ትውልዱ ከቤኒን የሆነው የ48 ዓመቱ ዲጃይዋን ሃውንሶ አፍሪካ ለሆሊውድ ካበረከተችው ምርጥ ተዋናዮች አንዱ መሆኑን ሲኤን ኤን አስታወቀ፡፡ በሆሊውድ በተሰራ ፊልም ለመጨረሻ ጊዜ ከሁለት ዓመት በፊት የተወነው ዲጃይዋን፤ ሰሞኑን ኪሞራ ሊ ከተባለች ታዋቂ ሞዴል ጋር ለአምስት ዓመታት የቆየበትን ትዳር በፍቺ ደምድሟል፡፡ ከታዋቂዎቹ የሆሊውድ ባለሙያዎች ስቲቨን ስፒልበርግ፣ ሊዮናርዶ ዲካርፒዮ፣ አንቶኒ ሆፕኪንስና ሞርጋን ፍሪማን ጋር ስኬታማ በሆኑ ምርጥ ፊልሞች ላይ የተወነው ዲጃይዋን፤ በፈረሰበት ትዳር ከትወናው እንዳማይርቅ ሎስአንጀለስ ግምቱን አስቀምጧል፡፡ ቤኒናዊው ተዋናይ ከጐዳና ተዳዳሪነት ተነስቶ ዓለም አቀፍ ሞዴልና አንደኛ ደረጃ የሚሰጠው ተዋናይ ለመሆን መብቃቱን ያስታወሰው ሲኤንኤን፤ ተዋናዩ በአካባቢ ጥበቃ ዘመቻዎችና በሌሎች የበጎ አድራጎት እንቅስቃሴዎች የተከበሩ ስራዎችን እንዳከናወነ በመግለፅ አወድሶታል፡፡