ጋዜጠኛ፣ ደራሲና ሃያሲ ዓለማየሁ ገላጋይ “የፍልስፍና አፅናፍ” የተሰኘ በፍልስፍና ሃሳቦች ላይ የሚያጠነጥን መፅሃፍ በመተርጐም ሰሞኑን ለንባብ አብቅቷል፡፡መፅሃፉ የተተረጐመው ከአሜሪካዊው የ20ኛው ክ/ዘመን ፈላስፋ ከዶ/ር ሞርቲመር ጄሮም አድለር “Great Ideas From The Great Books” የተሰኘ የፍልስፍና መፅሃፋቸው ላይ እንደሆነ ተገልጿል - በመፅሃፉ መግቢያ፡፡  መፅሃፉ በአምስት ክፍሎች የተዘጋጀ ሲሆን ፍልስፍና፣ ህይወት፣ ሃይማኖት፣ ፍቅርና ፖለቲካ የሚሉ ርእሶች ተሰጥቶታል፡፡በእያንዳንዱ ርእሰ ጉዳዮች ለቀረቡ የረቂቅ ሃሳብ ጥያቄዎች መልስ በመስጠት የሚያብራራው መፅሃፉ፤ የህይወት ዓላማ ምንድነው? የፖለቲካ መሪዎች ፍልስፍና፣ አገር ወዳድነትና ዓለም አቀፋዊነት፣ ስንት አይነት ፍቅር አለ? ወዘተ… በሚሉ ፍልስፍናዊ ሃሳቦች ዙርያ ትንተናዎችን ያስቀምጣል፡፡