Saturday, 14 November 2015 09:04

ኢንዶኔዥያ በአዞዎች የሚጠበቅ እስር ቤት ልትገነባ አቅዳለች

Written by 
Rate this item
(4 votes)

አዞ ከሰው የተሻለ ታማኝ ዘብ ነው፤ በሙስና አታታልለውም!...”

    የኢንዶኔዥያ የጸረ - አደገኛ ዕጾች ብሄራዊ ተቋም ሃላፊ፣ ከአደገኛ ዕጾች ጋር በተያያዘ ተከስሰው ሞት የተፈረደባቸውን ወንጀለኞች ለማቆያነት የሚያገለግልና ዙሪያውን በአዞዎች ተከብቦ ጥብቅ ጥበቃ የሚደረግለት አዲስ የደሴት ላይ እስር ቤት የማቋቋም ዕቅድ እንዳላቸው ቢቢሲ ዘግቧል፡፡
ከሰው ልጆች ይልቅ አዞዎች በአብዛኛው የተሻሉ ጠባቂዎች ናቸው፣ ምክንያቱም ሙስና አይቀበሉም ያሉት የመስሪያ ቤቱ ሃላፊ ቡዲ ዋሴሶ፣ በአገሪቱ የተለያዩ ክፍሎች ተዘዋውረው፣ ለሚገነባው እስር ቤት ጠባቂ ሊሆኑ የሚችሉ እጅግ ጨካኝ የሆኑ አዞዎችን የማፈላለግ ሃሳብ እንዳላቸውም ተናግረዋል፡፡“በቻልነው አቅም ሁሉ በእስር ቤቱ ዙሪያ በርካታ አዞዎችን እናሰማራለን!... አዞዎችን በሙስና
ልትደልላቸውና፣ የፈለግኸውን እስረኛ እንዲያመልጥ እንዲያግዙህ አግባብተህ ልታሳምናቸው አትችልም!...” ብለዋል ቡዲ ዋሴሶ፡፡እስር ቤቱን የማቋቋም ሃሳቡ ገና በእቅድ ደረጃ እንደሚገኝ የጠቆመው ዘገባው፤ የት አካባቢ እንደሚገነባም ሆነ ግንባታው ተጠናቅቆ በይፋ ስራ የሚጀምርበትን ትክክለኛ ጊዜ በተመለከተ ገና ውሳኔ ላይ አለመደረሱን ጠቁሟል፡፡

Read 1992 times