Error
  • JUser: :_load: Unable to load user with ID: 62
Saturday, 12 November 2011 08:10

ዶር ድሬ በቢዝነስ ተሳክቶለታል

Written by 
Rate this item
(0 votes)

በእውነተኛ ስሙ አንድሬ ሮዌል የሚባለውና ዶር ድሬ በተባለ ስሙ የሚታወቀው ጥቁር አሜሪካዊ ራፕር ‹ቢታ ቦክስ› በተባለ የስቱድዮ የጆሮ ማዳመጫ ምርቱ ገበያው እንደቀናው ዘ ጋርድያን ሲያትት፤ ኤምቲቪ ኒውስ በበኩሉ፤ ለ10 ዓመታት የዘገየው የዶር ድሬ 3ኛ አልበም “ዴቶክስ” በቅርቡ ለገበያ እንደሚበቃ አስታወቀ፡፡የስቱድዮ ባለሙያዎች፤ የሙዚቀኞችና የዲጄዎች የጆሮ ማዳመጫ ምርት የሚነግድ ኩባንያ በማቋቋም እየተሳካለት ያለው ዶር ድሬ፤ በጥሩ ስራ ፈጣሪነት ሊጠቀስ እንደሚችል ያወሳው ዘ ጋርድያን፤ በሙዚቃ አሳታሚነትም የተዋጣለት ነጋዴ መሆኑን አመልክቷል፡፡

11 ዓመታትን በዘገየው የዶር ድሬ አልበም የዌስት ኮስት በርካታ ራፕሮች የተካፈሉባቸው 4 ዘፈኖች እንደተካተተበት የጠቆመው ኤምቲቪ ኒውስ፤ ስኑፕ ዶግም አብረውት ከሰሩት ራፐሮች መካከል እንደሚገኝበት ዘግቧል፡፡ በአሜሪካ የራፕና ሂፕሆፕ የሙዚቃ ኢንዱስትሪ በቀዳሚነት ከሚጠቀሱት አንዱ የሆነው ዶር ድሬ፤ እነ ስኑፕ ዶግ፤ ኤሚነምና ፊፍቲ ሴንትን በሙዚቃ አሳታሚ ኩባንያው በማሰራት በራፕና ሂፕሆፕ እያሰለጠነ ለስኬት ያበቃ ነው፡፡ በአዲሱ የፈረንጆች ዓመት 2012 ይወጣል ተብሎ በሚጠበቀው አልበሙ ዶር ድሬ፤ የራፕና ሂፕሆፕ ገበያን የመቆጣጠር ፍላጐትእንዳለው ተጠቁሟል፡፡አፍተርማዝ ኢንተርቴይመንት የተባለ የሙዚቃ አሳታሚ ኩባንያ ባለቤት የሆነው የ46 ዓመቱ ዶር ድሬ፤ በርካታ አዳዲስ ራፐሮችን ወደ ኢንዱስትሪው ለማስገባት ዝግጅት ማድረጉንም ተናግሯል፡፡

 

Read 1588 times Last modified on Saturday, 12 November 2011 08:13