“ስኖው ዋይ ኤንድ ሃንትስ ማን” ባለፈው ሳምንት 56.26 ሚሊዮን ዶላር በሰሜን አሜሪካ አስገብቶ በምረቃው ሰሞን የአመቱን ከፍተኛ ገቢ በአራተኛ ደረጃ በማስመዝገብ የቦክስ ኦፊስ የገቢ ደረጃን እየመራ ነው፡፡ ፊልሙ በተለይ  እድሜያቸው ከ18 እስከ 25 በሆኑ ልጃገረዶች ዘንድ መወደዱ ይገለፃል፡፡ በተቀረው የዓለም ክፍል የፊልሙ ገቢ 39.3 ሚሊዮን ዶላር ሲሆን የመላው ዓለም ጠቅላላ ገቢው 95.6 ሚሊዮን ዶላር ደርሷል፡፡ በ170 ሚሊዮን ዶላር በጀት በዩኒቨርሳል ስቱዲዮ የተሰራው “ስኖው ዋይት ኤንድ ሃንትስ ማን” ላይ በ”ትዋላይት” ፊልሞች የምትሰራው ክርስትያን ስትዋርት እና ደቡብ አፍሪካዊቷ ተዋናይት ቻርልስ ቴሮን ይተውናሉ፡፡ ፊልሙ በእንግሊዝና አሜሪካ ፊልም ሰሪዎች ጥምረት በጀርመን ታዋቂ ተረት ላይ ተመስርቶ የተሰራ ፋንታሲ ፊልም ነው፡፡ ፊልሙ በሳምንታዊ ገቢው አስቀድሞ ከተገመተው 20 በመቶ ጭማሪ ያስመዘገበ ሲሆን በዚሁ ዓመት በተመሳሳይ ተረት ላይ በጁሊያ ሮበርትስ የተሰራው “ሚረር ሚረር” የተባለ ፊልም ግን ብዙ በገቢ አልቀናውም ነበር፡፡