎች የልምድ ልውውጥ እንደሚያደርግ ይጠበቃል፡፡