የሮክ ሙዚቃ አቀንቃኙ ሮድ ስትዋርት በሁለት አዳዲስ አልበሞች ስራ እንደተወጠረ የጠቆመው ኒውዮርክ ፖስት፤ አልበሞቹ በ2013 ዓ.ም አዲስ ዓመት ዋዜማ እንደሚለቀቁ ዘግቧል፡፡ አርቲስቱ ከአልበም ሥራዎቹ ጐን ለጐን በመጪው ሀምሌ ወር በአሜሪካ ለሚያቀርባቸው የሙዚቃ ኮንሰርቶች ከፍተኛ ዝግጅት እያደረገ መሆኑን ዴይሊሜል ዘግቧል፡፡  የ67 ዓመቱ ሮድ ስትዋርት ከዚህ በተጨማሪም “ኔቨር ኤ ደል ሞመንት” በሚል ርእስ የህይወት ታሪኩን በመፅሃፍ አሳትሞ ሊያወጣ መሆኑን አመልክቷል፡፡ በመጪው አዲስ ዓመት ለአድማጭ ከሚያቀርባቸው ሁለት አልበሞች አንደኛው ከታዋቂው ካናዳዊ አርቲስት ማይክል ቡብሊ ጋር የሰራቸው ዘፈኖች የሚገኙበት የክሪስማስ አልበም መሆኑን የጠቀሰው ዘገባው ሌላኛው አልበም በራሱ ለስላሳ የሮክ ሙዚቃ ስልት የተሰሩ ዘፈኖችን ማካተቱን ገልጿል፡፡