Print this page
Monday, 31 March 2014 11:39

የታላላቅ ደራስያን አስገራሚ እውነታዎች

Written by 
Rate this item
(6 votes)

       ኖህ ዌብስተር የመጀመሪያውን መዝገበ ቃላት ለማዘጋጀት 36 ዓመት ፈጅቶበታል፡
ዳን ብራውን “ዘ ዳ ቪንቺ ኮድ” የተባለውን መፅሃፉን ከመፃፉ በፊት የፖፕ ሙዚቃ አቀንቃኝና የዘፈን ግጥም ደራሲ ነበር፡፡ ሁለተኛው የሙዚቃ አልበሙ “ኤንጅልስ ኤንድ ዴሞንስ” በሚል ስያሜ ነበር የወጣውስ፡፡
ሲድኒ ሼልደን 50ዎቹ የዕድሜ ክልል ውስጥ እስኪገባ ድረስ ረዥም ልብወለዶችን መፃፍ አልጀመረም ነበር፡፡ ከዚያ በፊት በነበሩት ጊዜያት “I Dream of Jeannie” እና “The Patty Duke Show” የመሳሰሉ ተወዳጅ የቴሌቭዥን ድራማዎችን ነበር የሚፅፈው፡፡ ቬልይን “The Bachelor and the Bobby Soxer” በተባለች የፊልም ጽሑፉ ኦስካር አሸንፏል- “ምርጥ ኦሪጅናል የፊልም ጽሑፍ” በሚል ዘርፍ፡፡
የ “ሃሪ ፖተር” ደራሲ ጄ.ኬ.ሮውሊንግ መጀመሪያ ላይ ሥራዋን የሚያሳትምላት አጥታ መከራዋን በልታለች፡፡ ብዙዎች ውድቅ እያደረጉባት ተስፋ ከቆረጠች በኋላ ብሉምስበሪ ፕሬስ ሊያሳትምላት ተስማማ፡፡ እሱም ቢሆን ግን አይሸጥ ይሆናል በሚል ፍራቻ 500 ቅጂዎችን ብቻ ነበር ያሳተመላት፡፡ ሴት ፀሐፊ መሆኗ እንዳይታወቅ ሙሉ ስሟን እንዳትጠቀም አድርጓታል፡፡ አሁን ደራሲዋ ቢሊዮነር መሆኗ ይታወቃል፡፡
የታዋቂዋ ደራሲ ዳንኤላ ስቲል ህይወት በአንዳንድ መልኩ የፈጠራ ሥራዎቿን ይመስላል ይባላል፡፡ ደራሲዋ አምስት ጊዜ ጋብቻ የመሰረተች ሲሆን ሳን ፍራንሲስኮ ክሮኒክል እንደዘገበው፤ ሁለተኛ ባሏ ከእሷ ጋር እያለ አስገድዶ በመድፈር የተፈረደበት የባንክ ዘራፊ ነበር፡፡ ሦስተኛ ባሏ ደግሞ የአደንዛዥ ዕፅ ሱሰኛና ቤት ሰርሳሪ ነበር ተብሏል፡፡



Read 8741 times
Administrator

Latest from Administrator