በፊልም ፌስቲቫሉ ሳምንት በተጓደኝ ልዩ ልዩ ስልጠናዎች፣ የፊልም ሂስ፣ የፊልም ድርሰት አፃፃፍ የድምፅ እና ፕሮዳሽን በሚሉ እና በሌሎችም ተያያዥ ዘርፎች ለኢትዮጵያውያን ፊልም ስራዎች ከልዩ ልዩ አገሮች በመጡ ባለሙያዎች ትምህርት ይሰጣል፡፡በተያያዘም በዚህ ፌስቲቫል ላይ ለመገኘት አርባ የፊልም ባለሞያዎች ከአፍሪካ፣ ከአውሮፓ እና ከአሜሪካ እንደሚገቡ የታወቀ ሲሆን በፊልሙ አለም ከፍተኛ ተደማጭነት እና ተነባቢነት ያላቸው የመዝናኛ ኢንዱስትሪ የዜና አውታሮች የሚዲያ ሽፋን እየሰጡ ነው፡፡ እስከ አሁን Screen International, Film Contact, Indewire የተባሉትን ጨምሮ ከ 21 በላይ የፊልም መጽሔቶችና ጋዜጦች እንዲሁም ድረገጾች ፌስቲቫሉን አስመልክተው ልዩ ልዩ ዘገባዎችን አሰራጭተዋል፡፡“ከለርስ ኦፍ ዘ ናይል ፌስቲቫል”ን ያዘጋጀው ብሉ ናይል ፊልም እና ቴሌቪዥን አካዳሚ ከኢትዮጵያ ፊልም ስሪዎች ማህበር ጋር በመቀናጀት ሲሆን የአካዳሚው መስራች እና ስራ አስኪያጅ ሲኒማቶግፈር አብርሃም ሃይሌ ፌስቲቫሉን በፕሬዝዳንትነት በመምራት ላይ ይገኛል፡፡አብርሃም ሀይሌ ካሁን ቀደም “ዳራት” እና “አቡና” በተሰኙ ፊልሞች ከፌስፓኮ ፊልም ፌስቲቫል በምርጥ ሲኒማቶግራፍነት ሁለት ጊዜ ተሸላሚ እንደሆነ ይታወቃል፡፡