የባህልና ስፖርት ሚኒስቴር ከጅማ ዩኒቨርሲቲ ጋር በመሆን ባቀረበው አዲስ ጥናት መሠረት፣ ስፖርት፣ ባህል እና ኪነ-ጥበብ ለሀገሪቱ ዓመታዊ ኢኮኖሚ 380.40 ቢሊዮን ብር (2.521%) አስተዋጽኦ ያደርጋሉ።

በጥናቱ ከተሳተፉት መካከል ዶክተር ሳምሶን ወንድይራድ እንደተናገሩት፣ የስፖርት ዘርፍ አክሳሪ ሳይሆን አትራፊ ነው፤ በዘርፉ ወጪ በሚደረግ በእያንዳንዱ 1 ብር ላይ 1 ብር ከ40 ሳንቲም ገቢ ይገኛል።

የባህልና ስፖርት ሚኒስትሯ ሸዊት ሻንካ ጥናቱ በቀጣይ 3 ዓመታት ስፖርቱን ለመምራት ላቀደው ስትራቴጂ ትልቅ ድጋፍ እንደሚሆን ገልጸዋል። ከኢኮኖሚ ጥቅም ባሻገር፣ የስፖርት እና የባህል ውድድሮች ህዝብን ከህዝብ በማቀራረብ እና ሀገራዊ አንድነትን በማጠናከር በኩል ትልቅ አስተዋጽኦ እያበረከቱ መሆናቸውን ጥናቱ አመልክቷል።

የቴሌግራም ቻናልችንን በመቀላቀል የአዲስ አድማስን መረጃ ይከታተሉ…