Print this page
Saturday, 19 January 2019 00:00

የአየር ንብረት ለውጥና “ህዝበኝነት” የአለማችን ዋነኛ ፈተናዎች ናቸው

Written by 
Rate this item
(0 votes)

በአዲሱ የፈረንጆች አመት 2019 የአለማችን ፈተናዎች ይሆናሉ ከተባሉት ዋነኛ ጉዳዮች መካከል ከአየር ንብረት ለውጥ ጋር ተያያዥ ችግሮች ቀዳሚነቱን መያዛቸውንና እንደ ትራምፕ ያሉ ህዝበኛ መሪዎች መግነናቸውም አለማችንን እንደሚያሰጋት መነገሩን ሲኤንኤን ዘግቧል፡፡
ሰሞኑን ይፋ የተደረገውን የአለም የኢኮኖሚ ፎረም አለማቀፍ የስጋት ሪፖርት ጠቅሶ ሲኤንኤን እንደዘገበው፣ ከአመቱ አምስት ቀዳሚ የአለማችን ፈተናዎች መካከል አራቱ ከአየር ንብረት ለውጥ ጋር ተያያዥነት ያላቸው አደጋዎች ናቸው፡፡
የአየር ንብረት ለውጥን ለመከላከልና የመቋቋሚያ መንገዶችን ለመቀየስ በቂ ስራዎች አለመሰራታቸው አለማችንን በአመቱ ለከፋ አደጋ ሊያጋልጣት እንደሚችል የጠቆመው ሪፖርቱ፤ የተፈጥሮ አደጋዎችም አለማችንን በከፍተኛ ሁኔታ ሊያጠቁ እንደሚችሉ አመልክቷል፡፡
ከአመቱ የአለማችን ዋነኛ ፈተናዎች መካከል አንዱ እንደሆነ በሪፖርቱ የተጠቀሰው ሌላው ጉዳይ ደግሞ፣ የአሜሪካውን ፕሬዚዳንት ዶናልድ ትራምፕንና የብራዚሉን አቻቸውን ቦልሶናሮን የመሳሰሉ ህዝበኛ መሪዎች እየገነኑ መምጣታቸው እንደሆነም ዘገባው አክሎ ገልጧል፡፡

Read 260 times
Administrator

Latest from Administrator