ከ15 መታት በፊት አንጋፋው ተዋናይ ጆሮውን ተበስቶ ሎጢ በማንጠልጠል አነጋጋሪ እንደነበር ያወሳ ሌላ ዘገባ፤ በወቅቱ ለምን ይህን ተግባር እንደፈፀመ ሲጠየቅ ከጓደኞቼ ጋር ተመሳሳይ ስልክ እና ሰዓት ነበረን፤ ከእነሱ ጋር ሙሉ ለሙሉ ለመመሳሰል ጆሮዬን ተበስቻለሁ ማለቱን አውስቷል፡፡ ሃሪሰን ፎርድ 70 ዓመት እንደሞላው  በሙያው እንደሚቀጥል ተጠይቆ፤ ጡረታ ላረጁ ሰዎች ነው የሚል ምላሽ መስጠቱን የሚገልፁ መረጃዎች፤ ባለው ልምድና በአትራፊነቱ ዘንድሮም በታላላቅ ስቱዲዮዎች ለፊልም ስራዎች እየተፈለገ መሆኑን አመልክተዋል፡፡ ዘንድሮ በሶስት የፊልም ስራዎች ቀረፃ መጠመዱን የገለፀው ያሁ ኒውስ በበኩሉ፤ በሚቀጥለው ዓመት ለእይታ ይበቃሉ የተባሉት እነዚህ ፊልሞቹ “ኤንድለስ ጌም”፤ “ፓሮንያ” እና “42” የሚሉ ርእሶች እንዳላቸው ገልጿል፡፡  ከሆሊውድ የምንግዜም ስኬታማ እና አትራፊ ተዋናዮች አንዱ የሆነው ሃሪሰን ፎርድ፤ በትወና ሙያው 50 ዓመታትን ያሳለፈ ሲሆን በመሪ ተዋናይነት የሰራባቸው ፊልሞች በዓለም ዙርያ እስከ 6 ቢሊዮን ዶላር ገቢ አስገኝዋል፡፡