ባለፈው ሳምንት ለእይታ የቀረበው “ሚረር ሚረር” የተሰኘውና ጁሊያ ሮበርትስ የሰራችው ፊልም 18.1 ሚ. ዶላር ያስገባ ሲሆን የተዋናይቱን ደረጃ አይመጥንም በሚል ትችት ተሰንዝሮበታል፡፡ የጁሊያ ሮበርትስ ተፈላጊነትም አየቀነሰ ነው ተብሏል፡፡ ፊልሙን ለመስራት 80 ሚሊዮን ዶላር የፈጀ ሲሆን ለማስተዋወቅ 20 ሚሊዮን ዶላር ወጥቶበታል፡፡ የፊልሙ በፋሲካ በዓል ሰሞን መውጣትና ታሪኩ ጭብጥ ገበያውን እንዳዳከመበት መረጃዎች ይጠቁማሉ፡፡ ጁሊያ ሮበርትስ የመጨረሻ የትወና ዘመኗ  ላይ እንደደረሰች በርካታ ሃያሲያን መግለፃቸውን የጠቀሰው ፎርብስ መፅሄት፤ ተዋናይቷ ባለፉት ሁለት ዓመታት በሰራቻቸው አምስት ያህል ፊልሞችም ስኬታማ እንዳልነበረች አመልክቷል፡፡ ጁሊያ በአንድ ፊልም እስከ 15 ሚሊዮን ዶላር ከሚከፈላቸው የሆሊውድ ምርጥ ሴት ተዋናዮች አንዷ እንደነበረች ያስታወሰው ፎርብስ፤ ከቅርብ ዓመታት ወዲህ ግን ተፈላጊነቷ እየቀነሰ መምጣቱን አመልክቷል፡፡