ማዶና  ቀኝ ዘመም ብሄራዊ ግንባር የተባለ የፈረንሳይ ፖለቲካ ፓርቲ መሪን በናዚ በመመሰል በፓሪስ ባቀረበችው ኮንሰርት ክስ ሊመሰረትባት መሆኑን ቢቢሲ ገለፀ፡፡ ኤምዲኤንኤ የተባለ 12ኛ የስቱዲዮ አልበሟን ለማስተዋወቅ ባለም ዙርያ በ65 ከተሞች ኮንሰርት የማቅረብ እቅድ ይዛ እየሰራች ነው፡፡  ከሳምንት በፊት በፓሪስ ባቀረበችው ኮንሰርት የናዚን ተግባራት በመተወን የዳንስ ትርኢቶቿን በማቅረቧ ማዶና በፈረንሳይ ፖለቲከኞች ስትተች ሰንብታለች፡፡ በፓሪሱ ኮንሰርት ላይ  ኖ ባዲ ኖውስ ሚ በተባለው ዘፈኗ የፖለቲካ ፓርቲውን ሴት መሪ ወይዘሮ ማሪን ፔለን በናዚ መስላ ትርኢቷን ማቅረቧ የትችቱ ዋና ምክንያት ነው፡፡ ይህ ተግባሯ በስም ማጥፋት የሚያስጠይቃት መሆኑን የገለፀው የፓርቲው ቃል አቀባይ  ሲሆን ሌሎች  ፖለቲከኞች በቁጣ ማዶናን በማውገዝ አስተያየት ሰጥተዋል፡፡