Print this page
Saturday, 22 June 2019 11:01

የአመቱ ምርጥ የአለማችን ዩኒቨርሲቲዎች ዝርዝር ይፋ ተደረገ

Written by 
Rate this item
(1 Vote)

ማሳቹሴትስ ኢንስቲቲዩት ኦፍ ቴክኖሎጂ ዘንድሮም ለ8ኛ አመት መሪነቱን ይዟል

                የ2020 የፈረንጆች አመት የአለማችን ምርጥ ዩኒቨርሲቲዎች ዝርዝር ይፋ የተደረገ ሲሆን ላለፉት ሰባት ተከታታይ አመታት በአንደኛ ደረጃ ላይ ተቀምጦ የዘለቀው የአሜሪካው ማሳቹሴትስ ኢንስቲቲዩት ኦፍ ቴክኖሎጂ ዘንድሮም ክብሩን አስጠብቋል፡፡
በምርምርና በመማር ማስተማር ያበረከቱትን አስተዋጽኦ ጨምሮ የአለማችንን ዩኒቨርሲቲዎች በተለያዩ መስፈርቶች እያወዳደረ በየአመቱ ደረጃ የሚያወጣው ኪውኤስ የተባለው አለማቀፍ የጥናት ተቋም ባለፈው ረቡዕ ይፋ ባደረገው የአመቱ የአለማችን ምርጥ ዩኒቨርሲቲዎች ዝርዝር ውስጥ ሁለተኛና ሶስተኛ ደረጃን የያዙት የአሜሪካዎቹ ስታንፎርድ ዩኒቨርሲቲና ሃርቫርድ ዩኒቨርሲቲ ናቸው፡፡
ካሊፎርኒያ ኢንስቲቲዩት ኦፍ ቴክኖሎጂ፣ ዩኒቨርሲቲ ኦፍ ኦክስፎርድ፣ ዩኒቨርሲቲ ኦፍ ካምብሪጅ፣ ኢቲኤች ዙሪክ፣ ኢምፔሪያል ኮሌጅ ኦፍ ለንደን፣ ዩኒቨርሲቲ ኦፍ ቺካጎ እና ዩኒቨርሲቲ ኦፍ ካሊፎርኒያ እንደ ቅደም ተከተላቸው ከአራተኛ እስከ አስረኛ ያለውን ደረጃ የያዙ የአመቱ የአለማችን ምርጥ ዩኒቨርሲቲዎች መሆናቸውንም አጃንስ ፍራንስ ፕሬስ ዘግቧል፡፡
እ.ኤ.አ ከ2011 ጀምሮ በየአመቱ የአለማችንን ዩኒቨርሲቲዎች እያወዳደረ ደረጃ የሚሰጠው ተቋሙ፣ በአለማችን 82 አካባቢዎች የሚገኙ 1000 የአመቱ ምርጥ ዩኒቨርሲቲዎችን ባካተተበት በዘንድሮው ዝርዝር ውስጥ የተካተቱት የአፍሪካ ዩኒቨርሲቲዎች 13 ብቻ ሲሆኑ ስምንቱ የደቡብ አፍሪካ፣ አምስቱ ደግሞ የግብጽ ዩኒቨርሲቲዎች ናቸው፡፡
የደቡብ አፍሪካው ዩኒቨርሲቲ ኦፍ ኬፕታውን በአለማቀፍ ደረጃ 198ኛ ደረጃን ሲይዝ፣ የግብጹ አሜሪካን ዩኒቨርሲቲ ኦፍ ካይሮ 395ኛ ደረጃ ላይ ተቀምጧል፡፡

Read 2493 times
Administrator

Latest from Administrator