የሳምሰንግ ኩባንያ ምርት የሆነው ጋላክሲ ኤስ 9 ፕላስ ያለፈው ሚያዝያ ወር የአለማችን የሞባይል ሽያጭ ደረጃን ከአፕል ኩባንያው ታዋቂ ምርት አይፎን ኤክስ መረከቡን ቴክ ዶት ኮም ዘግቧል፡፡
ካውንተርፖይንት የተባለው አለማቀፍ የስማርት ፎን ገበያ ጥናት ተቋም ያወጣውን መረጃ ጠቅሶ ዘገባው እንዳለው፣ ከጋላክሲ ኤስ 9 ፕላስ በመቀጠል በሽያጭ እስከ አምስተኛ ያለውን ደረጃን የያዙት ጋላክሲ ኤስ 9፣ አይፎን ኤክስ፣ አይፎን 8 ፕላስ እና አይፎን 8 የሞባይል ስልኮች ናቸው፡፡
የሳምሰንግ ኩባንያ ምርት የሆኑት ጋላክሲ ኤስ 9 ፕላስ እና ጋላክሲ ኤስ 9፣ በሚያዝያ ወር የአለማችን የስማርት ፎን ገበያ ሽያጭ 2.6 በመቶ ድርሻ መያዛቸውን የጠቆመው ዘገባው፣ አይፎን ኤክስ በበኩሉ 2.3 በመቶ ድርሻ መያዙን አመልክቷል፡፡
በወሩ የአለማቀፍ የስማርት ፎን ገበያ እንደ ቅደም ተከተላቸው፣ ከስድስተኛ እስከ አስረኛ ያለውን ደረጃ የያዙት ስማርት ፎኖች ደግሞ፣ ሬድሚ 5 ኤ፣ አይፎን 6፣ ሬድሚ 5 ፕላስ፣ አይፎን 7 እና ጋላክሲ ኤስ 8 ናቸው ተብሏል፡፡