የቦክሰኛ በቀለ አለሙ (ጋንች) ሕይወት ዙሪያ የተፃፈው “ያልተነገረለት የሀገር ባለውለታ” መጽሐፍ ነገ ከቀኑ 8፡30 አትክልት ተራ አካባቢ በሚገኘው ሃይካን ሆቴል ይመረቃል፡፡ በወይዘሮ ይድነቃቸው አሰፋ የተዘጋጀው ባለ 243 ገጽ መጽሐፍ፤ ባለ ስድስት ክፍል ሲሆን ዋጋውም ለሐገር ውስጥ 40 ብር፣ ለውጭ ሀገራት 10 ዶላር ነው፡፡ ይህ በዚህ እንዳለ “ቁምነገር የጋዜጠኞች ማሠልጠኛ” ሦስተኛ ዙር ተማሪዎችን ትናንት አስመረቀ፡፡ ካዛንቺስ በሚገኘው የት/ቤቱ ቅጽር ግቢ የተረመቁት ተማሪዎች በመሠረታዊ የጋዜጠኝነት ጽንሰሀሳብ፣ የፕሬስ ሕግ፣ የዜናና አርቲክል አፃፃፍ፣ በሬዲዮና ቴሌቪዥን ፕሮዳክሽን፣ በቃለመጠይቅ (interview) ቴክኒክ እና ተያያዥ ጉዳዮች ለሦስት ወራት በተግባር የታገዘ ሥልጠና ወስደዋል፡፡