ከአፀደ ህፃናት እስከ አንደኛ ደረጃ ት/ቤት ውስጥ ያሉ ተማሪዎች የስዕልና የካርቱን ሥራ ችሎታቸውን የሚያሳዩበት የህፃናት የካርቱን ፌስቲቫል ዛሬ ይከፈታል፡፡በአዲሱ ኤሊያና ሞል ዛሬ በማካሄደው በዚህ ፕሮግራም ላይ ከአፀደ ህፃናትና አንደኛ ደረጃ ትምህርት ቤቶች የተመረጡ የህፃናት የካርቱን ስዕል ሥራዎችና ኢሉስትሬሽን ለእይታ ይበቃሉ፡፡ የፕሮግራሙ አላማ ህፃናቱ ተሰጥኦቸውን እንዲያዳብሩ ለማበረታታትና ከሌሎች ተማሪዎችና ባለሙያዎች ልምድና ትምህርት እንዲቀስሙ ለማድረግ መሆኑን የገለፀችው የአዲስ አፍሪካ ኤቨንትስ ማኔጅመንት ፒ.ኤል.ሲ የፕሮግራም እቅድና አገልግሎት ዋና አስተባባሪ ወ/ሪት መቅደላዊት ዳግማዊ ፕሮግራሙ በየዓመቱ ቀጣይ እንዲሆን ለማድረግና ተማሪዎቹን እያወዳደሩ ለመሸለም እቅድ እንዳላቸው ተናግራለች፡፡