Administrator

Administrator

Saturday, 17 August 2019 14:24

የተፈጥሮ ጥግ


 • ተፈጥሮን ተመልክቼ፣ ያየሁትን እንደ መሳል የሚያስደስተኝ ነገር የለም፡፡
ሄነሪ ሩሶ
• በእያንዳንዱ ተራራ ላይ መንገድ አለ፤ ከሸለቆው ሆኖ ላይታይ ቢችልም፡፡
ቲዎዶሮ ሮችኬ
• ተራሮች እየተጣሩ ነው፤ስለዚህ ወደዚያው መሄድ አለብኝ፡፡
ጆን ሙይር
• ቀለማት የተፈጥሮ ፈገግታዎች ናቸው፡፡
ሌይን ሃንት
• ተፈጥሮ፤ የወደዳትን ልብ ፈጽሞ አትከዳም፡፡
ዊሊያም ዎርድስ ዎርዝ
• ማር ፍለጋ ስትሄድ፣ በንቦች እንደምትነደፍ መገመት አለብህ፡፡
ጆሴፍ ጆበርት
• በእናት ተፈጥሮ የማትደነቅ ከሆነ፣ አንዳች ችግር አለብህ ማለት ነው፡፡
አሌክስ ትሬቤክ
• ተፈጥሮ፤ የእግዚአብሔር ጥበብ ናት፡፡
ዳንቴ ኢሊግሂሪ
• ምድር በአበቦች ውስጥ ትስቃለች፡፡
ራልፍ ዋልዶ ኢመርሰን
• ምድርን ከአያቶቻችን አልወረስነውም፤ ከልጆቻችን ነው የተዋስነው፡፡
የአሜሪካውያን አባባል
• በተፈጥሮ ሁሉም ነገር የሚከናወነው በዕድል ሳይሆን በሕግ ነው፡፡
ራልፍ ዋልዶ ኢመርሰን
• ሃቀኛ ሁን፤ ከሃቅ ጋር የምትወግን ተፈጥሮ ብቻ ናት፡፡
አዶልፍ ሉስ
• ምድርን ስንፈውስ፣ ራሳችንን እንፈውሳለን፡፡
ዴቪድ ኦር
• ከአንገቴ ላይ አልማዝ ይልቅ፣ የጠረጴዛዬን
ጽጌረዳ አበባ እመ


Saturday, 17 August 2019 14:22

የግጥም ጥግ

              የቁመራ ኑሮ

 ሁለት ገጽታ
ያንድ ሳንቲም
አንበሳና ሰው
አይገናኝም፡፡
አንበሳና ሰው
መለያየቱን
ጠይቅ በቁማር
የተበሉቱን፡፡
ይልቅ አብሮነት
አንድነት ካሉ
በይና ተበይ
አንድ ይሆናሉ፡፡
ሁሉም ገበያ፣
ሁሉም መርካቶ፣ ይሻገራሉ፡፡
ምን አለሽ ተራ
ምን ነካሽ ተራ
ምን ሰማሽ ተራ
ምን ሠራሽ ተራ
ምን አየሽ ተራ
ምን ገዛሽ ተራ
አለቅነ በሠበራ ሽጉጥ
              መዘክር ግርማ
           “ወደ መንገድ ሰዎች”


Saturday, 17 August 2019 14:21

የቀልድ ጥግ


         ሚስት፡- አዲሱ ጎረቤታችን፣ ሁልጊዜ ወደ ሥራው ሲሄድ፣ ሚስቱን ይስማታል፡፡ አንተስ ለምን እንደዛ አታደርግም?
 ባል፡- እንዴት? ጭራሽ አላውቃትም እኮ!
* * * * * *
ሚስት፡- ውዴ፤ ያንን ጣጤ ታየዋለህ?--- ባል፡- እ --- ማነው እሱ?
ሚስት፡- የዛሬ 10 ዓመት ካልተጋባን ብሎኝ፣
ዞር በል ያልኩት ሰው ነው፡፡
ባል፡- ለዚህ ነዋ እስከ ዛሬ በደስታ የሚጠጣው!

Saturday, 17 August 2019 14:19

የፖለቲካ ጥግ

 (ስለ መንግስት)

• የአብዛኞቹ መንግስታት መሰረት ፍርሃት ነው፡፡
ጆን አዳምስ
• መንግስታት በገበያው ውስጥ ጣልቃ መግባት የለባቸውም፡፡
ፍራንክ ቫርጎ
• ሕዝብ መንግስትን መፍራት የለበትም፤ መንግስት ነው ሕዝቡን መፍራት ያለበት፡፡
አላን ሙር
• የትኛው ነው ምርጥ መንግስት? ራሳችንን ማስተዳደር የሚያስተምረን፡፡
ጆሃን ዎልፍጋንግ ቮን ጎተ
• መጥፎ መንግስታት ሁሌም ይዋሻሉ፤ እውነቱን መናገር ሃቀኝነትና ድፍረትን ይጠይቃልና፡፡
ሜህሜት ሙራት አይልዳን
• እንድትዋሽ የምትፈልግ ከሆነ፣ መንግስት የሚለውን አምነህ ተቀበል፡፡
ስቲቨን ማጊ
• የማለም ነፃነት፣ በመንግስት ገና አልተወሰደም፡፡
ኦሾ
• ዜጎች ስህተት ውስጥ እንዳይወድቁ መጠበቅ የመንግስት ሥራ አይደለም፤ መንግስት ስህተት ውስጥ እንዳይገባ መጠበቅ የዜጎች ሥራ ነው፡፡
ዳኛ ሮበርት ጃክሰን
• አገሩን የሚወድ ሰው ተግባር፣ አገሩን ከመንግስት መጠበቅ ነው፡፡
ቶማስ ፓይኔ
• መንግስት እኛ ነን፣ እኛ ነን መንግስት ማለት - እናንተ እና እኔ፡፡
ቲዎዶር ሩስቬልት
• ለመንግስት ገንዘብና ሥልጣን መስጠት፣ ለታዳጊ ልጆች ውስኪና የመኪና ቁልፍ እንደ መስጠት ነው፡፡
ፒ.ጄ. ኦ’ሮዩርኬ
• ሁሉም በመንግስት ገበታ ላይ መቅረብ ይፈልጋል፤ ማንም ግን ምግቡን ማሰናዳት አይፈልግም፡፡
ዌርነር ፊንክ
• ሕዝብ እውነቱን ይወቀው፤ ያኔ አገሪቱ ሰላም ትሆናለች፡፡
አብርሃም ሊንከን

 የኢቦላ ቫይረስ ተጠቂዎችን 90 በመቶ እንደሚያድን የተነገረለትና ባለፈው ማክሰኞ በዲሞክራቲክ ሪፐብሊክ ኮንጎ ይፋ የተደረገው አዲሱ የኢቦላ መድሃኒት፣ በቫይረሱ ተጠቅተው በማዕከል ውስጥ የነበሩ እናትና ልጅን ሙሉ ለሙሉ መፈወሱን ሮይተርስ ዘግቧል፡፡
የአለም የጤና ድርጅት ረቡዕ ዕለት ይፋ ያደረገውን መረጃ ጠቅሶ ዘገባው እንዳለው፣ በኢቦላ ቫይረስ ተጠቅተው ጎማ በተባለው አካባቢ በህክምና ማዕከል የነበሩና በአዲሱ መድሃኒት ህክምና የተደረገላቸው ሁለት የአገሪቱ ዜጎች ሙሉ ለሙሉ ተፈውሰው ከቤተሰቦቻቸው ጋር ተቀላቅለዋል፡፡
ኤምኤቢ114 የተባለውና በአሜሪካ ሳይንቲስቶች የተሰራው አዲሱ የኢቦላ መድሃኒት ውጤታማ መሆኑ መረጋገጡን ተከትሎ፣ በቫይረሱ የተጠቁ ሌሎች ሰዎችን በአፋጣኝ ለማከም ርብርብ እየተደረገ እንደሚገኝም ዘገባው አመልክቷል፡፡ በአዲሱ መድሃኒት ከህመማቸው የተፈወሱት እናትና ልጅ፣ መድሃኒቱ በተሰጣቸው በአጭር ጊዜ ውስጥ ድነው ወደ ቤታቸው መመለሳቸውን የጠቆመው ዘገባው፤ ተስፋ ቆርጠው የነበሩ ቤተሰቦቻቸውና የአካባቢው ነዋሪዎች በደስታ ደማቅ አቀባበል እንዳደረጉላቸውም ገልጧል፡፡
የአዲሱ መድሃኒት መገኘት በኢቦላ ሳቢያ ወደ ከፋ የጤና ቀውስ ልትገባ ከጫፍ ደርሳ ለነበረችው ዲሞክራቲክ ሪፐብሊክ ኮንጎ ብቻ ሳይሆን ለአጎራባች አገራትም ትልቅ የምስራች መሆኑን የጠቆመው ዘገባው፤ኢቦላ ባለፉት 12 ወራት ጊዜ ውስጥ በኮንጎ ከ1 ሺህ 900 በላይ ሰዎችን ለሞት መዳረጉንም አስታውሷል፡፡

 በ2019 የፈረንጆች አመት አማካይ አለማቀፍ የዋጋ ግሽበት 3.6 በመቶ መድረሱን የጠቆመው ወርልድ ኢኮኖሚክ ፎረም፤ ቬንዙዌላ ከአለማችን አገራት እጅግ ከፍተኛው የሆነውን የ282 ሺህ 973 በመቶ የዋጋ ግሽበት ማስመዝገቧን ሰሞኑን ባወጣው መረጃ አስታውቋል፡፡
በተመሳሳይ ጊዜ ከአለማችን አገራት ሁለተኛውን እጅግ ከፍተኛ የዋጋ ግሽበት ያስመዘገበችው ዚምባቡዌ መሆኗን የጠቆመው የድርጅቱ ሪፖርት፤ በመጋቢት ወር የአገሪቱ የዋጋ ግሽበት 176 በመቶ ያህል ደርሶ እንደነበር አመልክቷል፡፡
ደቡብ ሱዳን በ56 በመቶ፣ አርጀንቲና በ56 በመቶ፣ ኢራን በ50.4 በመቶ፣ ሱዳን በ48 በመቶ፣ ላይቤሪያ በ23.3 በመቶ፣ ሃይቲ በ18 በመቶ፣ ሴራሊዮን በ17.46 በመቶ፣ አንጎላ በ17 በመቶ የዋጋ ግሽበት እንደ ቅደም ተከተላቸው፣ ከሶስተኛ እስከ አስረኛ ያለውን ደረጃ መያዛቸውንም ሪፖርቱ ጠቁሟል፡፡

  ታዋቂው የፈረንሳይ የመኪና አምራች ኩባንያ ቡጋቲ፣ እያመረታት የምትገኘውና ገና ተሰርታ ያላለቀችው ላ ቮይቸር ኖሬ የተሰኘችዋ የአለማችን እጅግ ውዷ መኪና፤ 18.68 ሚሊዮን ዶላር መሸጧን ሲኤንቢኒውስ ዘግቧል፡፡
1ሺህ 500 የፈረስ ጉልበት ያላትን ይህቺን እጅግ ዘመናዊ የቅንጦት መኪና፣ ክብረወሰን ባስመዘገበ ውድ ዋጋ የገዛው ግለሰብ ማንነት ይፋ ባይደረግም፣ አንዳንድ ውስጥ አዋቂዎች ግን የአለማችን የእግር ኳስ ኮከብ ክርስቲያኖ ሮናልዶ ሳይሆን አይቀርም ማለታቸውን ዘገባው አመልክቷል፡፡ ግለሰቡ በልዩ ሁኔታ የተመረተችዋን ብቸኛ መኪና በእጁ ለማስገባት ክፍያውን ቢፈጽምም መኪናዋን ለመረከብ ግን ሁለት አመት ከመንፈቅ ያህል ጊዜ መጠበቅ እንደሚኖርበት ኩባንያው ባወጣው መግለጫ አስታውቋል፡፡


          በ2019 የፈረንጆች አመት በተጠቃሚዎች ቁጥርና በብዛት በመጎብኘት ቀዳሚነትን ከያዙ የአለማችን ምርጥ 100 ድረገጾች መካከል ጎግል፣ የአንደኛነት ደረጃን መያዙን ቴክኒውስ ዘግቧል፡፡ ሲሚላርዌብ የተሰኘው አለማቀፍ ተቋም ሰሞኑን ባወጣው የአመቱ ምርጥ 100 ድረገጾች ሪፖርት መሰረት፤ ጎግል በአመቱ፣ በየወሩ፣ በአማካይ 60.49 ቢሊዮን ጊዜ ተጎብኝቷል፡፡
በየወሩ በአማካይ 24.31 ቢሊዮን ጊዜ እንደተጎበኘ የተነገረለት ዩቲዩብ በበኩሉ፤ በአመቱ የምርጥ ድረገጾች ዝርዝር ውስጥ የሁለተኛነት ደረጃን ሲይዝ፣ ፌስቡክ 19.98 ቢሊዮን ጊዜ ያህል በመጎብኘት በሶስተኛ ደረጃ ላይ ተቀምጧል፡፡
ባኢዱ የተሰኘው የቻይና ድረገጽ 9.77 ቢሊዮን፣ ዊኪፔዲያ 4.69 ቢሊዮን፣ ትዊተር 3.92 ቢሊዮን፣ ያሁ 3.74 ቢሊዮን፣ ፓርንሃብ 3.36 ቢሊዮን፣ ኢንስታግራም 3.21 ቢሊዮን፣ ኤክስቪዲዮስ 3.19 ቢሊዮን ጊዜያት በመጎብኘት እንደ ቅደም ተከተላቸው፣ ከአራተኛ እስከ አስረኛ ያለውን ደረጃ የያዙ ድረገጾች መሆናቸውንም ዘገባው አመልክቷል፡፡
በዝርዝሩ ውስጥ የተካተቱት 100 ድረገጾች ባለፈው ሰኔ ወር ብቻ በድምሩ 206 ቢሊዮን ጊዜ ያህል መጎብኘታቸውን የጠቆመው ዘገባው፤ በአመቱ የአለማችን ምርጥ 100 ድረገጾች ዝርዝር ውስጥ ለመካተት በአንድ ወር ጊዜ ውስጥ ቢያንስ ለ350 ሚሊዮን ጊዜያት ያህል በተጠቃሚዎች መጎብኘት እንዳለበት መነገሩን ገልጧል፡፡
ከአመቱ የአለማችን 100 ምርጥ ድረገጾች መካከል 60 ያህሉ የአሜሪካ ኩባንያዎች መሆናቸውን የጠቆመው ዘገባው፤15ቱ የቻይና ኩባንያዎች መሆናቸውንም አክሎ ገልጧል፡፡

 የቀድሞው የዚምባቡዌ ፕሬዚዳንት ሮበርት ሙጋቤ፣የአገሪቱ ጀግኖች አስከሬን በክብር በሚያርፍበት የብሔራዊ ጀግኖችና ሰማዕታት የመቃብር ስፍራ እንዳትቀብሩኝ ሲሉ መናዘዛቸውን ኦል አፍሪካን ኒውስ ዘግቧል፡፡
በሲንጋፖር በሚገኝ ሆስፒታል ህክምናቸውን በመከታተል ላይ የሚገኙት የ95 አመቱ ሮበርት ሙጋቤ፤ሰሞኑን ለቤተሰቦቻቸው ባስተላለፉት የኑዛዜ ቃል፣ ፓርቲያቸው ዛኑ ፒኤፍ፣ ከዚህ ቀደም እንደሚያደርገው ሁሉ፣ እሳቸው ከዚህ አለም በሞት ሲለዩ፣ የክብር የቀብር ስነስርዓት እንዳያደርግላቸውና በጀግኖች የመቃብር ስፍራ እንዳይቀበሩ መናዘዛቸውን ዘገባው ጠቁሟል፡፡
ሙጋቤ የወቅቱን የአገሪቱ ፕሬዚዳንት ኤመርሰን ምናንግዋን ስም በመጥቀስ፣”ከአስከሬኔ ፊት ቆሞ የይምሰል ክብር በመስጠት፣ የግል ዝናውን እንዲያጎለብትብኝ አልፈልግም” ማለታቸውንም ዘገባው አመልክቷል፡፡
ቤተሰቦቻቸውን ጠቅሶ ዘገባው እንዳለው፤ ሙጋቤ አስከሬናቸው ሞሾናላንድ ዌስት ዲስትሪክት በተባለው የአገሪቱ አውራጃ ውስጥ  በሚገኘው የእናታቸው የመቃብር ስፍራ እንዲያርፍ ኑዛዜ ፈጽመዋል፡፡
ሙጋቤን ላለማስቀየምና በኤመርሰን ምናንግዋ መንግስት ላይ ያላቸውን ኩርፊያ ለማረሳሳት በሚል ሙሉ ወጪያቸውን በመሸፈን ሙጋቤን  በማሳከም ላይ የሚገኙት የመንግስት ባለስልጣናት፤ ሙጋቤ በብሔራዊ ጀግና ክብር አልቀበርም ብለው መናዘዛቸውን ከሰሙ በኋላ  ክፉኛ መደናገጣቸውንም ዘገባው አመልክቷል፡፡

 ነዋሪነታችን ኒውዮርክ በአሜሪካ ሲሆን፣ መንግስት ያወጣውን ምቹ የኢንቨስትመንት ፖሊሲ በማሰብ፣ ከልጅነት እስከ እውቀት ያፈራነው ሀብታችንን፤ እውቀታችንን፤ ጉልበታችንንና ጊዜያችንን በአገራችን ላይ ኢንቨስት አድርገን፣ የተለያዩ ስራዎችን በመስራት ለብዙ ዜጎች የስራ እድል ፈጥረን እንገኛለን፡፡
ከኢንቨስትመንታችን አንዱ፣ በቢሾፍቱ ከተማ የሚገኘው ‹‹ጌት እሸት ዲተርጀንት ማምረቻና ማሸጊያ ኃላ/የተ/የግል ማህበር›› ነው፡፡ የድርጅቱን ማኔጅመንት እንስራላችሁ በሚል፣ በደላላ አማካይነት በውቀቱ ታደሰ የሚባል ግለሰብ ቢመጣም፣ በውሉ መሰረት ባለመፈጸሙ ድርጅቱን ለቆ ወጥቶ ነበር፡፡
ሆኖም ምንም ገንዘብ ሳይኖረው፣ የጌት እሸት ዲተርጀንት ማምረቻና ማሸጊያን ኃላ/የተ/የግል ማህበርን ሼር ሙሉ በሙሉ ሽጡልን የሚል ጥያቄ መጣ፡፡ በ22.5 ሚሊዮን ብር ሂሳብ የሽያጭ እና ግዥ የሚል ውል ራሳቸው አዘጋጅተው ምንም ገንዘብ ሳይከፍሉን፣ ወደፊት እከፍላለን፣ ለባንክ የሚከፈለውንም እዳ እንሸፍናለን በማለት በእምነት ተፈራርመን ነበር፡፡
ነገር ግን በውሉ መሰረት ሊፈጽሙልን ባለመቻላቸው ለፌደራል ከፍተኛ ፍርድ ቤት ክስ አቀረብን፡፡ ጉዳዩ በፍ/ቤት እየታየ እያለ፣ እኛ ወደ ውጭ አገር በሄድንበት ጊዜ፣ ከበውቀቱ ታደሰ ጋር በቡድን ተደራጅተው የሚንቀሳቀሱ ግለሰቦች፣ ጉዳዩን ለማየት ስልጣን ለሌለው የቢሾፍቱ ከተማ ወረዳ ፍርድ ቤት ‹‹ሁከት ይወገድልኝ›› የሚል ሀሰተኛ ክስ በማቅረብ እኔ እንድታሰር ሴራ ጀመሩ፡፡ 8290 ካሬ ሜትር ቦታ በካርታ ቁጥር 83/27፣ በቀን 1996 ዓ.ም የተሰጠ ሆኖ እያለ፣ ከዚህ አጠገብ የሚገኝ፣ በካርታ ቁጥር 83/6፣ በቀን 1983 ዓ.ም በተሰጠ 3015 ካሬ ሜትር ቦታ በመጠቀም ነው የሀሰት ክስ ያቀነባበሩት፡፡ ሀሰተኛውን ክስ በመጠቀም፣ ትዕዛዝ እንዲጻፍላቸው፣ ካደረጉ በኋላ የግል ፋብሪካዬን ይጠብቁ የነበሩትን ሰራተኞች በሀይል በማባረር፤ የሁለቱን ግቢዎች አጥር አፍርሰው በማቀላቀል፣ በግቢ ውስጥ የነበረ ከፍተኛ ዋጋ ያላቸው ንብረቶችን በሙሉ በራሳቸው ስልጣን በመቆጣጠር፣ ሌላ አዲስ የጥበቃ ድርጅትም በመቅጠር ንብረቶቼን ለ6 ዓመታት ይዘዋል፡፡
ይህም ብቻ አይደለም የቢፋ ኢትዮጵያ ኃላ/የተ/የግል ማኅበር የተሰኘ ከኦስትሪያ ኩባንያ ጋር በጋራ የተቋቋመ 3ኛ ፋብሪካችን፣ በመብራት ሃይል እጥረት ችግር፣ ከአጠገቡ ካለው የግል ፋብሪካዬ መብራት ስቦ ሲሰራ ቢቆይም፣ በውቀቱ ታደሰ ያቧደናቸው ግለሰቦች መብራት በማቋረጥ ከ3 ዓመት በላይ የፋብሪካ ስራ እንዲቋረጥ አድርገዋል፡፡
እኛም ስልጣን የሌለው የወረዳው ፍርድ ቤት የሰጠው ትእዛዝም ቢሆንም፤ የሚመለከተው የጌት እሸት ዲተርጀንት ማምረቻና ማሸጊያ ኃላ/የተ/የግል ማኅበርን እንጂ የኢንጅነር ጌታቸው እሸቱን በ3015 ካሬ ሜትር ላይ የዋለውን የግል ፋብሪካዬን ስላልሆነ፣ ፖሊሶች ከሕግ አግባብ ውጪ ንብረታችንን አሳልፈው ለሌላ ግለሰቦች ሰጥተውብናል በሚል የተፈጸመውን ስህተት እንዲያርሙና ንብረቴን እንዲመልሱልኝ፣ ለኦሮሚያ ፖሊስ ኮሚሽን አቤቱታ አቅርበን፣ በቢሾፍቱ ከተማ ፖሊስ እንዲጣራ ትእዛዝ ተሰጥቶ ነበር፡፡ ጉዳዩን ለመከታተል ከአዲስ አበባ ወደ ቢሾፍቱ በምሄድበት ጊዜ ስልጣን የሌለው የወረዳው ፍርድ ቤት በሰጠው የእስር ማዘዣ መሰረት፤ የፍርድ ቤት ትእዛዝ ነው በሚል ያሬድ ቤተክርስቲያን አጠገብ ስደርስ የላንቻ ፖሊሶች መኪናዬን አስቁመው ‹‹የፍርድ ቤት ትዕዛዝ ስለሆነ ወደ ላንቻ ፖሊስ ጣቢያ ሂድ ይሉኛል እኔም ምን ስላጠፋሁ ነው?›› ብዬ ስከራከራቸው፤ የፌዴራል ፖሊሶችን ጠርተው፣ ከመኪናዬ አስገድደው እንድወርድ ተደርጎ በአደባባይ ሕዝብ እያየ በላንቻ ፖሊስና በፌደራል ፖሊስ ታጅቤ፣ በእግሬ ላንቻ ፖሊስ ጣቢያ ከተወሰድኩ በኋላ ‹‹ጉዳዩ ቢሾፍቱ ፖሊስ ጣቢያ ያዘዘው ስለሆነ ወደ ቢሾፍቱ ፖሊስ ጣቢያ ሂድ›› ተብዬ በፖሊስ ታጅቤ፣ ለቢሾፍቱ ፖሊስ ጣቢያ አስረክበውኝ ለአንድ ቀን ከታሰርኩ በኋላ በማግስቱ በፍርድ ቤት ትእዛዝ በብር 5000 ዋስ ተለቀኩ፡፡
ይህም ድርጊት ከሕግ አግባብ ውጭ የተፈጸመ መሆኑን ለሚመለከታቸው መስሪያ ቤቶች አመልክተን፤ አቤቱታችን በኦሮሚያ ፍትህ ቢሮ ሲታይ ቆይቶ፣ ፌደራል ከፍተኛ ፍርድ ቤት ከሚታየው ጉዳይ ጋር የተያያዘ ስለሆነ፣ የፍ/ቤቱ ጉዳይ ውሳኔ ከተሰጠ በኋላ አቤቱታው የሚታይ ነው ተባለ፡፡
በውቀቱ ታደሰም ‹‹በ3015 ካሬ ሜትር ላይ ያለውን የግል ፋብሪካዬን ሸጠናል ብላችሁ ካልፈረማችሁልኝ፣ እየዋሸሁ አሳስራችኋለሁ›› በማለት በእኔና በባለቤቴ ላይ ሲዝትብንና ሲያስፈራራን ነበር፣ እሱና ያቧደናቸው ግለሰቦች፣ የተለያዩ የሀሰት ወንጀሎችን እየፈጠሩ እንድታሰር በማድረግ አሰቃይተውኛል፡፡ ከውጭ አገር ህክምና ወደ አገሬ ስመለስ፣ ኤርፖርት ላይ ተይዤ እንድታሰርም አደርገዋል፡፡ ከአንድ አመት በላይ ከአገር እንዳልወጣ አሳግደውኛል፡፡ ባለቤቴ ጉዳዩን እንዳትከታተል የሀሰት ወንጀል እየከሰሱ ለማሳሰር በፖሊስ ብዙ እያሳደዷት ነበር፡፡
ይህንኑ ጠቅሰን ክስ ስናቀርብ፣ የኛን ክስ ተቀባይነት የለውም በሚል ውድቅ እየተደረገ፤ እኔና ሰራተኞች ስራ እንዳንሰራ፣ እኔና ቤተሰቤ ለ6 ዓመታት ጊዜአችንን ፍርድ ቤት በመመላለስ በከፍተኛ ስቃይና እንግልት ስናሳልፍ፣ በዚሁ የሕግ ጥሰትና ግፍ ምክንያት በብስጭት ታምሜ፣ በውጭ አገር በተከታታይ ህክምና ላይ እገኛለሁ፡፡
የሽያጭ ውሉን በተመለከተ በፌደራል ከፍተኛ ፍርድ ቤት ክስ ቀርቦ እየታየ እያለ፣ የበውቀቱ ታደሰ ቡድን በጎን የምስራቅ ሸዋ ዞን ከፍተኛ ፍርድ ቤትን በመጠቀም፣ የፌደራል ከፍተኛ ፍርድ ቤት የሰጠው እግድ ተሽሮ፣ የታገዱት ንብረቶች ስም እንዲዞርለት አስወስኗል፡፡ ይሄን በተንኮል የተገኘ ውሳኔ በመቃወም በይግባኝ አቤት ብለን፣ የኦሮሚያ ጠቅላይ ፍርድ ቤት በመዝገብ ቁጥር 189908 06/09/2007 በሰጠው ውሳኔ ተሽሯል፡፡
ነገር ግን፣ እነኝህ ግለሰቦች ህግ ሊገዛቸው አልቻለም፡፡ የፌዴራል ከፍተኛው ፍርድ ቤት ክስ የቀረበባቸው ንብረቶች፣ እንዳይሸጡ እንዳይለወጡ በኮ/መ/ቁ153204 በ03/11/2006 የተሰጠውን የፍርድ ቤት እግድ በመጣስ፣ በራሳቸው ስልጣን በግቢ ውስጥ ያሉ ቤቶችን አፍርሰው፣ ሌሎችንም ንብረቶች በጨረታ ሲሸጡ፣ በወንጀል ከሰናቸው ጉዳዩ በቢሾፍቱ ከተማ ፖሊስ እጅ ይገኛል፡፡
የፌደራል ከፍተኛው ፍርድ ቤት የቀረበለትን ማስረጃ መርምሮ በኮ/መ/ቁ153204 ውሳኔ ሲሰጥ፣ በ3015 ካሬ ሜትር ላይ የሚገኘውን ከሽያጭ ውሉ ውጭ የሆነውን የግል ፋብሪካዬን፣ በኦሮሚያ ከፍተኛ ፍርድ ቤት የተሰጠውን የተሻረ ውሳኔ በመጥቀስ፣ ለእነርሱ ወስኖ ከውሉ ከብር 22.5 ሚሊዮን ላይ ተቀናሽ ሂሳቦችን ቀንሶ ብር 17.6 ሚሊዮን እንዲከፍሉን ውሳኔ ሰጠ፡፡
ግምቱ ከብር 60 ሚሊዮን በላይ በሆነው በ3015 ካሬ ሜትር ላይ ባለው የግል ፋብሪካዬ ላይ የተሰጠውን ውሳኔ በመቃወም፣ ለፌደራል ጠቅላይ ፍርድ ቤት አቤቱታ አቅርበን በመዝ/ቁ155684 በቀን 24/01/2011 ዓ.ም በሰጠው ውሳኔ፣ ያልተከፈለን ብር 17.6 ሚሊዮን እንዲከፍሉንና በ3015 ካሬ ሜትር ላይ ያለው የግል ፋብሪካዬን በተመለከተ ከሽያጩ ጋር ግንኙነት የሌለው መሆኑን በማረጋገጥ፣ የኢንጅነር ጌታቸው እሸቱ ንብረት መሆኑን ወስኗል፡፡
የፌደራል ጠቅላይ ፍርድ ቤት ውሳኔ
ሆኖም አፈጻጸም ላይ እያለን፣ እነ በውቀቱ ታደሰ በውሳኔው ቅር ተሰኝተናል በሚል ለፌደራል ጠቅላይ ፍርድ ቤት ሰበር ሰሚ ችሎት አመልክተው፣ አፈጻጸሙን አሳግደው ነበር፡፡ የፌደራል ጠቅላይ ፍርድ ቤት ሰበር ሰሚ ችሎት ግን፣ በመዝ/ቁ 166294 በሚያዝያ 30 ቀን 2011 ዓ.ም በሰጠው ውሳኔ፤ የፌደራል ጠቅላይ ፍርድ ቤት፣ በመዝ/ቁ 155684 በቀን 24/01/2011 ዓ.ም የሰጠውን ውሳኔ አጽድቆልናል፡፡
 አሁን ባለው በአዲሱ የለውጥ ሥርዓት፣ ፍትህ አግኝተን የተወሰነውንም ገንዘብ መክፈል ስለማይችሉ ራሱ ውል የተደረገበት ማኅበር ተሸጦ እንዲከፍለን ተወስኖ፣ በአፈጻጸም ላይ እያለን እውነታው አልዋጥ ያላቸው እነ በውቀቱ ታደሰ፣ አሁንም ለኢፌዲሪ የህገ መንግስት አጣሪ ጉባኤ የጠ/ፍ/ቤት ውሳኔ ከህገ መንግስቱ ጋር ይቃረናል በሚል ባቀረበው አቤቱታ መሰረት፣ ውሳኔ እስከሚሰጥበት ድረስ አፈጻጸሙ ለጊዜው እንዲታገድ ተደርጓል፡፡
በበኩላችን መንግስት አምኖባቸው ሕግን ጠንቅቀው የሚያውቁ፣ በአገሪቱ የመጨረሻውን ፍትህ እንዲሰጡ የተቀመጡትን የተማሩ ዳኞች፣ በየደረጃው ፍርድ ቤቶች የሰጡት ውሳኔ ከህገ መንግስቱ ጋር ይቃረናል ተብሎ የቀረበብን አቤቱታ በአጭር ጊዜ ተመርምሮ እግዱ እንዲነሳልን አመልክተን በመጠባበቅ ላይ እንገኛለን፡፡
ነገር ግን የእነ በውቀቱ ታደሰ ቡድን፣ በተለይ አሰፋ አዳነ የሚባለው ግለሰብ፣ የፌደራል ጠቅላይ ፍርድ ቤቶች የሰጡትን ትክክለኛና ፍትሀዊ የሆነ ውሳኔ በራሱ መንገድ የተሳሳተ ትርጉም እየሰጠ፣ በእኛና በፍርድ ቤቱ ላይ የሀሰት ወሬ በተለያዩ ጋዜጦች እያሰራጨ ይገኛል፡፡
ከሀሰተኛ ወሬዎቹም መካከል በአዲስ አድማስ 15/11/2011 ዓ.ም ‹‹ፋብሪካው ያንተ ነው፤ ያረፈበት ቦታ ግን ያንተ አይደለም›› በሚል ያወጣው እውነታውን ሸፍኖ ሀሰተኛ ተራ ወሬ ሲሆን፣ 3015 ካሬ ሜትር ላይ ያለው ፋብሪካንም በተመለከተ ከውሉ ጋር ግንኙነት የሌለው፣ የራሱ ካርታና ፕላን ያለው፣ ግብር የሚከፈልበት እራሱን የቻለ የኢንጅነር ጌታቸው እሸቱ ኬሚካል ኢንዱስትሪ ንብረት ነው፡፡ ይህም ማስረጃዎቹ ለፍርድ ቤት ቀርበው፣ ተመርምሮና ተጣርቶ የኢንጅነር ጌታቸው እሸቱ መሆኑ ውሳኔ የተሰጠበት ነው፡፡
ቀጣሪውን ለማስደሰት ሲል በተለያዩ ጋዜጦች በተከፈተው የወሬ ዘመቻ፣ ፍርድ ቤት የሰጠውን ውሳኔ ለማንቋሸሽ፣ ከእውነት የራቀ ሀሰተኛ ትርጉም እየሰጠ የሚነዛው ወሬ፣ ከተማረ ሰው የማይጠበቅ አሳፋሪ ሀሰተኛ ወሬ ነው፡፡
በኛ በኩል ለ6 ዓመታት ከፍተኛ ኪሳራና እንግልት እየደረሰብን፣ ተስፋ ሳንቆርጥ ፍትህን ፍለጋ በትግስት ቆይተን፣ አሁን በተፈጠረው የተሻለ አስተዳደር ምክንያት፣ ፍርድ ቤቶች ያለ ተጽዕኖ እንዲሰሩ በተፈጠረው እድል፣ የኢፌዲሪ ጠቅላይ ፍርድ ቤትና ሰበር ሰሚ ችሎት የሰጡት ውሳኔ፣ ሕገ መንግስቱን ያገናዘበ በአገሪቱ ላይ ፍትህ መኖሩን የሚያሳይ ትክክለኛ ፍትሀዊ ውሳኔ ሲሆን ለፍርድ ቤቶቹም ያለንን አክብሮት እየገለጽን፣ ህብረተሰቡ በሚያደርጋቸው ውሎች ላይ በቅድሚያ ትኩረት እንዲያደርግና ውል ከመፈጸሙ በፊት የተለያዩ የህግ አማካሪዎችን እንዲያማክር እናስገነዝባለን፡፡     


Page 2 of 441